Old Tibetan
Documents Online
Google
Find on this site

Valid HTML 4.01 Transitional

Text Archives > ITJ_0733

IOL Tib J 733 (= Ch.73.xv.4 = vol. 56, fol. 35)
    This Text All the Texts photo (IDP)

1. Content : The Decline of the Good Age.

2. Note : scroll. The beginning and the end are missing. Recto, 51 lines. Verso, a Chinese Buddhist text. Cf. Enoki (1962: C36).

3. References :

Thomas (1957: 45-51) [I.Translit., I.Trans.],

Transliteration   (Change the Display Format)

(1) / [g]nam du bro[s] nas / yul dang r[i] st[o]ng par gyur to / bar bar du yul sa dang chos ma nor par rjed na / [---]
(2) stong pa [la] rjed pa' nI / jI la yang myi phan te' / 'greng myI 'o cog gtham zer na' lha 'dI sngun lta[r] 'go' la myi drag na ji nyes
(3) shes zer bar 'ong ngo' / / 'ung nas chos dang tshe ngan pa la babste / 'dre' dang srin gyis gnod dgur brgal pas myi g.yon chan myi la
(4) dngan dgur byed p'a / myI srun pa rnams nI / / phyug po dang mthon po dang kha drag por 'ong ngo / [---] myi myi la ngan myi /
(5) b[y]ed pa'I myi rnams nI / ngo dma' zhIng dbul la nyon mongs par 'ong ngo' / / 'ung nas snga [ma bas dus nga]n pa dang tshe ngan pa' /
(6) la babste / skyin 'dang 'bab du nye ba dang / / mda' rgyang stong tsam gyis chod jIng rkyal po [g]cIg [---] [rgya]l po'i grangs m[ang]
(7) bar 'ong ngo' / / rgyal po so so nas thugs thub byaste gna'I chos bzang po dang gtsug lag [bzang?] po na / [---]
(8) so so nas thugs thub du byaste yul re chos re gtsug lag re re byas par 'ong ngo' / / [---]
(9) 'greng myi'o chog snying gyur te jI byed dgu myi rung bar 'ong ngo' / / blon po yang mangste bcu'i [---]
(10) [mang?] blon po gcIg / bcug [sar?] 'ong ngo' / / myI rabs snga ma'I chos gtsug lag bzang po [---]
(11) dang / 'greng myi'o chog / 'phyas te ngan du byas nas dor bar 'ong ngo' / / chos sar pa jI lta[-] [---]
(12) 'greng myi'o chog dang / yul sa gnyIs la phan bar myI' 'ong gyi gnod jIng nyon mongs par 'ong [ngo'] [---]
(13) myi la nyen myi byed jing drang mkhrang byed p'a rabs phyi phyIr zhing myed par 'ong ngo' / 'ung nas snga ma bas [---]
(14) la babste myi rabs phyi phyir zhing / bu zhig byung na yang shed rdzogs ma ran par / shed [r]dzo[g]s [s]mra' b[-] [---]
(15) skyin 'dang 'bab khar ni / / bu' ma'I lto nas byung nas sla ba gsuM nas / rda phrad de lo suM cu [lo brgya] tshe [---]
(16) tshigs 'dI man chad kyi mying ni / tshe ngan pa dang dus ngan pa skyin da'dang 'bab du nye ba'I [---] ma [---]
(17) myi'o chog la stong jIg / / dus ngan pa dang tshe ngan pa la yang gtsug lag la sred pa myi la ngan [ci? bye?]d [-]s myi [---]
(18) srid do' / tshigs 'dI' yiger brisla gcIg gis gcIg ston jig / / 'dzangs pas ni mnyan mod ngan pas nI rna ba ya cig [du?]
(19) thosna ya chIg du thalde / myi nyan mod 'dzangs pa 'ga' tsam gyis tshigs 'dI gzungsu bzungs te chos tshul gnyis kyang /
(20) gna'I gtsug lagi chos bzang po ltar byasna / dusla babste 'chI na yang gshin yul [na' (/nal)] [---] y[u]l [d]u phyin te / nyon myi [mongs?] [ba?]
(21) skyid do' / / skyin dang 'bab pa'i 'og du lha'i dus bzang po [la] babste / myi'o chog [s]byir 'tsho' ba'i tshe lo brgyas sngar 'tsho' 'o /
(22) chigs 'dI thos te gzungsu myi 'dzin jing myi nyan pa nI phyis 'tsho' ba'i dus las lo [b]rgyas phyiste [']tsho ['o] chigs 'di thos
(23) kyang ma thos mthong yang ma mthong ba ni myi legs nyes gyi bar du 'tsho 'o / / 'ung gyi [phy]i[r na] gnam gyi skas bar byin ba
(24) skra' bzang po nI zhag suM zhing re shig byo shig / lus ni zhag lnga zhing lan chig kru shi[g] / phu nu gnyen bla nyi du sdug pa rnams
(25) chang lud [jig?] zan byin chig / rol mo rtsed mo [byo?] shig / bdagi snying la semsna yang / dus [ngan pa la] bab bo' / tshe [ngan pa] la [bab bo] /
(26) gson po la brgya'I brgyags tshol ba bas / gshin yul na / lo khri 'bum gyi brgyags tsho[l] du rung [ng]o' / snyam du soms te' /
(27) dus ngan pa dang tshe ngan pa 'di myur du zad par smon to' / skyin dang myur du 'bab par smon [no?] / phu [nu? nye?] du chang lud pa yang /
(28) bdag chag tshe ngan pa la babste myi dga' ba'i mya ngan bsangs pa'i chang glud do zan byin no zhes [lhad (/ltad)] [thogsla?] gad mo dang rtsed
(29) mo byas te chang lud jig zan byIn chig / / 'ung nas bdag chag yul na lha chen po ji yod pa dang /sgo lha'i rnams sus ma nor
(30) bar rjed jig / dusu rjed ma nusna yang sla ba tshes zhag gsuM la / sku' shong la lus khrus te lha [sa?] phyag 'tshol la tshigs 'di skadu /
(31) byo shig / dus ngan pa la 'bab bo / tshe ngan pa la bab bo' / myI 'o cog la dbang ma mchIs so / / lha la phyag 'tshal ba yang / [l?]us /
(32) gchigi phyir lha mchod jing phyag 'tshal ba ma lagso / gnaM sa gnyis kyi 'og na 'gre[ng] myi 'o chog srid la phan bar yon
(33) dbul zhing phyag 'tshal lo' / / dus ngan pa ni myur du zad par smon to' / lha'i dus bzang po la myur du bab jing myi
(34) snga ma shI ba'i rnams kyang / dus bzang po la myur du sos par smon to' / / 'ung gyi [ph]yir lha la yon 'jal zhing phyag 'tshal
(35) lo zhes gyi shig / / pha myes sngar shI ba'i rnamsla yang / tshigs 'dI skad smos la gto[r?] ma gyi shig / de ltar byasna jI la
(36) phan zhe na / / bdag gson po'I tshe dus ma ran bar ye 'drog du myi 'ji' / dus ngan pa'I nang na / [bdagi?] bu tsha 'dzangs shing rags par 'ong
(37) [ngo'] / / shi na yang gshin yul na lam log par myi 'gro' / skyid yul du 'gro' / skyin dang 'bab pa'i 'og / [l]o brgya's sngar /
(38) 'tso' 'o' / / dbul po yang bdagi nyams jI yod pa las / 'dI' bzhin gyi shig / / chigs 'dI' gcIgis gcig [s]t[o]n jIg / / 'greng
(39) myi 'o chog kyang nyan na legs'o / / 'ung nas snga ma bas kyang tshe dus ngan pa la babste / sky[i]n 'dang' 'bab du nye ba'i thog ma' / /
(40) [ji] ltar 'ong zhe na / gnaM sa gnyis gyi bar na' / / bar gyi rgyal po bar shan she las [che?] ba myed de thog ma de'i [srid? brlag?] par
(41) ['ong] ngo / / 'ung gyi 'og du rgyal po gcig la gcIg dmag drangste / rgyal po nang 'thab par 'ong ngo' / srin no chog nI dga'
(42) [---] [ltad?] mo lta'o / lha 'o chog nI myi dgeste / myI la myig ma chags nas bzhIn rgyab du [phy]ogs s'o / / 'ung gyi tshe res 'ga'
(43) [---] las 'ongs pa'I rgyal po yang srid brlag par 'ong ngo / / res 'da' myi tha mal pa dang / bran las rgyal por phyin te /
(44) [---] jIng 'dug par 'ong ngo / / / 'ung nas gcIg la gcig dmag drang s[t]e res ['ga'? sus?] rgyal res 'ga' sus
(45) [---] bar 'ong ngo' / / 'ung nas bar 'dI'i tshe ni skyin dang 'bab pa'I tshe yIn no / / 'ung nas skyin dang 'bab pa'i
(46) [d]usla sum brgya' drug cu las sa dang / rgya' yul gyi 'og / mtsho' chen po zhigI pha [rol] nas rgyal po g[d]o[ng] nag po shing [r]ta
(47) nag po zhon ba zhig lo drug cu'i bar du dang te / rgya mgo nag po de la phyag 'tshal zhing des bkol bar 'ong ngo' / rgyal po de'i
(48) tshe lo drug cu 'da's nas / / bug chor gyi rgya sa 'dam ba'I khung bu nas byung ste / myI[ng nI] drug chen po zhes bya ba's / /
(49) rgyalI rgyal po gdong nag po dang / bug chor gyi rgyal po gnyis / myed par byas te rgya dang bug chor gnyis / 'bangs rgyal po
(50) des bkol zhing dphya' 'jal bar 'ong ngo / / drug chen po'i rgyal pos lo bdun cu rtsa gnyis dar to' / lo bdun cu rtsa gnyis
(51) dar pa dang / nyi ma shar logs kyi dru gu dang / nyi ma nub pa logs gyi drugu gnyIs 'babste / [l]og ma nI nub phyogs gyi drugu / [---]