Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1047

Pelliot tib├ętain 1047
    This Text All the Texts  

1. Content : Divination.

2. Note : scroll. The beginning and the end are missing. Recto, 405 lines. Verso, a Chinese Buddhist text. Cf. Catalogue VI (64).

3. References :

Choix II (pls. 331-349, notice 12).

Lalou (1939-1961: II, 44) [P.Translit.],

Transliteration   (Change the Display Format)

(1) [---]
(2) [---] nas [---] gsuM [---]
(3) [---] rgyal po yab sras gsum gyi [---]
(4) sku bla dgyes pha'i zhal du 'ang lta' / rgyal pho gdung rabs gsum du srid myi nongs pha'i /
(5) zhal du 'ang lta / rgyal pho yab sras stangs pya la skyems gsol zhing thugs dgyes pha'i /
(6) zhal sku bla phal pho che rjed de zhal bzhed pha'i zhal / / de la tso [ryags] gnyis bab na' /
(7) g.yas g.yos su bzhag na' / rgyal pho stangs byal dang blon pho dang zham ring pha yan chad /
(8) na bza' bzang pho bnabs shing dgyel skyems gsol ba'i zhal / / rgyal pho myi rabs /
(9) gsuM du srid myi gyurd pha'I 'ang zhal / mo shing 'greng chIg la gtogs te ji la btab gyang bzang /
(10) ::/ / skang pard la tsol ryags gchig bab na' sku bla dang mu sman thugs dgyes pha'i ngo /
(11) rgyal pho rgyal mo thugs dgyes shing gdan tsom ba'i / ngo / / tsol rgyags gnyis bab na' /
(12) g.yas g.yos su bzhag na' / skang par pung par skyer par sum phar chu zhes bgyI ste /
(13) rgyal pho chab srid myi gyurd pha'I ngo / de la lIng ryags gchig bab na' / lIng ryags gcIg /
(14) bcos te g.yas g.yos su bzhags / la tsol ryags gyI gnyis dang lIng ryags gyi /
(15) gnyis bsdus te bzhag na' skang par yang gsum pung par yang gsum / skyer phar yang /
(16) gsum ste phyva dang lI sa rya dang rgyal pu [wer (/'ber)] mu sman gyi rgyal mo gdan tshom ba'i zhal /
(17) rgyal pho chab srid 'to zhing nam du 'ang srid myi gyurd pha'i yang zhal / mo shing 'greng chig /
(18) lags te bzang rab mar kus gcord la gdab du myi rung /::/ skang pard la bag snI chI /
(19) bab na' g.yas g.yos su bzhag la / phya bun gchig bab na' / bcos te g.yas g.yos su /
(20) bzhag na' / sbung sad zu tse'I srid pya' / rtsal mo bag ryog stang la btab ste mo ba nyi shus /
(21) dpyad na' bzang zhes mchi ryog stang gyi mchid nas myI rabs gsum du ni rgyal pho dang /
(22) mtshungs phar srid 'to' / de nas ni srid brlag pha ngo zhes mchI / yong ni sku bla chen pho myi /
(23) dgyes phas / ya bdud dang btsan dri dang ma yams dang srI las stsogs pha drangs pha'I ngo /
(24) ste rgyal pho dang zhang lon gyi srog phyar ngand rab / dra ma drang pa la btab na' / sa la ru mod /
(25) bab pha dgra bla ngo ste / dra ma lan chig nI legs pha'I ngo / sa la pya myed gnyis bab / /
(26) pha nI tsur yang chung zhig snad pa'I ngo /::/ skang par la [wing (/'bing)] kug gchig bab na' / /
(27) rgyal pho lo chIg gI bar du cang myi nongs pha'I ngo / / nad pha la btab na sku blas bca' /
(28) ste lo chig du myi gum ba'i ngo / de la bag [wIng (/'bIng)] gug bab na rgyal pho lo brgyar myi nongs /
(29) pha'I ngo / de la tsol ryags gchig bab na' / tsol ryags bcos te g.yas g.yosu bzhag /
(30) na' / sa la bag phya bun du bab ste mo shing 'greng chig lags te rgyal pho g.yung drung /
(31) tob pha dang dmangs tha ma las zhang lon du byung ba'I ngo / gsol ba la btab na 'prald /
(32) du myi chad yund du gnang pa'i ngo / 'ong ngam myi 'ong zhes btab na myur du ni myi 'ong ste /
(33) zhe zho myed pha'I ngo / srid phya dang srog pyar ni bzang rab dgra' phyar ni myi zus pha'I ngo /
(34) sku bla myi pang zhing lha g.yang lon ba'I ngo /::/ skang par la sni chi bab la rmud /
(35) ryags bab na' / rgyal pho nyI 'og gI 'bangs / ji bgyid pha gnam gyI pru'u kha nas /
(36) phyva dang lha myI lang ryung las stsogs phas gzIgs mo gzIgs pha'i ngo ste / srog pya /
(37) dang srid phyar btab na' / gnam mthongs bye zhing yul sa gchig las gnyis su /
(38) skye ba'I ngo chu srid myI nyams pha'i ngo / srog phyar gyang bzang / dgra' pyar btab na' /
(39) 'grog cung zhIg ni yod de phyI dald gyI ngo /::/ skang pard la lI byin gchig bab na /
(40) btshan pho dang phyIng ba dang [*lig] myI rya dang kyung lung gyi ngo ste / rgyal pho mkhar na skyems /
(41) gsol ba'I ngo / bag lI byin bab na' / [g.]yas g.yos su bzhag la lgyog ryags /
(42) gchIg bcos te bzhag la / lgyog ryags gyi gnyis bsdus te bzhag na' / lI byin /
(43) brgyad de / btshan pho zha sngar spung sad zu tse dang / stang rye mun glo ba nye ste mchis nas /
(44) lIg myi rya la chab srid mdzad na' / rgyal lam myi rgyal zhes bthab na' 'dI byung ste /
(45) slad gyis yul sa gchIg las gnyis su skyes shing / lam du zhugs shing grog chen pho /
(46) dang prad pha ngo ste mo bzang rab / srog phya dang srid pya dang dgra pyar bzang gsol ba la /
(47) phyi dal che /::/ skang pard la rdud ryags bab na' / rgyal pho pho brang cu ngu dang byes brang na' /
(48) / bzhugs pha'I ngo / sku bla gta' bcug ching 'tas pha'i ngo / bag rdud ryags bab na rgyal pho byes
(49) / brang cu ngu gnyIs su skyes pha'i ngo / yul sa cu ngu gnyis su skyes pha'i ngo / sku bla myI pha tshand daM /
(50) / spun gnyIs sla g.yas g.yosu 'gro ba'I ngo / gsol ba myi 'chad pha'I ngo / khyIm sa nas gu /
(51) / du myi 'phag pha'i ngo /::/ skang pard la gre gre gchig bab na' / / ga ring sangs dang / rdzong rong /
(52) / tI tse'I ngo / rgyal pho zha sngar 'bangs chig phyag 'tsald pha'i / bya rgod dang bya rog gnyis gzas /
(53) / gchig la za ba'I ngo / de la tsol ryags gchig bab la / lI byin gchig bab na' / rdzong rong ti tshe /
(54) / jo bo jo mo stord pha las ngam lend gyIs bstand te / bye ma ron gyi ge shel shag gi /
(55) / 'prul skugsu sbas pha las rje gol prad de / rdzong rong gyIs / lI byin ke ke gar shel shags /
(56) / pang du blangs te gnam du gtang rag bthang ba'I ngo / pung pard gchig mchis pha ni /
(57) / ge shel shag smad nyIs gyI ngo / / bar na' / pang myi tIng mu gald mchIs pha nI rje gol /
(58) / kund / gnam mtongs bye ba'I ngo / sni chi gchig bab pha ni rje gol dga' zhIng chang 'thung /
(59) / pa'I ngo / gre gre ni rdzong rong ti tse'I ngo ste ji la btab gyang bzang /::/ skang pard la / /
(60) / lgyog ryags gchIg bab na' / rgyal pho gzhig shugs te gshegs pha'i ngo / sku bla phang /
(61) / ba'I ngo / rgyal pho phya nyams pha'I ngo / de la li byin gchig bab na' / pu bo byond gyis nu bo /
(62) / rkang pha khum zhes [byas (/byes)] la / lyog ryags gyI gnyis gnyis pho bsdus te lI byin ltar bgyis na /
(63) / rgyal pho chab srid la gshegs na' sku don mnga' ste slar gshegs pha'I / / sku bla myi 'phang ba /
(64) / 'I ngo / de'i 'og du bzang pho gang byung yang bzang / de phan chad ngan pha ji byung myi song /::/
(65) / skang pard la pya bun bab na' / bar na [wing (/'bing)] kug chig gyang mchis te / rgyal pho zhal 'tho zhing /
(66) / lo chig gI bar du cang myI nongs pha'I ngo / bag pya bun bab na' bar na' bag [wing (/'bing)] kug gyang /
(67) / mchis / gzhan ji lang bzang / rgyal pho snyung ba la btab na nI ha chang zhal 'tho ches te myi bzang /
(68) /::/ skang pard la ling ryags bab na' / rgyal pho zha sngar bud myed snar mo dung gdub chan bkra' /
(69) / shis ma gchIg pyag 'tsald / pha'I / / sku bla khyim sa cu ngu nas bud myed bkra' shis mas / /
(70) / tso tso gsold te zhal bzhend pha'i 'ang ngo / lha g.yang lon zhIng lha myi 'phang ba'I 'ang ngo /
(71) / bag ling ryags bab na g.yas g.yosu bzhag ste / sku bla dgyes te bud myed spun gnyis /
(72) / gyang rung chen chung zhIg gyang rung ste kyim sa gchig las gnyis su skye ba'i ngo / / ste ji la /
(73) / bthab gyang mo bzang / 'dron pho lam rIngs la btab na pyi dal ni mchis te cang myi nongs /
(74) / phar 'kord pha'I ngo / nad pha la btab na yul bgos pha'I ngo ste myi bzang / grog phyar btab /
(75) / na grog myi che / dgra' phyar btab na dgra' myi 'dzu /::/ skang pard la phya purd bab na / rgyal /
(76) / pho dmu dag togs pha'i ngo / sku bla myi 'pang ba'i ngo / bag pya purd bab na' / rgyal pho gzer /
(77) / thabs dang mda's phog pha'I ngo / / sum phya purd bab na' / rgyal pho thabs drag phos btab ste /
(78) / nongs pha'I ngo / ji la btab gyang ngand / skang par la pya phurd gchIg bab pha'i 'og du lI byin dang /
(79) / [wing (/'bing)] kug dang tsol ryags dang / snI chi dang / rdud ryags gang bab gyang rung srid pya dang srog pya dang /
(80) / grog pya dang dgra' phyar bzang / / pya purd gyI 'og du pya rald las stsogs pha mo ya bi ltag /
(81) / ma lnga' ma gtogs phar gzhan ji byung yang ngand / sri dang gdon pur pa btab ste pugs su /
(82) / zhugs nas bon gyIs / shang myi pyin pa ngo / / /::/ skang pard la chi smyId bab na' / sku bla chen /
(83) / pho la mar khu phor bu gang gyis gtord pa'I ngo / rgyal pho gchig gis spyan zIgs cung zhig /
(84) / gsold pha'I / rgyal pho thum chig gzims pa'I 'ang ngo / / bu mo cu ngu zhig phyag 'tsald pha'i /
(85) / ngo / gtam snyan pha cung zhig mchi ba'i ngo / / bag chi smyid bab na' / 'dre myi ga ngan kha las stsogs /
(86) / pa gdond pha'I 'ang ngo / 'gon zan zhig gis lha myi dga' ste bu mo gchig shI ba'I ngo / / bag /
(87) / cI smyid phan chad jI la btab gyang ngand / / grog la btab na 'dre myI lha zhugs pha'I 'ang ngo / /
(88) / byad dang stem gyIs phog pa'I 'ang ngo /::/ skang pard la pya rald bab na' / rgyal pho la /
(89) / sri gdond pa'I ngo / bag pya rald bab na' / slo byung ste rgyal pho nongs pha'i ngo / bag pya ral /
(90) / phan chad ji byung yang ngand / / jI la btab gyang ngand / / rgyal pho yul sa dang bral ba'i 'ang ngo / /
(91) / sku bla phang ba'i ngo /::/ skang pard la pa chI bab na' / rgyal pho spyan snga na' / bus ba chig /
(92) / rtse ba'I 'ang ngo / / rgyal pho la rgyal mo gchIg snying ring du sem ba'i 'ang ngo / / rgyal pho zhal [dmas (/dams)] /
(93) / pha'I 'ang ngo / / sku bla la myi lha zhig sdig pha'i 'ang ngo / / bag pha ci bab na' / g.yas g.yos su /
(94) / bzhag na' / bud myed gchig rgyal pho chab srid gyi nang du zhugs ste / rgyal phos srid ma /
(95) / zund te / rgyal pho gdong nI bya rog / bzhin nI bud myed du byas te srid dma's pha'i 'ang ngo / /
(96) / de'I 'og du bag li byin dang / bag [wing (/'bing)] kug / bag tsol ryags byung na' cung zhig tha gi /
(97) / pya rald dang pya myed dang gram rungs byung na' rgyal pho srid rlag pha ngo ste ji la bthab gyang /
(98) / ngand / / bag rdud ryags bab na' rgyal pho zha sngar babs pha'i ngo / / nad pha la btab na lha ngo /
(99) / dma's pha'I ngo / gdon land che ba'I ngo / /::/ skang pard la bya myed bab na' / rgyal pho /
(100) / la ma gdond sri las stsogs pa che ba'I ngo / / bag pya myed bab na' / rgyal pho dgyes /
(101) / pha'I ngo ste ji la btab gyang ngand / / bag pya myed pan chad / li byin dang pya purd byung yang /
(102) / kum sla myi smand / gdon pyi dald pur pa btab pa'I ngo /::/ skang par la gram rungs / /
(103) / bab na' / rgyal pho spya nga' na' / kye'u pa yod pa gchig snang ma ltom ba'I ngo / / sku blas /
(104) / bus ba ma lto ma gchIg bca' pha'i ngo / / sku bla la myI lha gdond pha'i 'ang ngo / / bag gram rungs /
(105) / bab na' / rgyal pho thugs myi bde ba lang lta' / / gram rungs gsum bab na' / bal pho la /
(106) / chu skur ba'I 'ang ngo / / rgyal pho srid brlag pa'i 'ang ngo ste ji la bthab gyang ngand / / gram /
(107) / rungs gchIg gi 'og du / rdud ryags dang [wing (/'bing)] kug byung na' bu ma lco ma zhig / lhas btsa' /
(108) / ste tha mar skyid ching yul sa skye ba'I ngo / mo 'di ryu par tun la bab ste myi lha ma la /
(109) / pha'i srid phya dang srog pya dang dgra pya dang gdon lan la lta'o / / /
(110) / $ / / 'di yan chad skang pard la bab ste sku bla chen pho dang blon po chen pho dang rgyal pho chen pho mo
(111) / ste dmangs la myi lta'o
/ / / ryu phar thun la sni chi bab na' / sa la skang pard gchig ste na ning sa la' /
(112) / 'dug na do chIg stan tog du bzhag / na nIng shIng por du 'tung na' na do chig dngul phor du 'tung ba'i ngo ste /
(113) / myI dmangs la go 'pang gchIg skyes pha'I ngo / / nad pha sos pha'I ngo / de la bag snI chi bab na' / myi skyes pha gchig /
(114) / gshed song ba'i ngo / / 'ong ngam myong zhe na zhag zad de 'ong ba'I ngo / / gdond land byang ba'i ngo lha phugs dang khyIm /
(115) / phugs gtsang ba'I ngo /::/ ryu phar thun la tsol ryags bab na' / / myi tha mal pha gcIg snying dga' ba'I ngo /
(116) / gos dang thod sar pha gyond chIng dag ra na nyi ma 'de ba'i ngo / de la bag tsol ryags bab na' / g.yas g.yos su /
(117) / bzhag na' / sa la se slod gyang bab ste skyes pha lam rIng pho nas phyir 'khord pha'i ngo / khyIm gang gyI myI tsogs te /
(118) / snyIng dga' ba'I ngo / / grog dang dond la bthab na yod pa'i ngo / / nad pha la bthab na' sos pha'i ngo / / ji la bthab / /
(119) / gyang bzang /::/ rya phard thun la li byin gchig bab na' / / myI chig mtshos bskord ris brtand pha /
(120) / ngo / / nad pha la bthab na' nad gzhi che / / grog la btab na grog myi stord / / srog phya la btab na myi shi ba'i ngo / /
(121) / 'ong ngam myong zhes bthab na' / phyi dal che / / de la bag li byIn bab na' / gsum du bcos te bzhag na' myi /
(122) / chig chu srid yong myI nyams pha'i ngo / / grog yong myI stord pha'i ngo / / myi dmangs myi chig la dmu yad lhum /
(123) / ba'i ngo / / dgra' phya la btab na' / / na bun gyi nang na lam myi rnyed pha dang kha mo che bab ste myi thard pha'i ngo / /
(124) / grog chen pho'I ngo / / gsol ba la btab na phyi dald che / /::/ ryu phar thun la [wing (/'bing)] kug gcIg bab na' /:/
(125) / lo chig gyI bar du myI shI ba'I ngo / / srog phya la bzang rab / / grog la btab na myi stord pha'I ngo / / gsol ba /
(126) / la bthab na phyI dal che / / ji la bthab gyang phyI dal ni che ste yong mo bzang /::/ ryu phar tun la bag [wing (/'bing)] /
(127) / kug chig bab na' / myI chIg lo brgya'I bar du myI shI ba'I ngo / / grog myi shord pha'i ngo / / gsol ba la ni phyi /
(128) dal che / /::/ ryu phar thun la gre gre gchIg bab na' / myI rje gol gnyis dang myi pha yod pha gcig dang gsuM /
(129) / 'grogs pha'i ngo / / myI chIig rta glo tsa gchig khyIm drung du rtod pha'i ngo / / 'ong ngam myong zhes btab na' / myi /
(130) / ngand pha gnyIs 'grogs te 'ong ba la lta' / / gdond la bthab na' / drI bo'I 'ang ngo / te'u rang gyI 'ang ngo /
(131) / se drI se brtsan gyI ngo / bse regs gyI ngo / / bag gre gre bab na' / gdond de rnams che ba'i ngo / / zhal che dang /
(132) / kham chu rtshod pha'I ngo / / sar sur bo ba'I ngo / / bag gre gre byung na' ji la btab gyang myI bzang / / myi 'dzind /
(133) / 'bras / chIg la btson drug bdun tsham zund pha'i ngo ste bzango / /::/ ryu par thun la phya bun bab /
(134) / myi chig ngo 'to skad gsang ba'I ngo / / myi chig zard pha'i ngo / / myi chig ri 'ton pho'I khar byung ste /
(135) / snang g.yel che ba'i ngo / 'ong ngam myi 'ong zhes btab na 'ong / / 'gro 'am myi 'gro zhes byas /
(136) / 'gro / / gdon land myi che ba'i ngo / /::/ / bag phya bun la bab na' / myi chig lam ring por 'gro /
(137) / ba'I ngo / / nad pha tsabs pho che la bthab na phya bros pha'i ngo / / nad pha tsabs pho che la ngo drag ste /
(138) / ngand / / / zard pha'i ngo / / 'drogs pha'i ngo / /::/ ryu phar thun la / / pya purd gchig bab na' / / myi chig /
(139) / gI dmu gdas / rta chIg gI srab mda' / 'gro 'am [*myi *'gro] zhes btab na myi 'gro ba'i ngo / / myi chig la /
(140) / gdon land / nad pha la phur par 'dzugs pha'I ngo / / grog la bthab na lag nas grog myi shor /
(141) / ba'I ngo / / de la bag phya phur byung na' / myi chig gzer thabs gyis bthab pha'I 'ang ngo / /
(142) / mda' drag phos phog pha'i ngo / / myi chig gdon 'dI rnams te phor che la phugsu zhugs ste /
(143) / myi phyind pha'I ngo / / / de la pya pur gsum byung na' / mching gi gzhong pha ni chag / spug gi /
(144) / gzhong pha ni grugs shes bya ste / ji la bthab gyang ngand / /::/ / rgyu phar thun la / rdud ryags gchig /
(145) / bab na' / myI chig khyIm sa cu ngu dang byes brang na cang myi nyes pha'I ngo / / srog la ni pyi dal che ste bzang /
(146) / bon byas te phan naM myi phan zhes byas na myi phan nad gzhi che / / 'gro [*'am] myi 'gro zhes byas na myi 'gro /
(147) / 'ong [*ngam] myi 'ong zhes byas na myi 'ong / / gsol ba la bthab na gsol ba myi chad / / de las bag /
(148) / rdud ryags byung na' ji lang phyi dal te myi khyim gang gar gyang myi 'gro myi g.yo ba'i ngo / / ra ba /
(149) / da rta bres dang ra lug gyi ra ba rtsIgs pha'i ngo ste gzhI chIg na yund ring du 'khod pha'i ngo / /
(150) /::/ ryu phar thun la pha chI gchIg bab na' / skyes pha gcig ngo [dmas (/dams)] pha'i ngo / / bud myed snying /
(151) / ngand pha dang prad pha'I ngo / / myi ngand pha la btab na' bud med gchig gi 'dre gdond pha'i ngo /
(152) / phyi mang bzang na ni myi spad smad gsum 'khod 'kod pha'i ngo / / / de la bag pa chi bab na' /
(153) / myi skyes pha gchig la 'dre bud med gnyis gdond pha'i ngo / / bud med snying rings mo gnyis /
(154) / skyes pha la log par byed pha'i ngo / / / myi tha mal pha gchig chu srid [dmas (/dams)] pha'i ngo /::/ / /
(155) / ryu par tun la gram rhungs gchIg bab na' / myi sphad spun gsuM 'khod pha'i ngo / / / de la tshol ryags /
(156) / gchig bab na' / myi gchig las mang por 'phel ba'I ngo / / ste bzang rab / / myi skyes pha gchig /
(157) / na ba'i ngo / / skyes pha gchig la myi ga dang ngan kha gdon pha'I ngo / / byurd che ba'i ngo / / / de las /
(158) / bag gram rungs bab na' / myi sha chings chan gchig chus kyer ba'i ngo / / myi ga ngan ka langs /
(159) / te myi chIg shi ba'I ngo ste ji la btab gyang ngand rab /::/ / ryu phar thun la ci smyed gchig /
(160) / bab na' / kha gang gyi grog / dmyig gang gyi gnyid de myi chig zan chig tsam gyi grog gam /
(161) / gnyid thum chig tsam log pha'i ngo / / myi chig la myi lha dang 'gon zan sdig pha'i ngo / / byad cung /
(162) / zad chig gis phog pha'i ngo /::/ de las bag chI smyed bab na' myi chig la dug 'tungs /
(163) / pha ngo / / / yang na / myi / lha / 'dre gsuM dang rgya lha las stsogs pha rab du sdig pha'i ngo / /::/
(164) / te skyaM la / tsol ryags gchig bab na' gser gyi gzhong pha mar kus gang ba'I ngo /
(165) / grog chen pho lta 'am dmu yad la lta / / / de la bag tsol ryags bab na' / dag ra'i nang /
(166) / na nyi ma shard de gser gyi gzhong pa mar kus gang ba'i ngo ste grog gzhag gsang du myi /
(167) / stord te dmu yad lhung ba'i ngo / / dbya g.yang lon ba'i ngo ji la btab gyang bzang rab /
(168) /::/ te skyam la rdud rgyags gchig bab na' / / grog gi dphung btsugs shes bya ste {te} /
(169) / te skyam gnyis bab na g.yas g.yos su bzhag na grog gi mkhar brtsigs zhes bya /
(170) / ste srog pya dang srid phya la bzang rab / / gsol ba la ni phyi dald che / / / gdon land la /
(171) / ni brtsog ngand gyi ngo / / / dgra phya la par ni tebs tsur ni myi 'dzu / / / phar ni grog chod tsur /
(172) / ni myi rji ste bzang /::/ te skyam la li byin chig bab na yar lta bang / se nyon zhes myi /
(173) / bgyi ste te skyam grog kha sprod ches bya ste grog chen pho myi shord pha'i ngo / / / grog kha gnyis su /
(174) / 'ong ba'I ngo / / / srog phya dang srid phya dang yul sa dang zhing chu'I mo ste bzang / / / de la bag lI byin bab na' mo shing /
(175) / 'greng ba' dang 'dra' ste bzang rab / / / te skyam la [wing (/'bing)] kug chig bab na' / gnyid logs gyi yul bzang pho /
(176) / nas nyi ma shard te khu byig tos pha'I ngo / / / dags ra na nyi ma 'de zhing mchis pha las gtam snyan /
(177) / pha thos pha'I ngo / / / srog phya dang srid pya la bzang rab / / / gzhan ni ji lang phyi dald che / / / te skyam la gre gre /
(178) / zhig bab na' / myi ngand pha zhig gis grog chig dang prad pha'i ngo / / / rta glo tsha gchig rtsva bzang pho la za zhing nyi ma /
(179) / shard pha'i ngo / / / srog pya dang gdon land la btab na' / grog chig la dri bo zhig gdon pha'i ngo / / / myI ngan pha /
(180) / mang pho grog chIg la ltod pha'I ngo / / / bya phal pho che god chig la za ba'I ngo / / / te skyam la lIng ryags chig bab na' /
(181) / dag ra na nyi ma shard de chung ma dung dub chan gchig gis stan bting mye bus de tshal ma bzang pho g.yo zhing 'dug /
(182) / pha'I ngo ste pyugs g.yang lon ba dang lha myi phang ba dang grog myi shord pha'I ngo / / / gdond la bthab na' / bu ma mtshun /
(183) / zhig grog chig las myi gda' ste pad mad bgyid pha'I ngo / / / te skyam la bag ling ryags bab na' / slar myi bzang /
(184) / ste g.yang yams pha'i ngo / / / bud myed gnyis gyis grog khyer te bltod pha'i ngo / grog gi nang du gdon zhugs pha'I /
(185) / ngo / / / chu myIg khron pha'i nang na' / bud med gyis chu bltod pha'I ngo / / smyin drug /
(186) / la gza' zhugs pha'i ngo / / / te skyam la pya bun gchig bab na' / grog thob 'am myi tob ches btab na' ngo 'to /
(187) / ste grog tob 'gro 'am myi 'gro zhes bthab na' 'gro / / 'ong ngam myong zhes bthab na 'ong / / / bar na shing bu /
(188) gsuM 'dug pha ni myi g.yon chan gsum gyis grog chig la bltod pha'I ngo / / / kham chu zer ba'i ngo /:/
(189) / de la bag phya bun bab na' / grog ga shed du gyer te song ba'i ngo / / / rkun phos phyugs tob ste zard te song /
(190) / ba'I ngo / / / spyang kyis god rnyed de 'drangs te song ba'i ngo / / / te skyam la pya purd bab na grog myi stord /
(191) / pha'i ngo / / / grog gi pur pha btab pha'i ngo / / bar gyi shing bu gsum 'dug pha ni myi g.yon chan gsum /
(192) / gyis grog chig la glags blta ba ni ling ryags ma lags te 'di lags / / chu myig gyi drung na' /
(193) / skyed shing skyes pha'I ngo / / / bud med bkra' shis ma gchig dmu dag 'dogs shing pyag 'tsal ba'i /
(194) / ngo / / / bag pya pur bab na phyir ngand te grog dang pugsu pur par bthab pha'I ngo / / / te skyam la sni ci /
(195) / gchig bab na grog tsur 'ong ba'i ngo / / cu myig dang khyim sa gtsang ba'i ngo / / grog dang lha pugs na' /
(196) / gdon lan ma mchis pha ngo / / dgra' myi 'dzu be ngo / / / de la bag sni chi bab na' grog sangs pha'i ngo / / brtsog /
(197) / ngand byang ba'i ngo / / dga' ba yul du song ba'I ngo / / lam rings gyi 'dron pho pyir 'kord pa'i ngo / / / /
(198) / te skyam la pha chi gchig bab na' / khye'u cu ngu zhig dag ra na' nyi ma la mar ku 'thung ba'i ngo / / /
(199) / chu myig chig na khye'u zhig rtse ba'i ngo / / grog gi nang na myi ga 'dre zhig 'jug pha'i ngo / / / de la bag sni chi bab /
(200) / {bab} na' chu myig gi nang bus bas brnyog pha'I ngo / / / grog gi nang nang na myi lha 'dre cher gdond pha'i ngo / /
(201) / gos rma g.yag las stsogs pha / btsod pha'i nang du myi lha 'dre zhugs te gdond pha'I ngo / / ri dags shor /
(202) / pha'I nang du myI lha dang myig bzhi gdond pha'i ngo / / / te skyam [*la] chi smyed gchig bab na grog che chung gnyis /
(203) / shig dmyig [snga (/sang)] na' snang ba'I ngo / / / bu mo chu ngu zhig dag ra na nyi ma shard te grog chIg dang prad de dga' /
(204) / pa'I ngo / / dug ma zhig gIs dug sbyos te nyi ma la dug phyis bzhag pha ngo / / / grog gi nang na myi lha 'dre' /
(205) / mor 'pruld pha'i ngo / / 'di la bag cI smyed gchig bab na' / dug 'thungs pha'i ngo / / myi lha 'dre bur mor /
(206) / 'pruld pha grog gi nang du zhugs te rab du gdond pha'i ngo / / bu mo cu ngu gchig nad tshabs che ste shi ba ngo / / /
(207) / te skyam la gram rungs gchig bab na' / khye'u na ba'I ngo / / grog gI nang na myi ga ngan ga zhugs pha'i ngo / / smyin /
(208) / drug la gza' zhugs pha'I ngo / / cu myIg gI nang na byad sbas pha'i ngo / / / de la bag gram rungs bab na' grog /
(209) / myi gas blags pha ngo ste ji la btab gyang ngand rab / / / te skyam la pya rald gchig bab na' / grog dang /
(210) / tha dad du song ba'i ngo / / grog gI nang du sri zhug spa'I ngo ste de la bag pya ral bab na' gdon che ba'i /
(211) / ngo ste ji la btab gyang ngand rab / / / te skyam la lgyog ryags bab na' / lam rIngs myi grog dang /
(212) / 'ong ba'i ngo / / 'gro 'am myI 'gro zhes byas na' / lam du zhugs pha dang 'dra'o / / nad pha la btab na phya /
(213) / nyams pha'I ngo / / bon byas na' gdon lan pyir ltas te myi phan no / / / te skyam la bag lgyog ryags /
(214) / bab na / nad pha pya te phor nyams pha'I ngo / / grog slar myi lend pha'I / ngo / / cu dmu yul du teng sling du /
(215) / 'dus pha'i ngo / / / bag lgyog rgyags bab na' ga shed song ste pyir myi 'khor / bon bya zhes bthab na' /
(216) / bzang / / / 'gror dga' ste gsol ba byas na' bzang / / / gzhan ni ji lang myi bzang / / / te skyam la pya myed /
(217) / bab na' / grog gi nang na 'bre bud med zhugs pha'i ngo de la bag pya myed bab na' / / pya pur dang li /
(218) / byin gyis bkum yang myi smand te / gdon phugsu zhugs te yug sa mo dang si mos sa gang ba'i /
(219) / ngo ste ji la btab gyang ngand rab / / 'dI man chad rdI phurd la bab ste gnyan klu dang glang bu sha ba'I
(220) / ngo lha pyugs lha'I ngo myI la bab na myI ngand pa dang lha lho dang man mon gyI ngo / /

(221) / / / ti pur la lI byin gchig bab na shel mtsho'i nang na' / ring na rkyel /
(222) / pha'i ngo / / / ste pyugs g.yang lon ba ba dang grog tob pha dang srid myi nyams pha'i ngo ste ji la
(223) / btab gya bzang / / / de la bag lI byin bab na / li byin gsum du bcos te shel mtso yang myi skam /
(224) / rIng na yang g.yung drung tob pha'i ngo ste ji la bthab gyang bzang / / / nang na 'ang srid pya dang srog pya la /
(225) / bzang / / / te pur la tsol ryags shig bab na' / mur zangs gyI rva [wa (/'ba)] la nyi ma shard pha'i ngo / / / sha pho /
(226) / chen pho snor la za za ste nya ma shard te nyal ba'i ngo / / / thab la yu mo dga' ba'i ngo / / glang bu gchig /
(227) / gam mdzo pho gchig snor gyis 'drang ste / nyi ma la ru nyog bgyid pha'i ngo / / / de la bag tsol ryags /
(228) / gchig bab na' / ji la bab na ji la bthab gyang bzang / / / rdi phurd la sni chi gchig bab na glang bu /
(229) / gchig khlur yod pha'I ngo / / / mur zangs lha dang stong ba'i ngo / / tab la 'ches pha'I ngo / bag sni ci bab /
(230) / na' / thab lha dang ngur zangs dang gnyan khlu dang yul lha 'di rnams stsang shab gyis ma phog pha'i ngo / / /
(231) / gdon land byang ba'i ngo / / / lam dga' bar song ba'i ngo / / / rdi purd la [wing (/'bing)] kug gchig bab na' / /
(232) / glang bu gchig lo chig gi bar du cang myi nyes pha'i ngo / / / sha ba myi sod pha'i ngo / / gnyan klu myi sdig thab /
(233) / lha myi 'phang / / / bag [wing (/'bing)] kug bab na' / glang bu gchig yab bar lags ste g.yung drung tob pha'i ngo / /
(234) / myi chig lo brgyar myi shi ba'i ngo / / / srog phya dgra' phya srid phya la ni bzang rab / / grog dang gsol ba /
(235) / la pyi dald che / / / rdi purd la pya bun bab na' sha ba 'drogs pha dang rgyal ba ro stod mtso las byung /
(236) / ba' / thab lha 'am gnyan zhig chung zad gdond pha'i ngo / / / de la bag pya bun byung na' gnyan klu /
(237) / dang rgyal ba dang thab lha rab du gdon pha'I ngo / / / sha ba 'drogs pha'i ngo / / pyi dald chung / / dgra' /
(238) / myi zus pha'i ngo / / / rdi phur la rdud ryags bab na' / ra ba'i nang na glang bu gchig 'dug pha'i ngo /
(239) / ste sha {ba} ba myi sod pha'i ngo / / / gnyan khlu dang tab myi gdond phyi dal che / / / bag rdud / /
(240) / ryags bab gyang pyi dal che ste 'di rnams myi gdon pha'i ngo / / rdi purd [*la] ling ryags gchig /
(241) / bab na' / bud med snar mo dung gdub chan gchig gyi glang bu gchig sna nas bzung ste /
(242) / pyugs g.yang lon pa'I ngo / / pyI dal ni che / / grog ni myi che / / bag rdud ryags bab na' /
(243) / mo shing smrar myi bthub ste bzang pho 'ang ma mchis ngan pang ma mchis te mo /
(244) / gzhi tsam / / / rdi pur la gram rungs gchig bab na' / de'i 'og du rdud ryags bab na' / /
(245) / skyob skyab chi sum pya bag ches bya ste / gu pya bag / du 'ang bcos te de las bzang yang ma
(246) / mchis te myi dang phyugs 'phel ba'I ngo / / khang khyIm dang yul sa skyes ba'i ngo / / / mo shing 'greng gchig /
(247) / ste de las bzang ma mchis / / / gram rungs gyi 'og du tsol ryags dang / [wing (/'bing)] kug dang pya bun las /
(248) / stsogs te bzang pho bab na myi gsad phar gzhag ste ji la btab gyang bzang / / / de la gram rungs sam /
(249) / phya med dam pya ral lam lum sus sam / chi smyed mang du bab na' gang bab gyang / na ba dang shi ba'I ngo ste /
(250) / ji la btab gyang ngand / / / rdi pur dang pya pur gchig bab na' glang bu gchig rtod la thogspa ngo / / / ste dmu /
(251) / dag lang lta ste ji lang bzang / / / de la bag pya pur gchig bab na' / / sha ba gchig mda' drag pho chig /
(252) / gis phog pha'i ngo / / glang bu gchig la thab chig gdon te gzer thabsu bro 'tsald pha'i ngo / / / thab lha /
(253) / dang rgyal ba dang gnyan khlu gdond pha'i ngo / / / rdi phur la lum sus gchig bab na' / sha ba 'am glang /
(254) / bu 'am mdzo chig snor gyIs 'drangs pha'i ngo / / / gnyan khlu 'am thab chig brtsog ngan gyis phog /
(255) / pha'I ngo / / de las bag lum sus shig bab na' sha ba mang mo zhig slo byung ba'i ngo / / / gnag gaM /
(256) / mdzo la gor byung ba'i ngo / / gnyan khlu 'am thab la brtsog ngan rab du che ba'i ngo / / / rdi pur la pha chi /
(257) / zhig bab na' / khyo'I rum na khyo mo nyal te ngo pyir ltas pha'i ngo / / / de la lum sus shig byung na /
(258) / khyo 'i rum nas byung ste byi pho dang nyald te brtsog ngan byas pha'i ngo / / / rdi purd la pha chi gchig khlu mgon /
(259) / gchig [dmas (/dams)] pa'i ngo / / thab chig nyes te sar sur bo ba'i ngo / / / bag pa chi bab na thab chig nyes te /
(260) / bu gye'u gchig gum pa'i ngo / / glu'I mgon gchig snad de bu gye'u gchig shi ba'i ngo / / sha pho gchig /
(261) / dang she'u gchig gnyis shi ba'i ngo / / / rdi pur la chi smyed gchig bab na' / thab lha yo mo 'am / /
(262) / gnyan khlu la cung zad mdzub thord tsham gyi ngo / / thab bam gnyan klu la myi ga mo chig gdon pa'i /
(263) / ngo / glang bu 'am mdzo pho zhig sding bu la rand sngon pho zhig rnyed de cung zad chags pha'i ngo / / / cu srin /
(264) / rgyan rgyal ba zhig mtso'I drung chu myig la cung zan chig dro ba'i ngo / / / rdi phur la bag ci smyed chig /
(265) / bab na' byad ma zhig gis byad bgyis brla' brus pha'i ngo / / thab gyi nang na sar sur bo ste thab dang /
(266) / myi lha mor sdongs te rab du gdon pha'i ngo / / / sha gchig gdos sam kog tses zun pha'i ngo / / / glang bu /
(267) / gchig rka lag chag pha'I ngo / / / 'dI man chad ru sod la bab ste ya bdud tang btshan drI dang btshun drI dang se
(268) drI se brtshan dang dgra g.yag gI ngo / /

(269) / / / ru sod la pha chi bab na' / ra slag chan gyis / / ya lad chan kums shes / gzod gdab / / gdon lan /
(270) / 'tsal te myi bsad de bzhag na' ya bdud dang myi lha phor sdong ba'i ngo / / btsan ri dang 'gon zan gyi /
(271) / ror lta / / ru sod la ci smyed bab na' / myi pho g.yag gis bsad de / ro g.yag gi ru gong na' 'dug /
(272) / pha la / sring mos sha blan te g.yag bsad pha ngo / / ste te skyam du bcos te gzhag / / gdon lan
(273) / 'tsal na ya bdud dang / btsan dri la myi lha dang 'gon zan nam sar sur gdon pha'i ngo ste /
(274) / myi gsad par yang gdab myi bcos / par gya gdab / / / ru sod la li byin gchig bab na /
(275) / dgra' zhig dmag myin phos / bsad pha'I ngo ste / bsad de gzod gdab / / / ru sod la pya phur /
(276) / gchig bab na' / mda' kyung gyi sgros ni bsgron / stag gi rgyus / phas ni gshul bgyiste /
(277) / dgra' bsad pha'I ngo / / mda' bsad de gzod gdab / / gdon lan la btab na ya bdud dang /
(278) / btshan dri rab du gdond pha'i ngo ste ltas su blta / dgra pya la btab na' / dgra mda' phan la /
(279) / blta ste ltas su yang blta' / / / ru sod la [wing (/'bing)] kug gchig bab na' / ya bdud gdon te myi /
(280) / lha zar chas / pha la byol pho zhig byas / lo chig gi bar du pyi dal ba'I ngo ste g.yag /
(281) / rgod gchig gis myi chig la rdung du chas pha la bar du ngam / grog chen pho zhig gis chod /
(282) / pha'i ngo / / / 'di la bag [wIng (/'bIng)] kug gchig bab na' / ya bdud chig gam / btshan dri zhig /
(283) / phas gdon du chas pha la gu du yol ba'i ngo ste myi gdond / / g.yag chig rdung du chas pha' /
(284) / las / ngam grog gis chod pha la gud du bros te la 'das pha'i ngo / / dgra zhig phas dgra byed /
(285) / du chas pha la / gud gyi yul du dgra byas te song ba'I ngo / / / ru sod la tsol ryags bab na' /
(286) / ya bdud myi las gdon lam bon byas te ya stags gyis mgu ba'I ngo / / g.yag rgod /
(287) / rdung ba las go byam gIs ru gong du phog ste myi rdung ba'i ngo / ste ji la btab gyang bzang / / / bag /
(288) / byung nang pyIr log pha'I ngo / myi rdung ba'i ngo / / dgra zhig byung nas grog du yod pha'i ngo / / / ru sod /
(289) / la rdud ryags shig bab na' ya bdud dang btsan dri zhig gdon du cha ba la / gud gyi khyim / bu zhig /
(290) / du kha 'dIr 'am zhes snyam ste bdag pho nyid la gdon pha'i ngo / / g.yag chig rdung du cha ba las /
(291) / bar du ra ba gchig gis chod pha'i ngo / / phyI dald chu ngus chod pha'I ngo / / / bag ngud ryags /
(292) / bab na' / ya bdud dang btshan dri las stsogs pha gdon du cha ba las gu du gdond pha'i ngo / /
(293) / dgra zhig ngo snang ba las gu du yol ba'I ngo / / khyim sa cu ngu pyi dal zhig gIs chod de dgra myi /
(294) / 'ong ba'I ngo / / / / ru sod la lIng ryags bab na' g.yag chig rdung du cas pha las / bud med snar mo /
(295) / gchig gis / g.yag gi rva las bzung ste g.yag myi rdung ba'i ngo / / ya bdud myi la zar chas pha /
(296) / las bud myed snar mo gchig gis / lha la phyag 'tsald nas / ya bdud slar shol ba'i ngo / /
(297) / de la bag ling ryags bab gyang slad dal gyis cod de bud med gsas drag mo gnyis gyis btshan /
(298) / drI dang ya bdud la bon byas te phan ba'i ngo / bud med snar mo gnyis gyIs g.yag chig rva' /
(299) / g.yas g.yos gnyis las bzung ste pogs su nond pha'i ngo / ste bzang / / / ru sod la pya bun /
(300) / gchig bab na' ru sod gnyis gyi ngo / / bag phya bun bab na' / ru sod gsum ste / g.yas g.yos su /
(301) / bzhag ste ste ri be chi sum ru sod ches byas dgra' na dgra phal pho che'i ngo / gdon na ya bdud /
(302) / btshan dri dang / gdon lan phal pho che'i ngo / ste mo'I nang na' ji la bthab gyang de las ngan ma mchis /
(303) / / / ru sod la gram rungs gchig bab na' / dgra' spad nyis gyi ngo / / bag gram rungs bab /
(304) / na' dgra spad gsum gyI ngo / gdond nang btshan dri dang ya bdud dang myi 'a bra mchu'i ngo /
(305) / dgra pya nang dgra phal mo che'i ngo / mo 'di gnyis 'dra ste gnyi ga' ngand / / g.yag chig shi ste /
(306) / ro chus kyer ba'I ngo / / / ru sod la lum sus shig bab na' / / ya bdud dang btshan dri /
(307) / brtsog ngan gyis bslang ba'i ngo / / g.yag rdung kus pha gchig snor la za ba'i ngo / / / bag luM /
(308) / sus bab na' slo phal mo che'i ngo / / btsan dri dang ya bdud brtsog gis bslang ste te bor /
(309) / gdond pha'i ngo / / g.yag phal mo che ngog pha'i ngo / / / ru sod la lgyog ryags gchig bab na' /
(310) / g.yag chig gam dgra' zhig chas te song ba'i ngo / / ya bdud kund gchig du gdond pha'i /
(311) / ngo / / / de la bag lgyog ryags bab na' dgra' 'am g.yag kun gchig du song ba las slo /
(312) / byung ba'i ngo / / ya bdud gud chig du gdond pha'i ngo / / mo 'debs pha la ni myi lta' / / / ru sod /
(313) / la pya rald gchig bab na' / dgra pya la ni dgra myi thad du ltas shes bya ste dgra myi 'ong ba'i /
(314) / ngo / / gdon la btab na ya bdud dang btsan dri dang sri dang sdong ba'i ngo ste ji la bthab gyang /
(315) / ngand / / / ru sod la sni chi zhig bab na' / ya bdud dang btsan dri zhig gdon du chas pha /
(316) / las bon pho gsas drag pha zhig gyis thub pha'i ngo / / g.yag chig rdung du chas pha las /
(317) / myI bran tsam tsod la rdung ma phod pa tsham gyi tsod de bzang / / / de la bag snI chi bab na' g.yas /
(318) / g.yos su bzhag na' bon pho gsas drag pho gnyis gyis ya bdud dang btshan drI thub pha ngo /
(319) / myi ngand pha gnyis gyis g.yag chig phogsu non pha'i ngo / / / ru sod la gre gre zhig bab na /
(320) / ya bdud dang btshan dri dang dri bo dang te'u rang dang sdong ba'i ngo / / / bag gre gre bab na'ang de lta bo /
(321) / te bor gdond pha'I ngo / / dgra pyar btab na' dgra dang de'u re prad pha'I ngo / / g.yag dang 'phan kar /
(322) / phrad pha'i ngo / / / ru sod mo shing rva ste tog mar bab na ni mthong ba'I tad chig ste slar blangs /
(323) / te gzod gdab / / $ / 'dI man chad se nyon la bab ste gyod chen pho dang tab srI dang thab gyI ngo / srog pya la
(324) / bdun dang drug la bab na sdang bral ba'I [*ngo]
/ / / sbi nyo mo shing snying ste / / tog mar bab na' / mthoste slar blangs te /
(325) / gdod gdab / / / sbi nyon la li byin bab na' / / gnya' bsgron te gzhag / / pyI ma la lI byin ma bab /
(326) / na' bsad la gdod gdab / / lI byin bab na' gsum du bcos te / bzhag la / mo shing 'greng /
(327) / lagste / / / tog ma rgan pho rgan mo gnyis shig / 'khod 'khod pha las / rgan pho mo 'debs pa'i /
(328) / 'brang du gum / nas / / mo shing yang ma bsdus phar sa la bzhag / / rgan mo ngu zhing 'dug pha /
(329) / las / / / mu sman mched dgu rold du gshegs pha khar bab phas / / 'di ltar byasna 'di ltar /
(330) / 'ong zhes / / mu sman gchig gis mu sman chen mo snyan du gsold na / mu sman chen /
(331) / mo zhal nas / / lI byi gsum ni skold gyi zhal / / / sbi nyon ni / / rgan pho ni gum rgan mo ngu /
(332) / ba'i ngo / / myi gsor gyang myi rung zhes byung nas / rgan pho yang gsos / gnyis kha gzhon nur /
(333) / bgyis te / / zho'i chu myig dang / cang gyi cu myig gnam las 'bri skam / gyi po mul mtho /
(334) / gang bchad na' / to gang skye / / mdom gang bchad na mdom gang skye ba'I ngo ste mar khu phor /
(335) / gang gyIs gtord la bcings te bzhag / / slad nas bdag ngur myi rung de las bzang ma /
(336) / mchis / / / mo shing 'greng zhes bya ba ni nyin 'di yin no / / tog ma gnyis ni mo shing gyi /
(337) / rva' / / ma khi na bzhi ni mo shing gyi rkang pha' / / bar ma ni / mo shing gyi bya la dang rked pha dang /
(338) / mching pa / / / sbi nyon la [wing (/'bing)] kug gchig bab na' / srib mo yul ngan pha la shing sdong pho /
(339) / bzang pho ngo / / yul ro skam chu myed pha 'i yul [na' (/nas)] chu myig gsar du byung ba'i ngo / / myi /
(340) / chig 'gyod ching 'dug pha las / lo chIg gi bar du cang myI nyes pha'i ngo / / de las bag /
(341) / [wing (/'bing)] kug bab na' / g.yung drung gyi shing sding pho la / bya khu byug zer ba'i ngo ste myi tse ring /
(342) / zhing rgas gyI bar du myi shi ba'i ngo / dmu dag gi ngo ste 'ang bzang / / / sbi nyon {nyon} la sni chi /
(343) / zhig bab na' / / mdun byad byed pha las mdun bor te btsag mtshal nyugs pa'i ngo /
(344) / mun pha'I nang na 'dug 'dug pha pa las nam nangs pha'i ngo / / myi dga' zhing 'dug pha' /
(345) / las mya ngand sangs pa'I ngo / / / de las bag sni chi bab na btson dong nas shord pa'i ngo /
(346) / rna ba snyi las shord pha'i ngo / gdon lan dang myi dga' ba rnams byang ba'i ngo / / / sbi nyon la /
(347) / tsol ryags shig bab na bya rgod chig god chen pho dang prad pha'i ngo / / myi rgod dam rkun /
(348) / pho 'am myi 'dzind grog chen pho dang prad pa'I ngo / / myi dga' zhing 'khyam ba la grog chen /
(349) / pho dang prad pha'i ngo / / / de la bag tsol ryags gchig bab na nad pha sos pha'i ngo / / nyon /
(350) / mongs shing 'dug pa las mtar skyid pha'i ngo / / lam rings gyi myi slar mchi ba'i ngo / /
(351) / / / sbi nyon la pya bun gchig bab na' / pho byi zhi mtar yod ches bgyi ste gangs dkar /
(352) /pho'I steng na bya rgod 'gor zhing 'ding ba'i ngo / / ste nyon mongs shing 'dug pha las laM /
(353) / ring phor 'gro ba lang lta / lam rings mthong ba'i 'ang ngo ste cang mthong cang tshor / / / /
(354) / bag pya bun bab na' bya rgod gnam gyi pru'u ka nas ldings te cang mthong cang tshor {ba} /
(355) / ba'I ngo / ma mthong ba bag gyang ma mchis / nad pha tshabs pho che la ni brla' gnam gyi /
(356) / pru 'u khar yard pa'I ngo / / lam ring por 'gro ba'I ngo / / lam ring mo nas gtam 'ong ba'i /
(357) / ngo / / gud gyi yul du pyind pha'i ngo / / / sbi nyon la lgyog ryags shig bab na' / ^a khad /
(358) / du bchos te nyon mongs pha la mo shing smra ba'i ngo / / gdon lan btsal na' ngu ngu ba'i /
(359) / mal nas pya nyams pha'i ngo / / myi dga' zhing ngu zhing lam du song ba'i ngo / / / de la /
(360) / bag lgyog ryags bab na' / rkun pho spyugs yul du btang ba'i ngo / / bya gag gson ma /
(361) / 'am spyang ki ltong gyis btagste ga shed khrid pa'i ngo / / / sbi nyon la gre gre zhig bab na' /
(362) / rkun pho gnyis shig ga shed rkur 'tham ba'i ngo / / myi g.yo' 'chan g.yo pyi 'chi /
(363) / logs su 'tam ba'I ngo / / myi bran tsam gyI tshod myi dga' zhing kha 'gyod pa'i ngo / / / de /
(364) / la bag gre gre bab na' rkun pho mang mo zhig gyis chig chig brkus pa las / gsang /
(365) / pheld pha'I ngo / / myi ngand pha mang mo zhig myi dga' 'gyod pa'I ngo / / gdon dri bi dang /
(366) / bse regs dang te'u rang dang den pho bzhi la kha chig te bo gdond pha'I ngo / / / sbi nyon /
(367) / la pya rald gchig bab na' / nad pha la sri cher gdond pha'i ngo / / snying myi dga' zhing 'gyod pha'i ngo / /
(368) / de las bag phya rald bab na' / snga nas myi dga' zhing nyon mongs pa'i tog du gtam ngand phas /
(369) / brnand pha'I ngo / / sri gchan phal mo che langs te myi 'chi ba'i ngo / / byis ba sri 'chan myi sos pa'i /
(370) / ngo / / sbi nyon la pya myed gchig bab na' / bud med dme 'chan ma gchig ngu zhing 'dug pe ngo / / 'dre bud /
(371) / med gyi ngo / thang rgyal gyi ngo / / / de la bag pya myed bab na khyo rnams shi dme ma rnams ngu ba'i ngo / /
(372) / myi phung ba'i ra ba na' / thang rgyal dang / ma yams dang / sris gang ba'i ngo / / / sbi nyon la gram rungs /
(373) / bab na nad pha tshabs che ba'i ngo / / bya rgod mdab ma cag pha'i ngo / / spyang kyi thong po'i ngo / / gdon /
(374) / land la bthab na myi ga ngan ga ga gdond pa'i ngo / / / bag gram rungs bab na' / myi nad pa /
(375) / dang bya 'dab ma chag pa dang spyang teng rnams shi ba'I ngo / / / sbi nyon la lIng ryags gchig /
(376) / bab na' / bud med / snar mo gchig yul zhig myi dga' zhing 'dug pha'i ngo / ste gdon lan la /
(377) / ni bud myed gyI mtshun chig gdond pha'i ngo / / / bag lIng ryags shig bab na' / ga shed yul /
(378) / gru gchig na' / bud med mang mo zhig myi dga' zhing 'gyod pha'i ngo / / bud med gchig la /
(379) / mtshun te phor myi dga' ste gdond pha'i ngo / / / sbi nyon la lum sus shig bab na bya /
(380) / rgod dam spyang ki gchig gIs slo cung zad chig rnyed pha'i ngo / / bya rgod dang spyang ki gnyis /
(381) / la khrag cung zad byung ba'i ngo / / / sbi nyon la bag lum sus bab na bud me gchig gis /
(382) / nald gyi bu sod pha'i ngo / / cu nal khongs gyi chu skams te nya se ma dang lchong kel ma /
(383) / gum ba'I ngo / / / sbi nyon la rdung ryags shig bab na [kha?] rje thang po'i ra ba nas bya brug /
(384) / sang rdzis gnangs rdzis shes byas pa las car te song ba'i ngo / / nad pha dang myi dga' /
(385) / ste nyon mongs pa la [tha?] gi ba'i ngo / / myi dga' ba la mya ngan sangs pha'i ngo / / de la /
(386) / bag rdung ryags bab na' nad pha sos pha'i ngo / / bya [brug?] [---] chig /
(387) / ra ba gnyis su lon ba'I ngo ste myi [ngand] / / $ / 'dI man chad se slod la bab ste bud myed tang
(388) / rta rgod ma'I ngo mo sri'i ngo / /
/ / sbe slod la tsol ryags chig bab na' / bud med /
(389) / gchig 'dug pa las / khyo phyir 'gord gza' bran prad de snying dga' ba'i ngo / / / sbe slod /
(390) / la tsol ryags bab na' / bud med ngan pa mo gchig lam bkra' shis mar lag ste myi kyim g[-] /
(391) / grog dang prad 'par du yod de snying dga' ba'i ngo ste bzang / / / sbe slod la sni ci bab na /
(392) / bud med ngan pa mo gchig khyim sa gtsang ba'i ngo / / gdon bud me gchig gis bon bya ste /
(393) / ga shed song ba'I ngo / / / de la bag sni ci bab na gdon byang ba'i ngo / / bon phan ba'I ngo / / / bud med
(394) / ngand pa 'I khyim sa gtsang gdon lan myed pa dang brtsog ngan myed pa'I ngo / / / sbe slod /
(395) / la [wing (/'bing)] khug gchig bab na' / bud med ngan pa mo gchig bkra' shis te rdzo [mor?] lags /
(396) / [te?] cang myi nyes pa'i ngo / / / bag [wing (/'bing)] kug byung na mo bdag dang mo gral [---] [bkra']
(397) / shis la lo brgya'I bar du cang myi nyes pa'I ngo / / / sbe slod la pya bun gcig bab [---]
(398) [---] ba'i ngo / / 'dre pud med {med} gchig gdond pha'i ngo / / / bag pya bun bab na'
(399) [---] mod pa zhig ta [pho (/pha)] gdon pa'I ngo / / bud med gchig gud gyi yul du song [---]
(400) [---] rkun phos khyer ba'I ngo / / / sbe slod la ling ryags zhig bab na' / / bud med /
(401) [-]'I ngo / / [---] bud med gnyis shig gdond pa'i ngo / / /
(402) [---] rab du gdon pa'i ngo / / bran [---]
(403) [-]n chig du 'dus pa'i ngo / / 'de dri /
(404) [---] bse regs /
(405) [---] [-]d /