Old Tibetan
Documents Online
Google
Find on this site

Valid HTML 4.01 Transitional

Text Archives > Or_8212.187

Or.8212/187
    This Text All the Texts photo (IDP)

1. Content : Old Tibetan Annals (version II).

2. Note : scroll. The beginning and the end are missing. Recto, 92 lines. Verso, a Chinese Buddhist text. Similar to P.t.1288 + IOL Tib J 750.

3. References :

Choix II (pls. 592-595, notice 31-32),

Bacot et al. (1940-1946: 55-66) [I.Translit., I.Trans.],

Transliteration   (Change the Display Format)

(1) bsduste / bod yul gyi pha los gyi mgo mdzad / dgun po brang brag mar na bzhugste / dgun 'dun blon ce cung bzang gyis rnam
(2) su bsduste / pha los bgyis par lo cIg / spra'I lo la bab ste / btsan phoe pho brang / [*ra] mtsar du btab ste / byang roldu gshegs
(3) dgun 'dun skyI sho ma rar / blon ce cung bzang dang / 'bal ldong tsab gnyis gyis bsduste / ru bzhi mkhos bgyis par lo chig
(4) bya gagi lo la bab ste / btsan poe pho brang / yar 'brogI yI dang na bzhugs / rgya'I dmag dpon 'ba' tsang gun / kog yul gyI rgya'I
(5) byim po drangste / dbon 'a zha rje dang blon mang pho rje gnyis gyis mkhar jid par la brgalde / rgya'I ram 'da' jId par du / [phud?]
(6) [rgon?] mkhar pho cer drangste / rgya phal cer bkuM / dgun btsan po brag mar na bzhugs par lo gchig / khyi lo la bab ste / dbyar
(7) btsan po na mar na bzhugste / gser khung du rol du gshegs / dgun pho brang brag mar na bzhugs / mdun ma skyi bya rling tsal du
(8) blon ce cung bzang dang / 'bal ldong tsab dang lang myes zigs gsuM gyis bsduste / ru bzhi 'brog sog mkhos bgyis / dgu
(9) khol gyI khral phab pha bsduste / blon skyes bzang stag snang la tang btab par lo gchig / phagI lo la bab ste / dbyar btsan po
(10) na mar na bzhugs / gog yul du rgya'i byim po byung ste / bru sha dang gog stord / dgun btsan po brag mar na bzhugste / dgun 'dun dra'I rtse gror blon ce cung
(11) bzang dang / 'bal ldong tsab dang blon mang pho rje dang / zhang 'bring rtsan las stsogs pas bsduste / 'brog sogi rtsis gyi [mjug?] bcade / zhing gyi reg [zir?]
(12) yab gyi khor pha dag dmag myis phab / stong sar stong sde gsum gyI stong dpon bskos / lang 'bal gyi bran spyugste /
(13) mtong [sod?] du bton / blon khri bzang dang / zhang stong rtsan gnyis gyis / mkhar te'u cu phab / rma grom pyir btsugste / zhang mdo
(14) bzher rma grom gyi dmag dpon du bka' stsald / mdo smad gyi dbyar 'dun dbu le lam nag du / blon khri sgra dang / mang rtsan
(15) 'pan gang dang / blon mdo bzher las stsogs phas bsduste / te'u cur dra ma drangste / dgun 'dun zhang rgyal zigs gyis /
(16) rag tagI kog du bsduste / lang 'bal bkyon pab pe'I nor brtsIs par lo cig / spra'u lo la bab ste / dbyar btsan pho
(17) zung kar na bzhugs / btsan poe mtsan khrI srong lde brtsan du bond / cab srid pyag du bzhes / 'bangs mta' bzhi la
(18) bka' sho cen pho pyung / dbyar 'dun glagI bu cung du blon skyes bzang rgyal kong gyis bsduste / lang 'bal gyI nor gyi [mjug?]
(19) brtsIs / dgun btsan pho zung kar na bzhugs / dgun 'dun skyi pyi tsal du / skyes bzang rgyal kong dang / rgyal ta khrI gong nyis
(20) gyis bsduste / ban 'jag nag po dang gog dang / shIg nig las stsogste / stod pyogs gyI pho nya pyag 'tsald / pho nya'I
(21) lan du pa gor na 'dod dang / ce snang rtsan gnyis bka' stsald / blon khri bzang dang zhang stong rtsan dang / kag la bong gsuM
(22) gyi dmagis / se cu phab / / tse ci man cad 'bangsu bkug / mdo smad gyi dbyar 'dun yol du blon khri bzang gyis /
(23) bsduste / gsar bu pal pho ce mchIs / dgun 'dun yol du blon snang bzher gyis / bsdus / par lo cIg /
(24) ### dbyar btsan po'i pho brang ba bams gyi g.yag ru gong na bzhugste rgya'I po nya pyag 'tshalde dbyar 'dun
(25) stod gyI mong du blon chen po snang bzher dang zhang rgyal zigs gnyIs gyIs bsdus te blon skyes bzang rgyal kong blon che'i
(26) 'og dpon 'tshal 'tshal ba las guM / mdo smad gyI dbyar 'dun re kras 'dzong du zhang stong rtsan dang blon mang rtsan
(27) 'phan gang gyIs bsdus dgun btsan po'I po brang stod gyI lcang bu na bzhugs mdo smad gyi dgun 'dun blon mang rtsan
(28) dang blon mdo bzher gnyis gyIs gtse nam yor du bsduste blon chen po snang bzher las stsogs pas rgya'I mkhar tsong ka /
(29) chen po dang seg shing kun gnyis phab par lo cig ### dbyar btsan po khri srong lde brtsan gyi
(30) pho brang zu spug na bzhugste blon che snang bzher bod yul du slar mchIs mdo smad gyi dbyar 'dun zhang stong
(31) rtsan gyIs dbu shing nyag du bsduste yul yul du chad ka bgrangs / dgun btsan po'i pho brang byar gyi lcang bu na
(32) bzhugste mdo smad gyI dgun 'dun gtse nam yor du bsduste chad ka'I rtsis bgyis blon khri bzang dang skyes bzang
(33) stag snang las stsogs pas khar tsan leng cu phyogsu dra ma drangs par lo cig /
(34) dbyar btsan po'I pho brang stod gyI mkho na bzhugste mdo smad gyI dbyar 'dun blon khrI sgra dang blon mdo bzher gyis
(35) dbu ler bsdus te sum ru pal po che yIg gtsang stsal blon khri bzang dang zhang stong rtsan gnyIs 'a zha yul du
(36) mchis dgun btsan po pho brang nyen kar na bzhugs dgun 'dun blon skyes bzang stag snang gyIs slor bsdus
(37) mdo smad gyi dgun 'dun rag tagI rma rong du blon khrI sgras bsdus te blon khrI bzang dang zhang stong rtsan dang zha[ng]
(38) btsan ba gsum gyis tsong ka chu ngu phab par lo cig / ### dbyar btsan po'i pho brang myang /
(39) sgrom du btab btsan po'I sras bltam dbyar 'dun ne tso lung du blon chen po snang bzher gyis
(40) bsdus te stod pyogs po nya pyag 'tshal / mdo smad gyI dbyar 'dun blon khrI sgrang dang blon snang bzher rtsang
(41) khong gyis re lung bzangsu bsdus / ### dbyar btsan poe pho brang zu spugI / pho brang sdIngsna [bzhugs?]
(42) dbyar 'dun mal tro'I / brdzen thang du 'dus / / mdo smad gyI / dbyar 'dun nyas gyI zho thang du 'dus / / dgun pho brang /
(43) byar gyI lcang bu na bzhugs / / dgun 'dun skyI bur du 'dus / / mdo smad gyI dgun 'dun gtse nam yor du 'dus /
(44) te blon skyes bzang las stsogs pas / khar tsan ba mgo dang ke'u shan gnyIs phab / / zhang stong rtsan
(45) gyis zong cu dang / zangs kar gnyIs phab par lo gcIg / / ### pho brang dbyar sa byar na [bzhugs?] /
(46) dbyar 'dun glagI bu cung 'du 'dus / / rgya'I pho nya [^ang (/yang)] 'do shI las stsogs pa / phyag 'tshald / / mdo smad gyI /
(47) dbyar 'dun / dbu le'I lha rI mor 'dus / / dgun pho brang byar gyI lcang bu na bzhugs / / dgun 'dun skyI bur du /
(48) 'dus / / mdo smad gyI dgun 'dun / gtser blon khrI sgra stag tshab gyIs / bsdus / rgya'I dpya dar /
(49) [so] phyogsu / stong dpon yan cad bya sgar stsald / / dgun smad rgya rje nongs nas / / rgya
(50) rje gsar du bcug pa / / dbya' dar dang sa rIs las stsogs pa 'bul du ma rung nas / / chab srId zhIg nas
(51) zhang rgyal zIgs dang zhang stong rtsan las stsogs pas / / bum lIng lcag zam rgal te / / dra cen drang ste /
(52) 'bu shIng kun dang zIn cu dang ga cu las stsogs pa / rgya'I mkhar mang po phab ste / zhang rgyal zigs
(53) slar bod yul / du / mchis te / zhang rgyal zIgs / / dang / blon stag sgra dang zhang stong rtsan dang zhang /
(54) btsan ba las stsogs pas / keng shIr dra ma drangste ke shI phab / / rgya rje bros / / nas / rgya rje gsar du bcug /
(55) nas / dra ma / slar log nas / / zhang rgyal zig bod yul du mol cen la / mchis / par lo gchig /
(56) ### pho brang byar gyI lcang bu na bzhugs / / dbyar 'dun glagI bu cung du 'dus / / mdo
(57) smad gyI dbyar 'dun blon khri sgra stag tshab gyis / sla shod gyi snig du bsdus / / bod yul du mol cen /
(58) mol cen mdzade / / / zhang lon chen pho spo bleg mdzade / / blon che
(59) snang bzher ke ke ru'I yI ge stsalde / blon cher bcug / zhang rgyal zigs chen pho g.yu'I yi ge
(60) stsalde / mgar 'dzi / rmun gyI thang du chog shesu bstod / / blon khri bzang blon cer bcug / /
(61) stong rtsan g.yu'I yI ge stsal te / so mtha bzhI dmag pon du bka' stsald / / par lo gcig / /
(62) $ / / pho prang byar gyi lcang bun bzhugs / / dpyar 'dun glagi bu cung du 'dus mdo
(63) sma,d gyi dpyar 'dun blon khri sgra sdagtsab gyi sla shod gyi snigs dus bsdus bod yul
(64) du mol cen mol cen mdzade zhang lon chen po spo bleg {mdzade} (READ: mdzad de) blon che snang bzher
(65) ke ke ru'i yege stal de blon cher bcug zhang rgyas zigs chen po 'i yege
(66) stsal de mgar 'ji rmun thang du chog shesu sdod blon rgyal bjang blon cher bcug
(67) sdong rtsan g.yu'i yege stsalde so mtha bzhi dmag bon dus bka' stsald par lo
(68) gcig btsan po khri btsug legs btsan gyi bka' skos de mchis pa
(69) khong kyis re lung bjang su bsdus dbyar btsan pho pho brang zu spos gyis
(70) pho brang sding sna bzhugs dbyar 'dun mar dro'i brdzen dus 'dus mchis dang
(71) mdo smad gyi dpyar 'dun nyas gyi sho thang du 'dun dgun pho brang byar gyis lcang bu
(72) na bzhugs dgun 'dus skyi bur du 'dus mdo smad gyis dgun 'dun gtse nam
(73) yor dus 'dus de blon skyi bjang las la stsogs pa khar tsan ba mgo dang ke'u shen
(74) gnyis phab zhang sdong stsan gyis zong cu dang zangs kar gnyis phab pa lo gcag
(75) pho brang dpyar sbyar na bzhugs dbyar 'dus gla gi bu cung 'du 'dus rgya 'i pho nyang
(76) yang 'do zhi las stsags pa pyags 'tshal mdo smad gyis dpyar 'dus
(77) dbu le'i lha ris mor 'dus dgun pho brang byar gyis lcang bu na bzhugs
(78) dgun 'dun skyi bur ru 'dus mdo smad gyis dgun 'dun gtser khri sgra dang
(79) gi sdag tseb gyis bsdus rgya'i dpya dar so phyogs su sdong dpon
(80) yan cad bya sgar stsald dgun smad rgya rje nos nas rgya rje gsar dus
(81) bcug pa dbyar dang dngas ris las las stsogs pas bum ring lcag zams
(82) rgyal de dra cen drang te lastsogs pa bum ling lcag zam rgal te dra cen drang
(83) sde zhang rgyal zigs dang zhang sdong stsan las stsogs pa bum ring lcag zam
(84) rgal de dra cen drang sde 'bu shing kun dang zin cung las stsogs pa rgya'i mkhar
(85) mang po phabde zhang rgyal zigs slar bod yul dus mchis ste zhang
(86) rgyal zigs dang blon stag sgra zhang stong stsan dang zhang btsan ba las s[ts]ogs
(87) $ / / ba / btsan pho brang nas yam cu dang sdag cung bjang gyis kva cu khar nang du
(88) mchis pa'i du su khar nang nas rgyapo ko te mchis pa'i kam cu mjal de
(89) rmas pa mchid nas bod gyis dran ma drang de mchis pa dang byar nas
(90) bro ye kan las gtog de phyin cad bden dus gzung yang myi rung pa bod
(91) kyang khral yang myi rta da phyin cad nas zagyi khrim dang yang 'byor sde /
(92) btsan pho pho brang lha skal nas bzhugs sde bla na bka' nan thur drags sde mchi