Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1042

Pelliot tibétain 1042
    This Text All the Texts  

1. Content : Royal funeral rituals.

2. Note : scroll. The beginning is missing. Recto, 148 lines with 3 Chinese characters Meng Dafu 孟大夫 at the bottom of the paper. Verso, a Chinese Buddhist text. Cf. Catalogue VI (62).

3. References :

Choix IV (20-24) [I.Translit.].

Lalou (1939-1961: II, 43) [P.Translit.],

Transliteration   (Change the Display Format)

(1) [---] gsol [---]
(2) [---] gshen gyis [---]
(3) [---] gshin phyag 'tshal [---]
(4) [---] dang zug / / skyan de'i 'og du zha [---]
(5) [---] rnams phyag 'tshal nas / sa sar dngar / de nas /
(6) [---] bsham ngud kyis gdab / / rgyal gyis phyag bgyis /
(7) [---] pa la / / zhang lon zhal ta pa' / / zi mo pa' /
(8) [---] [-]na dang phyag tsang / / de'i 'og du sug las /
(9) [---] mtshon pa dang / 'or gyer pa rnams kyis phyag /
(10) [---] nas gsar g.yu bse dung / spug mtshal / glas rnams dang sman /
(11) [---] / / skyems kyi nang du yang stsal nas / / sobs tang sman gyi rabs bgyis te /
(12) [yams?] gcig gsol / / de nas phru stsang gsol te yams gcig / de nas rgyal la lhos drangste /
(13) ljags byang gsol / / de nas rgyal gyis / mnga' thang dang / dbang tang bcad / / de nas zhang gis /
(14) rgyal la dbon lob tang snam rta 'dren bar phrin gyis gsol / / de nas zhang dbon mjalte /
(15) de nas thugs gur dang / dbon lob tang / / rta do ma g.yag do ma / snam rta dang g.yag 'phral sprede /
(16) mjal nas / zhang gis 'ban skyem la / zhug shang gser skyems kyis / / yams gcig phyag bgyis /
(17) nas zhal ta pa rim pa bzhin zhang la phyag bgyi'o / / de nas nam rta nI do ma'i 'og du dngar ro / de'i 'og /
(18) du gnyen 'o byams kyI sris / de'i 'og du rgyal than chags kyi dkor / dngar ro / / dngar tshugs nas /
(19) stsang po drangs te / sku gshen gyIs yogs bda' / 'brum bzhi gsol / sgo btsas stsal / sku gshen gcig gis /
(20) stsang po gsol te / yams gcIg / sku gshen gnyis kyis dkar mo mjol te yams gcig / mjol
(21) bon po phal gyis / chags blangs te chen tags la mchi / / chen tags mjol nas snang ma dang /
(22) spos lam gsol te yams gcig / / de nas bshum ngud kyIs kyang gdabo / / de nas nang gi gdan /
(23) la gshegs te / / cho ga dang rim pa nar ma dang 'dra bar mdzado / / stsang nan yams gsum gsol /
(24) pa'i / dbu ma la / / pha ba ma ma dang / chibs ye ru 'phang dang / do ma chen po pham phabs stsald to / chibs /
(25) slad logs na mchis pa'i rnams / / bzang yugs bgyis te spos lam gsol / / stsang nan /
(26) tha ma la zhes pham babs stsald / / de'i 'og du gro skyems yams gcig / / rgun skyems /
(27) yams gcig / / '[-] skyems yams gcig / 'di gsol nas / stsang sder gyu / gsang gis /
(28) gdab / de nas thugs spur mjal te / / mjal pa'I cho ga dang rim pa la / / thugs kyi g.yas /
(29) g.yos su phyag cha drangs / / thugs kyi sna la dur bon po dang / phangs bon po chen pos drangs /
(30) de'i 'og du / zo rig / de'i 'og du nam ka' / de'i 'og du smra zhal / / de'i 'og du zhal dang sku rten /
(31) g.yas g.yos su mnabs sgye / / de nas thugs gur / de'i 'og du dbon lob / de'i 'og du /
(32) zi mo / / gur gnyis kyi g.yas gsos su / / zha 'bring nang pa dang / zhang lon zhal ta pa' / zhal gyi /
(33) sdun g.yas g.yos kyi zur la / / go ngan dang / zug skyan tshar gnyis / / dbon lob kyi phyi zur /
(34) g.yas g.yos su / sku gshen gnyis kyis sna drangs nas / / pha rol tshu rol gyi thog ma /
(35) ye ru phang re re / de'i 'og du / do ma che chung / de'i 'og du rnam rta che chung / de'i 'og du phang sga pa /
(36) phal / de'i 'og du gnyen 'o byams kyi sris / / de'i 'og du rgyal than chags kyi dkor de'i /
(37) 'og du rol bzangs rta rgyan can / / de'i 'og du / dog gshen re res drangs te / mdzo bang sgyal /
(38) dang lcam mjo / / tshar gnyis kyi / mjug gi dbusu / / sku gshen gnyis kyis drangs te / dkar mo / de'i /
(39) 'og du / 'dral chen gnyis kyis drangs te / do ma dang g.yag rol dang / snam g.yag la stsogs te /
(40) chen tags rnams mchi / / phangs bon po chu ngus / ring dang ring gur dang / zhal gyi spyan drangs te / /
(41) se'i sgor gshegs nas / / thugs rkyen gyi rnams / zhugs chad tang / 'or gyer gyis bcad /
(42) nas / / thugs spur mjal te / / ring gI zhal dang / thugs kyi zhal / / ring gi gur dang / thugs kyI gur /
(43) lan gsum gtugs nas / / mjal skyems yams gcig gsol / / nas ring rkyen ni der gzhes /
(44) thugs rkyen gyis g.yon 'khor du drangste / / khor mo gsum gyi che phyag tab yams re gsol / /
(45) rta grab kyi rnams kyang / g.yas g.yos nas drangs te lan gsum bskor ro / / lan gsum bskor nas /
(46) g.yar gong nas / mdung lan gsum btud de / / gshin phyag bgyi / / zhal ta pa dang / zi mo rnams kyang /
(47) bshums ngud kyis gdab / / bshums ngud kyis btab lags nas / / sku gshem mjol bon po rnams /
(48) kyis / / do ma la stsogs te rkang 'gros kyI rnams gshog yugs kyis gdab / / de nas ring ser gshegs /
(49) pa'i rim pa' la / / sku gshen rigs gshen dang / phangs bon po gnyis te gsum gyis sna drang / de'i 'og /
(50) du nam ka' / / de'i 'og du nang gi zo rig / de'i 'og du smra zhal / de'i 'og du g.yas g.yos kyi mnabs /
(51) sgye / de'i 'og du zhal dang sku rten / / de'i 'og du thugs gur / de'i 'og du ring gur de'i 'og du /
(52) dbon lob / / ser gshegs nas zhal ta pa rims kyis phyag bgyis nas / / nyam pag ma 'chugs /
(53) par gsol / / rgyal gyis kyang / mnga' thang bcad mnga' thang du 'dus so 'tshal / / bzang /
(54) ngan rim par plags te / / 'o dod bod / / sku gshen kha gtsang gnyis la / gcig gis / / chibs /
(55) las gcig bcad de / g.yang rtar bgrang / / dkar mo dang / g.yag las gcig bcad de / don por /
(56) bgrang / / sku gshen gcig gi dkor las sna gcig bcade / / phugs nor du bgrang / de nas sku gshen /
(57) sku gshen na bza las re re stsald to / / de nas nub kyi gdan la gshegs kyang / / cho ga nar mar /
(58) gsol / / de nas nam tshab tshub na / / snyun bon po / smag bon po / 'jol bon po rnams kyang / sa sar /
(59) gyer la mchi / / cho ga nar ma la tho ram dang po dung bus pa dang / / sku gshen phangs bon po dang / rlad bon /
(60) po dang / ring mkhan dang / bzhes pa'I phyag tsang gnyis / 'di rnams mkhan sprus bsangs te / / skam phyag /
(61) du 'tshal nas / / ri mkhan gyis / thugs gur ring gur dbon lob / bshus nas / drul phyag gis gdab / / sku /
(62) gshen phangs bon pos bzhengs gsol / snang ma gsol / / zhal gyi rnams kyang tshur bsgyar te / sobs kyI /
(63) cha rkyen dang / / sman gyi rnams / bud kyang bud / skyems gyi nang du yang stsalte / / yams gcig stsold /
(64) mtha' skya ste / dung dbu ma bus na / zhang lon zhal ta pa dang / zI mo rnams / gshin phyag du 'tshal / de'i /
(65) 'og du sug las myi phal phyag 'tshal / / de'i rjes la dgung ka phan phun na / / dung tha ma bus na' /
(66) phyag cha ya yo srong zhes bod / phya cha yo bsrang / dgung sangs na / / zha 'bring pa dang / phyag 'tshal ba' phyi nang /
(67) rim pa bzhin du gshin phyag du 'tshalo / / de nas phru stsang gsol te / yams gcig / / dkar mo mjol te /
(68) yams gcIg / / spu mtshal gsol te yams gcig / / gdan cung gsol te yams gcig / / gro /
(69) skyems gsol te yams gcig / / de nas dro'i nar ma la gshegs te / phyag shol drang / 'og re bting /
(70) gdugs tshod drang / / yogs bda' / 'brum bzhi gsol / sgo btsas stsald / / thugs nyen phyag tsang bro ga /
(71) spyal / stsang nan dang po mngan chos su gsol / / stsang nan dbu ma la / pha ba ma ma dang ye ru 'phang /
(72) pham phabs stsald / / stsang na tha ma la zhes pham phabs stsald / / dgun skyems yams gcig /
(73) sbrang skyems yams gcig / 'bras skyems yams gcig / / khre yu yams gcig / / 'dI rnams /
(74) gsol nas / / phru stsang sder gyu nas / gsang gis gdab bo / / de nas gung skyems tang / / nyam pag ma /
(75) 'chugs par bgyis te / / skam phyag du 'tshal te gsolo / / de nas nub kyi gdan la gshegs kyang / dro'i /
(76) cho ga dang 'dra bar gsolo / / stsang sder gyu nas / gsang gis gdabo / de nas gro skyems gcig 'bras /
(77) skyems / yams gnyis / skam phyag du 'tshalo / / de nas sman bon pos sman drangs lags nas / phangs /
(78) bon pos ma pang gsol / phru stsang gsol / skyems yams gsum gsol / / de nas zhal ta pa'i rnams /
(79) kyis gson phyag du bgyis te / / so sor mchI / / de na sku gshen gyis brnal kab gsolo / / ma pang gsol ba /
(80) ni dgung sla ngo re lan re ma 'chugs par 'tshalo / / gtor ma chen po bgyis pa'i 'og du / /
(81) man tog sha dus khu grags / / nya tog tshes tog / gsollo / / mdad cen po ni thog ma grongs ngog du /
(82) gyur nas / / lo gsum gyi du su bgyi 'tshal te / / mdzad pa'i tshe / zla ba dang skar mar sbyar te / / zla ba yar gyI myi ngo /
(83) mar gyi myi ngo / gar mdzad kyang rung ste / / dgun sla 'bring po la / gor 'khyags shing 'khyags te / mdad shid /
(84) btang yang phan myi thogs so / / dbyar sla 'bring po la / gor sngo shing sngo'i dbal te sman myi thogso / / ston sla /
(85) tha chungs tshes nyi shu gsum phan chad tang / / dgun sla ra ba tshes gsum tshun chad / zhag bcu la mdad /
(86) shid btang na / / nam gyi mtha' la bab ste / mdad btang na / 'da's pa la yang myi sman / / slad ma la yang dngo sdig /
(87) du mchI'o / / gshin la gtad du myi rung ba'i spu la / / rta nag po lhing nag / rta khra bo / g.yag rog po kham pa /
(88) mdzo kham pa dang stag re ru yur / / g.yag dkar po thal kar / / 'di rnams g.yen dgu lastsogs te / /
(89) mnga' dbang so so na mchis pas / / gtad kyang mchir myi btub ste / myi sman no / / dur du stsald du myi rung ba' /
(90) la gcan zan gcan du gyur te myi rung / / ring sgrom 'khor du khar ba chu'i rigs te myi gzhag / / rkang /
(91) 'gros kyi rnams kyang / snga slad khram btab ste / / myi 'chugs par bgyi / / bshan lug brtsI ba ni / se gru bzhi la /
(92) lug bzhi / / rgyal thag brgyad la lug bzhi / / 'di rnams nI grangs la ma gtogso / / skyibs tang / mtshal /
(93) ma ni grangs la gtogso / / spyi grongs ngog du gyur pa la / thog ma'i 'on kung / tha ma'i gtang khung lastsogs /
(94) te sa lan gsum las thur du rkor myi rung ngo / / rta g.yag man chad che chung / ma 'chugs par gsol /
(95) gtor ma phra mo la thugs / dbab myi 'tshal te / gshegs rabs tsam bgyi / / rkang 'gros mjol du rung ngo / /
(96) thugs dbab pa dang / snyun shan gdab pa yang / / lhu bcu gnyis mgo dang bcu gsum ste / 'di las mangs /
(97) na yang drags / / nyungs na yang chad de myi rung ngo / / mdad chen po'i tshe yang / / cho ga gzhan ni gtor ma /
(98) chen po dang 'dra'o / / thugs glud lu gu dkar po gcig /
(99) gla sgang bcu gsum / mda' rgyud che thang lastsogs te / / yul lha yul bdag tang / yab myes yum phyi /
(100) dang yogs che thang ste / / btol ched po bas shas res bskyed / / lhos che thang ste / rta shu bo zhur po rting kar /
(101) dang / ba skya mo gcig gis bskyed / / mdad shid rgyal gyIs mnga' thang bcad de / / gtad tu gnang ba'i rnams /
(102) bdud gcado / / gtang du stsold pa ni / na bza skyem kor mtshon cha sna tshogs / byes cha sta spyad / zhugs cha /
(103) thugs rag pos phul ba' / dmyig mangs / rol mo cha / 'phral du ma mchis su myi rung ba'i dkor /
(104) cha sna tshogs / phyag tsang skyem mal pa'I cha rkyen / dang / bshos kyi phyag tsang gi cha rkyen / zhal zas tang skyems /
(105) las stsogs te / yo byad du 'tshal ba'i cha rkyen / ril gtang du mchi 'o / / rgyal gyis thang bcad de khram /
(106) gnyis bgyis te / / gcig ni zha 'bring rje bo thang chen po la gtad / / khram gcig ni skyibs lug la /
(107) gtad / / skyibs lug gI spu ni / gro gar dpung mar ru byar gyis bgyi / / rgyan nI rva g.yas pa /
(108) gser gyi khrin bas bskri / / rva g.yon pa dngul gyi khrin bas bskri / / sgyin ma g.yu la bgyi rmig pa /
(109) lcags la bgyis te brgyan no / / g.yag gi cho ga ni btol chen po dang 'dra bar mdzado / / slad dro rgyal gyIs /
(110) mnga' thang bcad nas / / rgyal la yang gtang phud dbul / / sku gshen phangs bon po rnams kyis kyang / gtang du stsold /
(111) pa'i rnams / spad de bdud bcad nas / sku gshen gshog thabs stsalto / / dgongs kyI gdan la gshegs ni nar /
(112) ma dang 'dra bar gsol / / gdugs zar zer na sku gshen rnams kyang gsas bzu ste / / phangs bon po yang / dbon /
(113) lob tang / mnabs sgye dang / gur dang / mtshar lcam skyo ma nyam pag rnams gsol zhing mchI / / mjol bon po phal /
(114) rnams kyang / chibs tang / mdzo bang sgal dang / lcam mdzo dang / zhes lastsogs pa la gyer du mchi / / bon po /
(115) bsogs tang / / 'or gyer la stsogs te / / pra phud 'dren ba'i / rnams kyang g.yen gcags tang / 'gab sri la /
(116) gyer / / dung dang po bus te tho ras slong na / skyibs tang / se chong yang gtad lags / chibs kyang phyag mda' /
(117) bkum nas / kho re mo bgyis lags / 'or gyer gyis kyang / gtar lcags lags par bgyis la / / se gru /
(118) bzhi'i nub phyogs kyi 'brum phye la / se'i gong du dbyam phying khra bo bting la / / skyibs lug 'dir drangs / zhal /
(119) dang chibs drangs te shul bstan nas / / thog ma zhal gyi drangs / de'i 'og du ye ru 'phang / de'i 'og du do ma dang /
(120) snam rtas brtan / chen tags kyi rnams / kyi sna la / bang sgal / lcam mdzo / mtha' ma g.yag do mas /
(121) brtan to / / de nas dgung ka phan phun na / lug kyang la bzal / rta yang yi gcad / / nas slar se sar dngaro /
(122) de nas gdugs shar bgab na gdan cung gsol / / lags par bgyis / / bgyis nas sor gshegste /
(123) gshegs kyi rim pa la / thog mal yag pa bzhi / de'i 'og du phyag cha mdung pa / de'i 'og du phyag cha dgra sta /
(124) pa / de'i 'og du gshen / de'i 'og du zo rig / de'i 'og du nam ka / de'i 'o du smra zhal / de'i 'og du /
(125) zhal dang sku rten / mnabs sgye nI thugs kyi sngon zur g.yas g.yos / zhal gyi 'og du thugs gur /
(126) de'i 'og du ring gur / / de'i 'og du dbon lob / de'i 'og du zha 'bring nang pa' / de'i 'og du zI mo /
(127) de'i 'og du rkya rol / / thugs kyi g.yas dngar te mchi ba' / / tshar g.yas g.yos 'dra ste /
(128) ye rur 'phang / phang sga che chung / de'i 'og du do ma che chung / de'i 'og du snam rta che chung / phang sga /
(129) pa rnams / de'i 'og du gnyen 'o byam kyi sris / de'i 'og du rgyal than chags kyi dkor / de'i /
(130) 'og du / rta rgyan can / de'i 'og du rol bzangs phal / / 'I'di rnams kyi sna la sku gshen re res / drango /
(131) tshar g.yas g.yos sku gshen re res te / / mdzo bang sgal / lcam mdzo / de'i 'og du / sku gshen re res /
(132) sna drangs te zhes mchi / / sku gshen gcig gis / dkar mo'i sna drangste / rkya rol gyi mjug la mchi /
(133) sku gshen gcig gis / chen tags kyi sna drangs te dkar mo'i mjug la mchi / / chibs kyi g.yas /
(134) g.yos su rta grab pa mchI'o / / de nas gtang kar gshegs nas / / thugs gur rgyal sgo'i gong /
(135) gangs bur gsheg ste / dgung bcu gcig bcu gsum / bcu bdu bdun / bcu dgu / skar ma gar bzang /
(136) ba dang sbyar te / / thugs bu cung phab nas / thugs gur gyI steng nas / phub tsam gcig bcade / / bang so'i /
(137) thugs kang du gzhago / / gzha' ring thung gI phangs cha / bang so'i steng du drangs nas / phud /
(138) brams te / mnabs skyer stsal / shas tang skyibs tang / mtshal mar gyi breng yang gtang tu stsalto / gtang /
(139) du gshegs nas / / sku gshen gsum gyIs / / gtang byad dkol lo / / de nas chibs spos pa'i rnams /
(140) mgyogs g.yu sgas stode / / dur dkyus bsgralto / / zhang lon zhig mdo smad na nyam nongs lags /
(141) par btang na' / / phangs cha rI gang du gshegs kar gsol / ri gang du gshegs nas / sku gshen kha /
(142) gtsang gcig gis / / phru stsang dang dkar mo dang / chen tags gyi rnams / zhal bu'i gtang rag du /
(143) bsgyur te gsol / / mo btsun zhig grongs ngog du gyur na / / cho [ga?] gzhan ni 'dra' / / sku rten gyI /
(144) mda' / mong ringsu bsgyur / thugs kyi lu gu mo dang bya mor bsgyur / g.yag 'brir sgyur /
(145) myi pho rnal dang dkar mo 'dra ste / sbyor bas gar bde bar bso / / se nas bang sor gsheg kar rte'u /
(146) g.yag kyang dpral sprado /:/ sngom dge dpal gyis bris / /
(147) $ /:/ mchen dmar gtang ba 'i rabs la / /
(148) yur shang po phre'u lung gi nang na / myi dpung meng shi 'gi dgedpal lags / /