Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1046B

Pelliot tib├ętain 1046B
    This Text All the Texts  

1. Content : Divination with dice.

2. Note : scroll. The end is missing. Recto, 41 lines. Verso, blank.

3. References :

Choix II (pl. 330).

Lalou (1939-1961: II, 44) [P.Translit.],

Transliteration   (Change the Display Format)

(1) @@ @@ [---]@@@
(2) $ /:/ smra myi mkhan gyi ma mos / / m[kh]o[-] [---] bgyis kyang
(3) myI 'bum la drin ma mchis te / / my[i] khy[o]d gyang gzhan gyi leg[-]
(4) kyang / / drin myi chags ste mo ngan to / /
(5) @@ @@ @
(6) $ /:/ srog lha nyam can gyi zhal nas / myi chungu kha ma che rtag du rta chungu kha ma drag
(7) myi la ngan dus ma che / myi nus pa la kha ma drag / gnyen zhing sug pas legs par
(8) btams pa myi nyan te mo ngan to / /
(9) @@ @@@@ [---]@
(10) $ /:/ ^a ka de kha smra ba'i ngo / rta mgyogs [---] la btab na kha snyan [---]
(11) ngo / 'ong ngam myi 'ong ba la btab na myi 'ong / rta bla rmas pos thugs dgongs mdzade [---]
(12) rlag pa nI phyir rnyed / grogs la khong dku myi byed de mo bzang ngo
(13) @@ @@@@ @@@
(14) $ /:/ lha ryung ba 'i zhal nas / nged mched ngag 'i zhal te / rmang ba las phan bar 'ong ngo
(15) dbul ba las phyug por 'ong ngo / / nyon mos shing sdug bsngal ba las ni skyid par
(16) 'ongste mo bzang rab bo / /
(17) @@ @@@@ @@
(18) $ /:/ lum buste rtsog ngan gyi mo phyon ma shes dag byed byed de brtsog pas lha 'o m[chog?]
(19) mnol te phang / myi 'o mchog gi snying du mi sdugste / phan ba las ni rmang du 'ong / [-]u[-]
(20) pa las ni dbul bar 'ong / chung mas phyi phyin te lha kun phang / nolte mo ngan to / /
(21) @@ @@@@ @
(22) $ /:/ 'phyor pur te / lha rang rong gi zhal nas / lam du grong ba la bab na nor rnyed do /
(23) don grubste mo bzang ngo / / khyim na 'dug pa la btab na smyur du lam ring por [---]
(24) ba la lta ste mo 'bring / /
(25) @@ @@@ @@@@
(26) $ /:/ rma sha ba'i zhalnas / nye ma shar pa'I yul na ni nye ma shar / thang shing skyes pa['i]
(27) yul na ni thang shing skyes / myI myed pa'i yulu ni myI 'phan / phyugs myed pa'i yuldu
(28) phyugs phelste mo bzang rab bo / /
(29) @@ @@@ @@@
(30) $ /:/ 'tshol rgyagste / grib ma la ni nye ma shar rta mgyogs pa la rgya sgas [b-] [---]
(31) zhon / bcal ba dang / gos gyis rgyan nas na cu[n] bzang mo dang phred de / kha ni [---]
(32) snying dga' ba 'i ngo ste / gsol ba la btab na smyur du chad / 'ong ngam myi 'ong ba la
(33) btab na smyur du 'ong / grog la btab na grog che / tshong rgyal te mo bzang ngo / /
(34) @@ @@@ @@
(35) $ /:/ yar lha sham po 'i zhal nas / / myi skyid yuldu bya khu byug zer na gdang snyan / myi khyo[d] [---]
(36) gtam snyan te mo bzang ngo / / / @@ @@@ @@[---]
(37) $ /:/ lhe'u rje zin dags gyi zhalnas / lha 'i sras mo mched bdun g.yun drung gi nye ma bzhin
(38) bzhugste / tha bzhir 'od snang ba dang 'dra / dro ni myi la dro / khyim ni phyugs la byamste kun dga'
(39) zhing skyid do mo bzang ngo / / @@ @ @@@@
(40) $ /:/ myi khyod chaste 'gro dang / lha la phyag 'tshol chig dang / lhas thugs dgongs mdzad de
(41) [---] [-]ng yang th[u?]b / g.yag la song yang sod / tshong gyed na yang rgyal bar 'ong gi [---]