Old Tibetan
Documents Online
Google
Find on this site

Valid HTML 4.01 Transitional

Text Archives > ITJ_0738

IOL Tib J 738.2 (= vol. 55, fol. 6) + 738.1 (= Ch.IV.3.a = Scroll Box 142) + 738.3 (= Ch.73.IV.3.a = vol. 72, fols. 34-36)
    This Text All the Texts photo (IDP) : 2, 1, 3

1. Content : Divination with dice.

2. Note : scroll. Originally a single document which is now divided into three parts numbered 738.1, 738.2, and 738.3. Recto, Tibetan Prajñā-pāramitā in 100,000 verses which is not included in this edition. Cf. Vallée Poussin (1962: 234). Verso, 738.1, 90 lines, 738.2, 33 lines and 738.3, 162 lines. The reading order is 738.2, 738.1 and 738.3. The beginning and the end are missing. Numbering: 1v16 = 738.1, verso, line 16. At the level of l.123, in the right half portion, there is an additional writing written in inverted direction.

3. References :

Thomas (1957: 113-140) [P.Translit., P.Trans.],

Transliteration   (Change the Display Format)

(2v1) [---] [-]d[-] [---]
(2v2) [---] [-]s dang n[-] [---]
(2v3) [---] ma ha'I mo la bab ste / / lha 'o cog thams shad [---]
(2v4) [---] dra ba 'am / / lha bgyegs kyIs 'phangs / / gdon khyI [---]
(2v5) byas kyang myI phan / / 'dron po la bdab na myI 'khor / / gsol shag [---]
(2v6) phya la btab na ngan / / dgra phya la btab na dgra phrad pa'I ngo yod / / mo 'dI ngan [---]
(2v7) [-]co de rje / / mna' bsal nI yongs myI che / / btsa' zhIng nI bsdu myI 'tshal / / [---]
(2v8) dkar mo'I mo la bab ste / / dbyar nI langs dgun nI nyal / / zas su zIl pa [---]
(2v9) [-]o kyang 'greng myI 'o cog la gnod pa dang 'dra ste / / lha bkur phod pa zhIg / / [s?-] [---]
(2v10) [---] bcas na dbab myI 'drIl / / rje btsan ba la skyabs btsal na / dgras myI tshugs [---]
(2v11) gdon lan ma mchIs / / khyIm phya dang srog phya la btab na bzang / / dgra phya dang [don phya la btab na] [---]
(2v12) [---] bcod lag byung na rnyed / / gsal ba la btab na gnang / / 'bo skyas byas byas na[-] [---]
(2v13) kyang [---] / [---] @@ / @ / / kye lho ga nI mchId drung na' / / spre'u cIg nI sgrIn bzhed ste / / [---]
(2v14) zas [---] [---] gyI dug dang mjal / / phyIr zhIng nI nyams myI dga' / / nams kyang nI sha ru gong / / mo 'dI
(2v15) chIg shIn [---] la bab ste / / mkhon kyIs sna drangs te / / pho sa nas srI dang rgyal byIn dang 'gong po che ste / / b[sam?]
(2v16) bzhIn myI 'grub / / so nam dang chu srId bar du yang zhugs zhIng 'dug pas / / gdon lan 'dI dag [bskar?] na / / cher na [---]
(2v17) [---] [-]ng ['byang (/'byung)] / / 'og du nI bye zal du 'gyur 'o / / chu srId la yang gnod do / / khyIm phya dang srog phya la btab na / / gdon khyI[-]
(2v18) [---] [-Ing?] 'dug / / dgra phya la btab na dgra dang phrad pa'I ngo yod do / / don gnyer na myI grub / 'dron po la btab na myI [---]
(2v19) [---] [-]s na myI gnang / / tshong byed na myI rung / / mo 'dI cI la btab kyang ngan 'o [---] @@@@ / @@ / @@@@ / kye phu sum [ni?] [---]
(2v20) [---] ba / / mda' sum nI ma byI na gyur sram nI snyan ma sra / / klu lung nI [---] [stengs?] na / / mu sma[n] [---]
(2v21) [---] [-]ms / / bka' snyan nI gsung bres pas / / dgyes so nI khus ma gdab / / mo 'dI nI [ngan? pa?] ny[e?] [---]
(2v22) gtsug lag kyI mo la [ba?]b ste / / [---] yId lo 'tad cIng 'phrod pa dang 'dra ste bzang rab bo / / khyIm phya dang srog phya la btab na
(2v23) bzang / / dgra phya dang don phya la [btab] na / / dgra phya myed don grub / / gsol shags byas na gnang / / 'dron po la btab na nye bar 'te[-]
(2v24) cI la btab kyang bzang rab 'o / / @@@@ / @@@ / @@@ / kye [gong?] [srag?] nI ma bu gnyIs / / zas kyI nI skal pog pa / / sru sru nI lo bza[-] [---] [---]
(2v25) cag nI the ne lo / / skom kyI nI skal phog pa / / g.ya chab nI sIl ma gsol / / rdzI'u nI 'dran tor gyIs chab ka [n]I [---]
(2v26) chab 'tshal nI gnas ma mchIs / / mo 'dI nI ga'u [rhva?] tsang gya [---] la bab ste / / myI khyod gyI snying la don cIg g[-] [---]
(2v27) dgra zhIg rdzI ba dang 'dra ste thugs tub ma byed cIg / / khyIm phya dang srog phya la btab na / / thugs tub ma byed m[-] [---]
(2v28) thub par gyIs / / gsol shags byas na myI gnang / / 'dron po la btab na myI 'khor / / don gnyer na myI 'grub / / [srId?] phya la btab na srId
(2v29) myed / / mo 'dI cI la btab kyang ngan / / / / @@@@ / @@@ / @@@ kye g.ya mtsho nI ngur 'phyo ba / / mtsho sman nI gnyan gyI drIn / / men tog nI hva lo
(2v30) mtshon / / ne'u sIng nI spang gyI rgyan / / spang rgyan nI m[tsho?] [---] [-]n nI lus la 'tshogs / / yul sa dkar mo'I mo la bab ste
(2v31) [-]n phya dang srog phya la btab na bzang / / [---] [-]tab na dgra myed / / gsol shags byas na nang / / bor lag [byang (/byung)]
(2v32) [---] rnyed / / mo 'dI cI la btab kyang [---]
(2v33) [---]
(1v1) [---] / / sdug [kham?] na skyud bzhad pas zla bscan na
(1v2) [---] 'brang / / zla grongs nI chab la grongs / sbrIbs te nI ma grongs kyang / / bser te nI grongs du che / / mo 'dI nI gzhan la nI ngan /
(1v3) srog phya dang dgra phya la btab nI bzang / / / / @@@@ / @@ / @@ / kye mtho ste nI dpe re legs / / rgyal tsan nI gang nga cung / / mkhyen ma
(1v4) nI ma bsogs par / / [sen (/pen)] men nI pho ba rIs / / zur bzhI nI logs dang brgyad / / bzang gan nI bstsogs par / / bzang [lda (/lha)] [---]
(1v5) la 'tshogs / / myI mgon nI phudu du bgyI / / 'dI nI ge'u shI tang sho tra'I mo la bab ste / / bdag gIs las thams shad byas [---]
(1v6) phyIn / / khyIm phya dang srog phya la btab na bzang / / dgra phya dang gdon phya la btab na / / dgra gdon ma mchIs / / gsol [---]
(1v7) gnang / / nad pa la btab na sos pa'I ngo / / bor lag byung na rnyed / 'dron po la btab na 'ong / / mo 'dI cI la btab [kyang] [---]
(1v8) / @@@@ / @@ / @ / kye phas gyI nI bcu ru pho / / dbu la nI ru 'phan yang / / rdung zhIng nI snyogs myI mkhyen / / ru 'phan nI cI la sman / /
(1v9) drum [bu (/cu)] nI ldongs bzangs la / / rgod gI nI gshogs btags kyang / / ma 'phangs nI bzhud myI mkhyen / / mtshon gyis nI dgra myI
(1v10) thub / / gshog btags nI cI la sman / / mo 'dI nI khyIm phya dang srog phya la btab na bzang / / gzhan la nI phyI dal yod / / [myI?]
(1v11) @@@@ / @ / @@@@ / kye dgung sngo nI mthon gong la / / smyIn dug nI btsan mo skar / / dgung la nI yan yan cIng / / dog sras nI skar go [---]
(1v12) dgung la nI phang ma phung / / gza skar nI gcIg myI 'tshe / / rtsang rol nI yan te gshegs / / ma 'dI nI than cI hva yen gI mo bab [---]
(1v13) khyIm phya dang srog phya la btab na / / myI khyod la lhad pal bzang po cIg 'go zhong 'ches zhIng 'dug pas / bgyegs sil la lha
(1v14) [mchod?] cIg / cI bsam ba bzhIn du grub par 'ong 'o / / mo 'dI cI la btab kyang bzang / / @@@ / @@@ / @@@ / kye rje btsan nI bu cIg pa / / [---]
(1v15) drag nI bsnyems btsal snyam / / drag [gngug (/gdug)] nI gdon dang mjal / / phyIr zhIng nI nyams myI dga' / / dngos gI nI dug dang mjal / /
(1v16) khyIm phya dang srog phya la btab na / / yen [---] dang / skag sngangs drag po zhig 'ong 'o / / bag dang rIm 'gro dang dmyIg ras [---]
(1v17) mo 'dI nI cI la btab kyang ngan 'o / / / / @@@ / @@@@ / @@@ / kye gang lha nI zhal na re / / rje la rgyal nI btsan gI 'bangs / rjeg nI bon gIs
(1v18) khogs / / chIbs kha na srab gyIs 'dzIn / / de phyir nI btsan gI 'bangs / / myI khyod kyang phu nu dang spun mtshan bskor mkhas pa
(1v19) zhIg ste / / khyIm phya dang srog phya la btab na / / lha bkur phong pas / / lha 'go zhing 'dug / / snyIng dang sbyan ba thong na rang la pha[-]
(1v20) gdon lan ma mchIs / / gnyen byas na bu tsa gzhin / / khang kyim byas na kha dro / 'dron po la btab na 'ong / / bor lag [byung?] na
(1v21) rnyed / / mo 'dI cI la btab kyang bzang / / @@@ / @@@@ / @@ kye bcu ru nI 'phan po skyes / / dbu la nI ru 'pan yang / / ru 'pan nI
(1v22) [---] la sman / / rdung zhIng nI snyogs myI mkhyen / / mtshon gyis nI dgra myI thub / / drum bu nI ldongs bzangs la / / rgod gI nI [gshogs?]
(1v23) [---] kyang / / ma 'phangs nI bzhud myI mkhyen / / mo 'dI nI gdon che ste / / 'gong dang yul gdon yod phas / / cho ga dang [---] [lon?] [legs?]
(1v24) [---] gyIs zhig / / khyIm phya dang srog phya la btab na gdon ched po yod do / / dgra phya la btab na dgra dang phrad par ['ong?] bas dgra gyI
(1v25) gsol ba dang shags bus na myI gnang / / 'dron po la btab na myI 'ong / / don gnyer na myI grub / / bor lag [byung?] na nI rnyed /
(1v26) mo 'dI cI la btab kyang ngan / / / / @@@ / @@@@ / @ / kye gangs sman nI dgar mo dang / / g.ya sman nI sI lI ma / / [---] sman nI
(1v27) snar mo gsum thugs dgongs nI dad 'tshogs na / / sems shan nI kun kyI gnam / / che rIng nI sa / gdon dang nI [lan?] byung yang /
(1v28) gdon lan nI cang myI tshags / / mo 'dI nI sman gsum bka' [bzhin?] mo la bab ste / / khyIm phya dang srog phya la btab na rab [tu?]
(1v29) bzang / / gsol ba dang don phya la btab na / / skur myI dgos par grub / / 'dron po la btab na 'ong / bor lag byung na rnyed
(1v30) mo'di la btab gyang bzang / / / / @@ / @@ / @@ / kye dgung so nI mthon gong na / / smyIn [dug?] nI bzang mo dang / sme bdun nI gzhi ['khod (/'khor)] dang /
(1v31) smral po nI rged cag gsum / / thugs snyIng nI dad 'tshogs kyang / / myI brnal nI phya dal che / / mo 'dI nI khyIm dang srog phya la btab na
(1v32) khyIm btag po khro gtum can 'am / las bya bar myI btub zhIg / / don phya la btab na myI 'grub / / don phya la btab na drI mo dang myI [---]
(1v33) dang yul gdon gsum du stong bas / / cho ga dang lon legs par gyIs zhig / / mo 'di cI la btang kyang myI bzang / / / / @@ / @@@@ / @@@@ kye
(1v34) pho rog nI rIgs kyI bya / / hang trog nI rIgs gIs che / / spyan dmyIg nI rIgs kyIs rno / / bzang khra nI gshog drag gyIs / / tvog gIs nI
(1v35) blangs kyang re / / mo 'dI nI khyIm phya dang srog phya la btab na / / sdug cIng sngangs pa 'am / / myI bde ba zhIg 'ong bas / bag legs pa /
(1v36) gIs zhIg / / dgra phya la btab na dgra dang phrad pa'i ngo yod do / / don gnyer na myI grub / cI la btab kyang [myi] rung / / / / @@ / @@@@ / @@@ / kye [ljon?]
(1v37) shIng nI drung cIg po / / thog bcad nI rtsa nas skye / / slan cad nI lcang lo 'khrIl / / 'o se nI gdang gyI rgyan / / mo 'dI nI sngar sdug cIng phong
(1v38) pa las / / lhad pal bzang po zhig gI mgon zhing bskyabs par 'ong / / khyIm phya dang srog phya la btab na / / lha [pal?] [lago?]
(1v39) rje blas dang 'dron po la btab na bzang / / tshong byas na khe phyin / / mo 'di cI la btab kyang bzang rab 'o / / / / @@ / @@@@ / @@ kye gnam [---]
(1v40) nI zhal na re / / spang snar nI g.yel gong du / / sha 'brI nI smad pa la / / sha shor nI phas kyang mchI / / lgo bdun nI chus kyang ['drI?] / /
(1v41) sko la nI bdag gI phyugs / / sdus cIng nI ra bar stsol / / ra mtha' nI gangs gIs bskor / / gangs mtha' nI brag gIs bskor / /
(1v42) myI khyod kyang sdun gyod gIs thogs pa las / / da nI thar bar 'ong 'o / / khyIm phya dang srog phya la btab na / / [sngun?] [sdug?] [phrad?]
(1v43) pa las thar te skyId par 'ong ba dang phyIs lan yod par / 'ong / / dgra phya dang don phya la btab na bzang / / gsol ba dang [---]
(1v44) byas na gnang / / 'dron po la btab na 'ong / / gnyen byas bu tsa gzhIn / / khang kyIm brtsIgs kha dro / / nad pa la btab na sos /
(1v45) mo 'dI cI la btab kyang bzang / / @@ / @@@@ / @ / kye cI gsung nI sman kyI dkor / / dgung la nI yan yan cIng [gnas?] btsal nI thab
(1v46) legs te / / phu sum nI gangs gyIs bskor / / mda' sum nI brag gyIs bskor / / rta rkyang nI gcIg myI thar / / ['dun?] tor nI gus ma [tshol?]
(1v47) de phyIr nI sman gI dkor / / mo 'dI khyIm phya dang srog phya la btab na / / lha dpal bsrung / / dgra phya la btab na / dgras myI [---]
(1v48) grog phya la btab na grog ched po yod / / don gnyer na grub / / nad pa la btab na / myI 'jI / / mo 'dI cI la btab kyang bzang /
(1v49) @ / @ / @ kye gna' dar nI rIgs kyI bu / / da rgud nI spya ngar pab / / btsan phyug nI res kyIs mchI / / myi cung nI kha ma drag / / myI [chung?]
(1v50) nI kha drag dang / / btsan ngag nI bla nas mchI / / rte'u cung nI kha ma drag / te'u cung nI kha drag dang / / mgyogs gI nI dkyus myI thub /
(1v51) nam cI than gI mo la bab ste / / myI khyod la sdug sngangs cIg 'ong gyIs bag gyis la / / rIm grom cung zhig / / khyIm phya dang [srog?]
(1v52) phya la btab na / / lha gdon yod gIs / / lha la mchod cIg / / don zhig gnyer na myI grub / / 'dron po la btab na myI 'ong / /
(1v53) mo 'dI ci la btab kyang myI bzang / / @ / @@@@ / @@@@ / kye lha rje nI khyung mkhar na / / myI cIg nI phyva long cig / / phyugs [cIg?] nI g.yang
(1v54) skyobs cIg / / 'greng la na brdzId re che / / dog la nI 'o re byams / / 'bog pyI nI mthan du 'phel / / che btsan nI man gI [---]
(1v55) mo 'dI nI klu dang gnyan gI mo la bab ste / / khyIm phya dang srog pyva la btab na / / yul sa dkar po dang sman ['tshes (/'ches)] 'grogs ce [---]
(1v56) grog phya la btab na grog ched po dang phrad / / don gnyer na grub / nad pa la btab na yen 'drog dang bral / / mo 'dI cI la btab
(1v57) cI la btab kyang bzang rab 'o / / @ / @@@@ / @@@ / kye gar gsas nI btsan bzhugs pa / / kha drag nI kun gI rje / / dur [sngun?] nI kun gI
(1v58) bsen / / cI byas nI cI rung ste / / bsam ba nI yId bzhin grub / / legs zhIng nI dpal skye pas / / sems shan nI kun gI gnas /
(1v59) mo 'dI nI khyIm phya dang srog phya la btab na / / myI khyod gyI pha myes lhad pal bzang po zhig yod pas legs mchod cig / /
(1v60) dgra phya la btab na dgra myed / / gsol shags byas na gnang / / 'dron po la btab na 'ong / / tshong byas na khe phyIn / / mo ['di?]
(1v61) cI la btab kyang bzang / / @ / @@@@ / @@ kye gangs dkar nI rtsa shed na / / spangs snar nI g.yel gong du gtsos bu nI snar mtha' ya
(1v62) ne'u sIng nI spang gyI rgyan / / dgyes so nI khus ma gdab / / mo 'dI nI ha chen bu nyen gI mo bab ste / / men tog spang la [---] na /
(1v63) kun gI dmyIg lam du sdug pa dang 'dra ste / / myI khyod gyi snying rje che ba zhIg pas / / khyIm phya dang srog phya la btab na cI [---] rung ba
(1v64) 'ong 'o / / dgra phya la btab na dgra myed / / don phya la btab na don grub / / gsol shags byas na gnang / / mo cI la [btab?] kyang [bzang?]
(1v65) @ / @@@@ / @ / kye dgung kyI nI pha mtha' na / / gser bye'u nI the bo tsam / / gser gshog nI 'dab rgyas / / dgung la nI ['khums?] [---]
(1v66) myI 'khums nI sla ru spyon / / mo 'dI leng bu hva nyen gI mo la bab ste / / khyIm dang srog phya la btab na / / sngun kham cu ched po
(1v67) 'am chad pa ched po cig gIs thebs te de'u ma rung ba las / / da nI thar bar 'ong 'ong 'o / / dgra phya la btab [na?] dgra dang [---]
(1v68) gdon phya la btab na / gdon myed / don gnyer na grub / / tshong byas na khe phyIn / / mo 'dI cI la btab kyang bzang / / @@@@ / @@ / @@ /
(1v69) lung gI nI ma mda' na / / bya za nI khyung btsun cIg / / mtsho ro nI skyI bcad cIng / / mthIng gyI nI 'ul phran la / / phyag ma nI 'o[-]
(1v70) rtsed dang / / chab la nI khang dbub dang / / gdung phyam nI khod re snyoms / / thug la nI 'phrul mnga' bas / / yId bzhin nI lha[-]
(1v71) tshul / / 'dI nI rlung gI rgyal mo'I mo la bab ste / / khyIm phya dang srog phya la btab na / / men tog pad mo dmyIg lam du [bkra?] ba
(1v72) don gnyer ba nI khrub / / nad pa la btab na sos / / dgra phya la btab na dgra myed / / gsol shags byas nang / / mo 'dI ci la btab
(1v73) kyang bzang / / / / @@@ / / @@ / @@@@ / kye chab sman nI zhal na re / / spang snar nI g.yel gong du / / sha 'brI nI yan pa la / / grum phos nI
(1v74) ne myI bsgrod / / ye mtho nI gangs gyI rdze / / 'phyIn bu nI brag la bzor / / khar ca nI phyag dru lo / / 'dI tshen dab nyId gyI mo la bab ste / /
(1v75) myI khyod kyI sems la don cIg gnyer bar bsams kyang rung ste / / phyI dal yod do / / khyIm phya dang srog phya la btab na [myI?] rung / gzhan
(1v76) la nI phyi dal yod / / don cIg gnyer bar bsams na myI 'grub / / tshong byed par sem na khe myed / / rje blas gsol na myI gnang / /
(1v77) mo 'dI cI la btab kyang phyI dal yod / / @@@ / @@ / @@@ / / kye gar gsas nI btsan bzhugs pa / / kha drag nI kun gyI rje / / ru thung nI
(1v78) kun kyI bsen / / cI byas nI cI rung ste / bsam ba nI yId bzhIn 'phrod / / sems shan nI kun kyI gnas / / tshe rIng nI [srog?] [kyang?] sra / / dgra
(1v79) yul nI g.yag yul na / / dgra dang nI g.yag 'dor yang / / dgra dang nI g.yag bsad ste / de 'Is nI lha mchod cIg / / lha yul
(1v80) nI glu dang gar / / 'dI 'bog shIng bo de sa hva la 'I mo la bab ste / / khyIm phya dang srog phya la btab na / / lha dpal 'ko / dgra phya la btab na
(1v81) dgra ma mchIs / / don gnyer na grub / 'dron po la btab na nye zho myed ste 'ong / / gsol shags byas na gnang / / srId phya la btab na bzang
(1v82) mo 'dI cI la btab kyang bzang 'o / / @@@ / @@ / @@ / kye gangs lha nI zhal na re / / spang snar nI g.yel gong na / / gtsos bu nI snar mtha' ya
(1v83) mu sman nI gnyan gyI dkor / / ne'u sIng nI spang la yan / / dgyes te nI kus ma gdab / / mo 'dI nI lha shIng pad mo'i mo la bab ste / /
(1v84) khyIm phya dang srog phya la btab na lha dpal 'che ste 'go / / dgra phya la btab na / dgra myed srId phya la btab na srId phyin / / don gnyer na
(1v85) grub / / 'dron po la btab na 'ong / / mo 'di cI la btab kyang bzang / / @@@ / @@ / @ / kye sman kang nI 'du 'du zhIng / / sha 'bI nI nyan kyI [---]
(1v86) dgo spangs nI re re mo / mo btab nI phyva la can yang / / mu sman nI rgyal mo'i bka' / / yon phul nI mchod legs na / / nyIn dro nI mtshan
(1v87) yang dro / / bka' snyan nI gsung yang rtag / / skyes phran nI mang kyI gnas / / 'dI nI sman 'du 'du 'I mo la bab ste / / ma khyIm phya dang srog
(1v88) phya la btab na lha la gtsang [sbra?] phyin bar gyIs zhig / / don phya la btab na gru gru[b] / / nad pa la btab sos / / 'dron po la btab na 'ong / / mo
(1v89) 'dI cI la btab kyang bzang / / @@@ / @ / @@@ / kye gna' las nI dus 'gyur ba ser ba nI rgya tog rgya / / zhu phyIng nI myI [bldIng?] du / char yan nI
(1v90) dgung la 'khor / / ma sbyangs nI dal ces dang / / dbu skra nI sIl sIl [---]
(3v1) [---]
(3v2) don phya la btab na don myI gru / nad pa la btab na / gdon ched po yod pas / / cho ga dang [ngo?] [lan?] gyIs zhIg / / tsong byar [---]
(3v3) rung / 'dron po la btab na myI 'ong / dgra phya la btab na dgra dang phrad pa'I ngo yod / / gsol shags byas na myI gnang / mo
(3v4) 'dI ci la btab kyang myI bzang / / @@@@ / @@@ / @@@@ / mtsho ro nI g.yu yul na / / g.yu bzangs ni lcang lo la / g.yu byas nI bka' rtses dang
(3v5) bka' snyan nI bzang dgur sbyar / / deng bos ni skyId pa'I lugs / / mo 'dI nI khyIm phya dang srog phya la btab na / [sngar?] [sr?]ug cing
(3v6) phongs te 'dug pa las / / dgra bla dang trI mchun thams shad gyIs 'ches nas / / sngar sa dma' ba la 'dug na yang / da sa mthon
(3v7) por phyIn bar 'ong / / bgyegs sol lha mchod cIg / bzang por 'ong / don gnyer na grub / tshong byas na khye phyin / / gsol shags
(3v8) byas na gnang / / 'dron po la btab na 'ong / / mo 'dI / [ci] la btab kyang bzang 'o rab 'o / / @@@ / @ / @@ / kye rta cIg nI myIr re snyan / / [dang?]
(3v9) skar dang nyid skar gnyIs 'brong sha nI myI gsol du / / rngo rtsIr nI rngog le [rgyan? (/rgun?)] / / 'brong gyI nI 'dor [snga?] ru / / rgyug cIng nI rmyIg myI ['dub?]
(3v10) ces sga nI ru thung las / / bstad cIng nI sgal myI 'byung / / [sval (/sbal)] lcag nI dkar po las / / bsIgs cIng nI spyan nI [lgra (/sgra)] / / 'dI nI
(3v11) ju dang shIng par gyI mo la bab ste / / khyim phya dang srog phya la btab na / bzang / / ri dagdags la 'gro na / rta myI [---] rI dags [phyi?]
(3v12) don gnyer na grub / dgra phya la btab na dgra myed / / gsol shags byas na gnang / / 'dron po la btab na 'ong / mo 'dI ci la [btab?]
(3v13) kyang bzang 'o / / @@@ / @@@@ / @@@@ / / kye rje nI gnyan yul du / gshegs su nI dad pa ste / / sa srIn nI 'dun phran gyIs / [yul?] [gyI (/kyI)] nI mdo
(3v14) yang bcad / / phyva' bos nI g.yang re nyams / / nyams cung nI dbugs re phra / / mo 'dI nI 'dre ma ha'I mo la bab ste / / khyIm [phya?] [dang?] [srog?]
(3v15) phya la btab na / yas gdon dang sa bdag gnod pas / / glud ched po thong zhig / / cho ga legs par gyIs zhig / dgra phya la [btab?]
(3v16) na dgra dang phrad pa'I ngo yod do / / cag dang rIm 'gro legs par gyIs / / gnyen byas na myI rung / 'dron po la btab na myI 'ong /
(3v17) nad pa la btab na gdon che / / cho ga legs par ma byas na ngan 'o / / gsol shags byas na myI gnang / / mo 'dI cI la btab [kyang?]
(3v18) ngan 'o / / @@@@ / @@ / @@ / kye ra spangs nI ngos bzangs la / / g.yu'I nI sha smad 'drIm / 'phrul kyI nI gyI lIng las / / bzang bdam
(3v19) zhing 'og du stsol / / bde rIs nI 'phrur zhing 'phyo / / gnyar zhan nI tshe lags 'grang / / sku bla nI gnyan gI drIn / 'dI nI then
(3v20) dbang nyId gyI mo la bab ste / / myI khyod gyi mo 'dI nye [dung?] bzang po zhig dang phrad par 'ong / / khyIm phya dang srog [phva (/phya)] la btab na
(3v21) bzang / / grog phya la btab na grog ched po dang phrad / / gsol shags byas na gnang / / 'dron po la btab na nye bar 'ong / [mo?] ['dI?]
(3v22) cI la btab kyang bzang / / @@@@ / @@ / @ / kye ba rabs nI gser bzangs na / / gser gyI [*ni] chab brug pa / chub brug nI dgu ste dgu / /
(3v23) dgra dgu nI yan pa la / / khrI gshegs nI stod yang 'phyo / / de yang nI skyid pa'I ltas / / 'dI nI yul sa dga' la yan
(3v24) gI mo la bab ste / / khyIm phya dang srog phya la btab na / / lha dpal bzang po dang / / sman dang yul sa dga' la yan cIg ['ches?]
(3v25) zhing 'dug pas / / legs par mchod cig / / gsol shags byas na gnang 'o / / tshong byas na khe phyIn par 'ong / 'dron po la btab na
(3v26) 'ong / / nad pa la btab na sos / / grog phya la btab na grog che / / dgra phya la btab na dgra myed / / srId phya la btab na srId [yod?] [---] mo
(3v27) 'dI nI ci la btab kyang bzang / / / / @@@@ / @ / @@@@ / kye byang rI nI phang pung na / / dngos gI nI phung rkorko / / gser gI nI sbam dang mjal
(3v28) dga' yIs nI tvag kyIs blangs / / snam phrag tu sur gis stsal / / mo 'dI nI khyIm phya dang srog phya la btab na / / nor ched po
(3v29) zhig rnyed pa 'dra ba 'aM / / grog ched po zhIg dang phrad par 'ong / / de ma yIn na nye ba drung po zhig dang phrad pa 'ong / / gsol shags
(3v30) zhig byas na gnang / / 'dron po la btab na 'ong / / gnyen zhig byed na 'phrod / / tshong zhig byed na khe phyIn / / mo 'dI cI la btab kyang
(3v31) bzang / / / / @@ / @@@ / @@@ / / kye dru gu nI khrI snang zhig / / ma 'tshal nI mchId mchI ru / / glo ba nI g.yar myI bzad / / snang rtsan nI zhabo cIg /
(3v32) chab la nI khang dbub du / / gdung phyam nI khod myI snyoms / / ne'u sIng nI gnyen gong du rta dang [*ni] rkyang 'dres na / / zhags [pa?] nI gang la
(3v33) 'debs / / g.yang mo nI lhas dkyIl na / / lug dang nI ra 'dres na / / tsho rId nI gang la bdam / / lha dang nI 'dre 'dres na gang
(3v34) phye nI cha ma mchis / / dgra dang nI g.yag 'dres na / / gang brgal nI gtol ma mchIs / / mo 'dI nI khyIm phya dang srog phya la
(3v35) btab na / / lha dang 'dre 'dres te ma phye / / dgra dang g.yag 'dres rab tu 'jIgs / / bon po ngan pas nI gdon myI phyed / / sdar
(3v36) mas nI dgra myI slogs / / theng pos nI yul myI bsgrod / / zhar bas nI lam myI thub / / mo 'dI cI la btab kyang ngan / /
(3v37) / / @@ / @@@ / @@ / kye spang ka nI ya byI na / sha pho nI khyus chags pa / / rI khyI nI bdun gIs bskor / / myI shor nI dam dam ltar / / sman
(3v38) dag nI dngos cIg ma / / rngon pa nI bdun gIs bskor / / bskor cIng nI cI ru mchI / / mo 'dI nI sman rgod shele 'I mo la [bab?] ste myI
(3v39) khyod gyI mo 'dI / khyIm phya dang / srog phya la btab nI / / gdon ched po zhig khyIm phugs yod pas / bya dgur yang [myi?] [grub?] /
(3v40) pa de yin 'o / / ### / / gdon lan 'dI dag ma bskrad na / don gnyer yang myI
(3v41) grub / / tshong byas na khe myed / dgra phyar btab / [*na] dgra dang phrad pa'I ngo yod / / gnyen byas na myI 'prod / / 'dron po la btab na myi 'ong / /
(3v42) bor lag byung nI myI rnyed / / gsol gshegs byas na / / myI gnang / / mo 'dI cI la btab kyang ngan 'o / / @@ / @@@ /@ / kye [skar?]
(3v43) zhan nI smyin drug la / / skar phran nI bzang bdun 'dus / / rgya skar nI khyu na mdzes / / bzang bdun nI yar ru blan / / smyIn drug
(3v44) nI ldeb su shor / / mo 'dI nI khyIm phya dang srog phya la btab na / / sngar nyon mongs mos ste 'dug pa las / / khyim gi lha bzang
(3v45) po 'aM pha myes gsas bzang po / gtsang ma smyIn drug dang 'dra ba / / gtsa sa dang mthon por 'dug pa cIg 'ches grogs byed
(3v46) cIng 'dug pas / / legs par gtsad sbra phyIn bar mchod cIg / / gdon lan las btsogs pa thams shad bzog nas sro[g?] [---]
(3v47) don gnyer na grub / dgra phya btab na dgra myed / / 'dron po la btab na myur du 'ong / / tshong byas khe phyIn / / srId phya la btab na [srId?] [yod?]
(3v48) mo 'dI cI la btab kyang bzang / / @@ / @@ / @@@@ / / kye grongs te nI bshums ma mchIs / / zla grogs nI chab la grongs / / dgyes te nI [bshuM?]
(3v49) ma mchIs / / bcu ru nI dgyes na bshums / / bshad mo nI bkyon ma mchIs / / so mangs nI bshad na bkyon / / phar btab nI [slaru?]
(3v50) snyung glang rgan nI bag la 'bra / / rmyIg pa nI khag gIs gang / / mo 'dI nI mtsho dar la 'I mo la bab ste / / khyIm phya la btab na /
(3v51) khyIm bdag po ched po khro gtum dang / / rgub logs che ba zhIg / / lha 'dre 'gul 'dod / / cI bsaM pa bzhIn du myI 'grub / /
(3v52) grog phyi sar 'byung / dgra phya la btab na / dgra dang phrad pa'i ngo yod / / srId phya la btab na / srId khar gdon zhugs / / rtsob gIs
(3v53) phog / / 'dron po la btab na / / myI 'ong / / gsol shags byas na / bla ma thugs gtung ste myI gnang / / bor lag byung na /
(3v54) myI rnyed / / mo 'dI cI la btab kyang ngan / / @@ / @@ / @ kye gangs dkar nI sum zur na 'brong bu nI bzhes lass te / / [nams?]
(3v55) kyang nI gangs kar rdze / / sral mo nI bzhengs lags te / / nams kyang nI g.ya' sngo rgyan / / gong srag nI ma bu gnyIs [su?] gsu[-]
(3v56) snyan nI sI lI lI / / sman dag nI dgos cIg ma / dgongs pa nI lha'I tshul / / spu stug nI 'od ltar 'tsher / / dgo spangs nI [---]
(3v57) nor / / g.yung drung nI dra bar stsol / / ra mtha' nI cang myI 'grI / / mo'dI nI bsaM dang rgod sman gI mo la bab ste / / khyim [*phya] [*dang]
(3v58) srog phya la btab na / / ma myes gyI lha bzang po cIg yod gIs / / 'go zhing 'che bar 'ong bas / / don po dang gnum lha pa yod
(3v59) na / / gsol cIg / / ma dang bu gnyIs phrad phar 'ong ba dang 'dra ste / / skad snyan te phrad par 'ong / / gnyen byas na srId yod / /
(3v60) grog phya la btab na grog che / / gsol shags byas na gnang / / tshong byas na khe phyin / / 'dron po la btab na ['ong] / / [mo?] ['dI?]
(3v61) cI la btab kyang bzang / / @@ / @ / @@@@ / kye sman yul nI sman gong na ma shIng nI ldems 'khrung / / rma bya nI khyus kyang ldIng / lo
(3v62) bzangs nI dgung le rgyan / / rtsa bgrangs nI dog mtha' yan / / dpe [legs?] nI gnyan gI mchog / / mo 'dI nI khyIm phya dang srog
(3v63) phya la btab na / / dpar lha bzang pa mya thams shad la 'go ba dang 'dra ste / / myI khyod kyang shing bzang po [lo?] ma [---] la
(3v64) [rten?] bcas na / grIb ma che ste bsIl ba la phan pa dang 'dra ste / / rI mthon po la kharu byung na / snang yal che / / rje btsan ba la
(3v65) [-]kyabs [bdzal?] na / / kha gzes myI tshugs / / lha bzang po la mchod na [phug (/phyug)] zhing mtha' myI 'grI / / don gnyer na grub
(3v66) lag byung na rnyed / / 'dron po la btab na nye zho myed ste 'ong / / gnyen byas na bzang / / mo 'di [*ci] la btab kyang bzang rab 'o / / @@ / @ / @@ /
(3v67) kye rtol bu nI lo 'du snar / / mnyel gIs [*ni] lo btsas pa / / skyI ru nI zhing rmo snyam / / mdo ru nI shva rgal 'byung / byang mtshar nI [---]
(3v68) blang snyam / / snya ru na lhod de po / / dkor gI nI sgal myIg 'byung / / shangs gyI nI zu nga la gres dag nI gsar ces kyang / [snya?] [ru?] nI lhod [---]
(3v69) mo 'dI nI rlung gI lha mo 'I mo la bab ste / / khyIm phya dang srog phya la btab na / gdon drag po khyIm phugs na ['dug?] / / cI bya [dgar?] / / ci bya [dgar?]
(3v70) myI btub cIng 'dug 'o / / nad pa la btab na myI lha dang the'u rang stong zhing 'dug / / cho ga dang ngo lon drag du gyIs cIg / / dgra phya la
(3v71) btab na / dgra drag pho yod pa'I ngo / / gsol shags byas na / slar gyod smed pa'I ngo / / 'dron po la btab na myI 'ong / / tshong byar
(3v72) myI rung / / mo 'dI cI la btab kyang ngan 'o / / @@ / @ / @@ kye dang ma nI dbyar 'khor na / lung phran nI chu phran gnyIs / / char bab nI [thag?]
(3v73) skal yang / / skyI rI nI lcang tog la / bya rgyal nI khyung sras [bzhags (/bzhugs)] / / phye ba nI gsar rogs pul / / sho zhIng nI 'ol mo la / 'phras
(3v74) drug nI lcang lo 'khrIl / / phas gyI na rI bo la / g.yang bal nI sleb gyIs long / / 'dI nI sman cung ngun gI mo la bab ste / khyIm phya
(3v75) dang srog phya la btab na / myI khyod [sdun (/sngun)] nyon mogs zhIg 'dug la / / lha bzang po zhig 'go zhIng 'dug 'o / / mye ngam ched
(3v76) po la skal mas nas 'dug pa las / gnam gi lhas char phab nas / skom rnyed pa dang 'dra / / srId myed nas phongs las /
(3v77) ma lha chen mos srId byIn ba'I ngo yod / / rje blas zhus na bka' lung snyan pa thos pa'I ngo / / tshong zhig byas na khe phyIn / / 'dron
(3v78) pho cig la btab na phyIn te 'ong / / nad pa la btab na stsI sman myI dgos / / don gnyer na grub / / shIs phya la btab na bzang / /
(3v79) mo 'dI cI la btab kyang bzang 'o / / / / @@@ / @@@@ / @@@@ / kye bka' mchId sbyangs gda' / / lho ga dang byang ka gnyIs / / g.yang mo nI
(3v80) byang na 'phan / / 'bras drug nI lho na mod / gang bdam nI cha ma mchIs / / stag dang nI seng 'ge gnyIs / / rIs bkra nI [stag?]
(3v81) kyang bkra / / mthu rtsal nI seng 'ge che / / gang rung nI gtol ma mchIs / / mo 'dI nI rang dbang ges pa'I mo la bab ste / khyIm phya
(3v82) la btab na / khra myI khyed cag sems myI mthun zhIng 'dug / / gcIg nI phar 'then / gcIg nI tshur 'then zhing 'dug
(3v83) pas / / las zhig byas na myI grub / / tshong zhIg byas na khe myed / / gnyen shIg byas na myI 'phrod / bor lag byung na myI rnyed /
(3v84) 'dron po la btab na myI 'ong / / dgra phya la btab na dgra gnyIs che cung gI la rtsod pas myI 'ong / / shIs phya la btab na
(3v85) myI shIs / / mo 'dI cI la btab kyang myI bzang / / @@@ / @@@@ / @@@ / kye lha ga na mchIng drung na spre'u cIg nI sgrIn bzhed ste / / nor gI
(3v86) nI lhag tshol na' / / nor gI nI lhag ma rnyed / / dgung gyI nI dug dang mjal / / dug yul nI sul mangs na / / dngos gyI nI
(3v87) rtsi sman bzhed / / dngos gI nI sman ma rnyed / / phyIr zhing nI nyams myI bde / / mo 'dI nI khyIm phya dang srog phya la btab na / / khyIm na
(3v88) myI sbrIn bzhed pa zhIg yod par gyur / / myI khyod sgrIn ma 'dod par / kha rog par 'dug na bzang 'o / / gson gI [zas?] btsal
(3v89) du 'gro snyams te / / dngos po dug dang phrad par 'ong / / dgra phya la btab na dgra myI srun pa dang phrad pa'I [*ngo] [*yod] / / don gnyer na [myi?] [grub?]
(3v90) gsol shags byas na myI gnang / / shIs phya la btab na myI shIs / / bor lag byung na myI rnyed / / ['dron?] [po?] la [btab?] [na?] [myI?] ['ong?]
(3v91) mo 'dI cI la btab kyang ngan 'o / / / / @@@ / @@@ / @ / kye byang ka nI ya bya na dgo bdun nI phas kyang 'tshal / / rkun pos nI re myI 'tshal /
(3v92) mu sman nI nyid gI dkor / / mo 'dI sman rgod spangs she le'i mo la bab ste / / khyIm phya dang srog phya la btab na / myI'I phyva myI
(3v93) nyams / / phyugs kyI g.yang myI nyams / / dga' skyId tshe rIng lha srung / don gnyer na grub / nad pa la btab na sos / rje blas
(3v94) gsol na gnang / / srId phya la btab na srId yod / gnyen byas na 'phrod / / tshong byas na khye phyIn / / 'dron po la btab na
(3v95) nye bar 'ong / / mo 'dI cI la btab kyang bzang rab / / / / @@@ / @ / @@@@ / kye bya bran nI 'bab zhan bas / / dgung gyI nI mtha myI sleb / /
(3v96) myI chung nI kha zhan bas byams na nI lan myI lon / / phyag na nI mtshon zhan bas / stad gyI nI dgra myI chod / / rte'u chung ni bang
(3v97) zhan bas / / skyus gIs nI sla myI snyogs / / shre'u chung nI sgyId zhan pas / / rI ka nI rgyug myi chod / / mo 'dI nI khyIm phya dang
(3v98) srog phya la btab na / / myI khyod rmang po zhIg ste / / cI byar yang myI sleb cIng 'dug / / 'og rta ngan bas dgra dang rI dags
(3v99) myI sod / / lag pa 'I mtshon rtul bas nI dgra sdang gang myI thub / / gsol shags byas na myI gnang / / don gnyen na
(3v100) myI grub / / 'dron po la btab na myI 'ong / / tshong byas na khe myed / bor lag byung na myI rnyed / / mo 'dI ngan bas gzhI non la 'dug
(3v101) / @ / @@@ / @@@@ / kye skyI rI nI 'phan kos po / / 'phan zhing nI sdug sdug ltar / / sman dag nI dgos cig ma / sman dag nI lhun
(3v102) nas 'phangs / / 'phan zhang nI rmang rmang la / / mu sman nI zhal na re / / dkar yang nI sman gI dkor / / sdus zhing nI ra ba stsol /
(3v103) 'dI sman bkra gnyan gI mo la bab ste / / khyim phya dang srog phya la btab na / / myI khyod phan po yod pa yin na[-] [---] [-]g
(3v104) cI yang myed she dag zer ba zhIg lha myI dga' / / rem la lha mchod cIg / / bsaM ba bzhIn grub par 'ong 'o / / rje blas [gsol?]
(3v105) na gnang / / kham ngu bar myI la sbyIn tongs gIs / / don gnyer na grub / tshong byas na khe phyin / / gnyen byas na 'phrod nad pa la
(3v106) btab na sos / / gnod pa la btab na lha gnod / / mo 'dI cI la btab kyang bzang / / @ / @@@ / @@@ / kye skyI rgyal nI grang ma mtso
(3v107) rtsang po nI gzhung la yan / / gro zhIn nI byI zhIn gnyIs / dgung sngo nI yan yan cIng do mo'I nI rgyan du gshegs / mtho snga nI
(3v108) skyId bzhed ste / / mtho rIs nI bka' snyan nI gsung bres pas / / deng thos nI ma lags te / / gna' thos [nI?] tshangs pa 'I sbya[-] [---]
(3v109) dgyes po nI khus ma gdab / / mo 'dI nI khyIm dang srog phya la btab na / / khyIm bdag sems bag grang ba zhIg / / sems
(3v110) ma grang bar cI bya na yang / sems bstun zhing bya bar bzang / / g.yag gI zhun mar dang lug gI zhun mar gnyIs 'dra ste
(3v111) gnyIs ka mnyam bar byas na cI bya bar yang bzang / / don gnyer na 'grub tsong byas na khe phyIn / rje blas zhus gnang / dgra phya la
(3v112) btab na dgra myed / / gsol shags byas gnang / 'dron po la btab na 'ong / bor lag byung na rnyed / / mo 'dI cI la btab kyang
(3v113) bzang / / @ / @@@ / @@ / kye ngang ngur nI gser ma g.yu / / mthIng brang nI chab gI rkyen / men tog nI hva lo then / / ne'u sIng
(3v114) ni spang kyi rgyan / / spang rgyan nI mthon ste bkra / / bzang ldan lus 'tshogs / / blta sdug nI dmyIg lam bkra / /
(3v115) spos drI nI gangs na gda' / / mo 'dI nI khyIm phya dang srog phya la btab na / / lhad dpal bzang po 'am sman dkar
(3v116) mo zhIg yod pas / / de la mchod 'phras legs par byas na / / khyed la 'go zhing 'dug pas / rIgs bshor na sod /
(3v117) rje blas zhus na gnang / / don gnyer na grub / 'dron po la btab na 'ong / / nad pa la btab na sos / gsol shags byas na
(3v118) gnang / / bor lag byung na rnyed / / tshong byas na khe phyIn / / mo 'dI [*ci] la btab kyang bzang / / @ / @@@ / @ / kye dmu lcam dang nI
(3v119) gangs lcam dang / / mthIng ma nI skyI ru gnyIs / / thugs snyIng nI dad 'tshogs kyang / myI brnal nI phyI dal che / / mo 'dI
(3v120) nI khyIm phya dang srog phya la btab na / / sems myI mthun / cI byar myI btab pas / phyI dal che don gnyer na myI grub / tshong byas
(3v121) na khe myed / / gsol shags byas na / myI gnang don gnyer na myI bgrub / / 'dron po la btab na myI 'ong / gnyen byar
(3v122) myI rung / / tshong byar myI rung / / mo 'dI cI la btab kyang myI shIs / / @ / @@ / @@ / kye gser mtsho nI ngur 'phyo ba / nyIn zhIng nI
(3v123) myI myI ltar / / mtshan zhIng nI khyI myI zugs / / shel kyI nI spa
(3v124) bkra la / / g.yang sras nI ngos la ['tshal?] / / dgo spangs nI zur la 'tshal / / mo 'dI nI
(3v125) khyIm phya dang srog phya la btab na / / lha nI phas skyon / myI nI tshus mchod / / dga' skyId tshe [rang (/ring)] / / dgra phya la btab na
(3v126) dgra myed / / don gnyer na don grub / / nad pa la btab na lha srung ba'i ngo / / gsol shags byas na gnang / / 'dro po la
(3v127) btab na bzang / grog phya la btab na grog ched dang phrad / / gdon lan ma mchIs mo 'dI cI la btab kyang bzang rab / /
(3v128) @ / @@ / @@@ / kye dbyar le nI sla gsuM na smya lo nI phrum phrum sIl / / bal tog nI dkar gyIs long / / ston le nI zla gsum na sma /
(3v129) spang rgyan nI g.yu'I lo / / rna lo nI sleb gIs long / / g.yu 'i nI sdog cIg ma / / dar sna nI bzang gIs thogs / / myI spyad nI
(3v130) phangs su gyIs / / mo 'dI nI khyIm phya dang srog phya la btab na / / khyed sngun gI pha myes lha bzang po cIg yod zIn / / da lta
(3v131) yang lha de cung thag rIng zhIng 'dug pa ltar byed gyIs / / lha de legs par gsol na / khyed la 'go zhing 'ches phar 'ong / /
(3v132) @ / @@ / @ / kye lcags gis mtha' bskor ste / / mthIng kyIs nI rgyan bres pas / / dgung mtha' nI 'gyur myI srId / dgu tshIgs
(3v133) nI gzhung [rtan (/stan)] bas / / skar nI ltung myI srId / gser gI nI phur btab pas / / zangs gyI nI rgyan bres pas / / dog mtha'
(3v134) nI ldIng myI srId / / mo 'dI nI khyIm phya dang srog phya la btab na / / lhad pal mthu bo ches bskyabs nas / khyIm phyI kun
(3v135) gser gyI phur pa btab pa ltar brtan zhIng 'dug / / gsol shags byas na gnang / dgra phya la btab na dgra myed / /
(3v136) don gnyer na grub / tshong byas na khe phyIn / / 'dron po la btab na 'ong / / nad pa la btab na lhas cIng 'dug / bor lag byung
(3v137) na rnyed / / mo 'dI cI la btab kyang bzang / / @ / @ / @@@@ / kye sha la nI mda' 'tshal ba / / mchud yId myI ches / / lcung ka nI mchu
(3v138) dmar mo / / pho rog nI lo stong po / / sha 'tshal nI dad ces dang / / mchu la nI yId myI ches / / spu bzangs na gzhan la sku / /
(3v139) drI bzangs nI rang la sdug / / de tsaM nI g.yar la gcags / / 'dI khyIm phya dang srog phya la btab na / myI khyod kyang 'dod
(3v140) cen che bas / / nor ram phyugs zhIg nyos na / / 'dre che khyod sha za 'dod na yang kha nas myI zhIg gIs phrog par
(3v141) 'ong gdon drag po zhig yod pas / gnod par sems zhing 'dug go / / don cig gnyer sem na rogs po zhIg
(3v142) gIs ngan par sems zhIng 'dug pas / bag gyIs / dgra zhIg gyIs rdzI bar sem ba 'dra ba 'aM / yen 'drog po
(3v143) zhig 'ong bas / / ngo lon cho ga bzang du gis la / nem nur ma byed cIg / / don gnyer na myI grub / 'dron po la btab
(3v144) na myi 'ong / / nad pa la btab na 'dre che / / gsol shags byas na myI gnang / / mo 'dI cI la btab kyang ngan rab bo / /
(3v145) @ / @ / @@@ / kye sa kyI nI dus byung bas / / ma 'grod nI lha yul mthong / / ma brnyebs nI dgung sngo slebs / / ma gnyer nI lha
(3v146) dkar rtse / / dpal skyes nI mtha' myI 'grI / / mo 'di bsam dang bka' gnyan gyI mo la bab ste / / khyIm phya dang srog phya la
(3v147) btab na / / ma gnyer bar nI phyIn te 'ong / / ma brnyebs par nI gnam slebs / / ma song bar khyod gyI snying phyIn zIn / mo 'dI
(3v148) don gnyer na grub / / tshong cIg byas na khe phyIn / / gsol shags zhIg byas na gnang / / bor lag byung na rnyed mo 'di ci
(3v149) la btab kyang bzang / / rgya skar nI 'od po che tho ras ni sha ru tsam na / / 'od zer ni kun la gsal / / 'od gsal naM ma
(3v150) lags na / / deng sang nI dmus long 'khyam / / phyug gI nI bu cIg pa / / nyIn dang mtshan dbang yang / dngos gI nI don ma
(3v151) mchIs / / dgung las nI lha gshegs kyang / / spyan myIg nI zur myI lta / / de tsam nI g.yar la gcags / / mo 'dI nI
(3v152) khyIm phya dang srog phya la btab na / myI khyod la pha myes gI lha bzang pho cIg yod zIn na / / khyod lha la myI bkur bar
(3v153) gyur / / da yang lha legs par mchod zhIg / / don gnyer na grub par 'ong / gsol shags byas na gnang / 'dron po
(3v154) la btab na 'ong dgra phya la btab na dgra myed / / srId phya la btab na lha myI dga' / / gsol shags byas na myI gnang /
(3v155) mo 'dI 'brIng tsam / / @@@ / @ / @ / kye dgung sngo nI mthon gong na / / nyI btsun nI 'od dro ma / nyIn zhIng nI kun la dro / / mtshan
(3v156) zhIng nI dgongs mal gshegs / / nyI btsun nI ma lags na / sems shan nI mang cIg / / mo 'dI nI khyIm phya dang
(3v157) srog phya la btab na / / lha cIg 'go zhIng 'dug pas / / lha de ma yIn na myI khyod ltogs te yang de'u shI las lta
(3v158) des bskyabs zhIng 'dug 'o / / cI bya na yang lha la gsol ba thob la gyIs dang / bya bar rung bar 'ong / /
(3v159) @@ / @ / @ / kye zla brtsan nI dung mdog la / / shel gyI nI kha bab pa / / deng gsal nI ma pa / gna' gsal nI yongs gyIs gsal / /
(3v160) khye'u cung nI 'dzangs pa pho / chung nas nI dvar lus kyang / / rang lus nI rang kyIs theg / / nams kyang nI mtha'
(3v161) myI 'grI / / mo 'dI nI myI khyod kyang / / rang lus rang gyIs theg pas / / khyIm phya dang srog phya la btab na bzang / don phya
(3v162) la btab na don gru[b] / / dgra phya la btab na dgra myed / / gsol shags byas na gnang / / 'dron po la btab na 'ong / /
(ad) yug rings dgu mchis