Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1072

Pelliot tib├ętain 1072
    This Text All the Texts  

1. Content : Law of hunting.

2. Note : scroll. The beginning and the end are missing. Recto, 189 lines. Divided into 16 paragraphs. Each paragraph begins with a vermilion heading and terminates with the word phyag rgya in vermilion ink. Verso, a Chinese Buddhist text. Cf. Catalogue VI (69).

3. References :

Choix II (pls. 403-413).

Lalou (1939-1961: II, 52) [P.Translit.],

Transliteration   (Change the Display Format)

(1) [---] [-]ts[-] [dang /] [---] / / [-]u[-] [---] [-]j[-] [---] [-]u[-] ba'i rma
(2) rma zand / 'jal gyang rung / / / srang grangs 'jal pa la srang chig [---] kh[o]r na su'ang rung dgumo / / / mda'snI
(3) phogste nga'I mda' ma yin zhes / snyon snyon ma tsangs na mda's pog pa gum gyang rung / ma gum gyang rung / thong
(4) myI khrims bzhIn dgum mo / snyon snyon tshangs dang skur pa zan kyang thong myi'i skur pa zan dang khrIms gchIg
(5) du dbango / / phyag rgya
(6) rgyal 'bangs g.yung ngo 'tshal la / zhang lon chen po man cad gyIs / ri dags ras stsogs pa la / / [---]
(7) pas [---] ni gum pa dang ma gum pa'I khrims la / /
rgyal 'bangs g.yung ngo 'tsal dang zhang lon dang dmangs gyI bran
(8) rkya la ma gtogs pa dang lho bal gyI btson yan cad zhIg la / / zhang lon zangs gyI yi ge pa yan chad dang stong mnyam pa
(9) gcIg gIs / / ri dags las stsogs pa la / / mda' rngul bas phog dang gum yang rung ma gum gyang rung / / khon mchIs
(10) te chad kar 'phangs re zhes gtsang dgar bcu gnyis / khong dang bcu gsum bro stsa[l] to / / bro stsal te dkar chag
(11) na / / thong myI dang khrims gchIg go / / dkar gy[i]s tshang tsheng mda's phog pa gum na myI snyong du srang nyis brgya'
(12) phabste yus bdag dang 'dam po phyed mar dbango / / 'dam po ma mchIs na srang nyIs brgya kun yus bdag
(13) dbango / / mda's / phog pa ma gum na gson stong srang brgya phab te / yus bdag dang 'dam po gnyis phyed
(14) mar dbango / / 'dam po ma mcIs na srang brgya kun yus bdag dbango / gum ba'i ston yang rung / gson
(15) po'I gson stong kyang rung stong 'jal ba la / zhang lon kyang rung / / srang chIg ma khor na dgum mo / mda's nI
(16) phog te / nga'I mda' ma yIn ces snyon snyon ma tshangs / na mda's phog gum kyang rung ma gum kyang rung / /
(17) thong myi khrims bzhIn dgumo / / snyon snyon tshangs dang skur ba zan kyang thong myI'i skur pa zan dang khrims /
(18) gchIg du dbango / / :: / rgyal 'bangs g.yung ngo 'tsal dang zhang lon dang dmangs gyI bran rkya la ma gtogs /
(19) pa dang lho bal gyI btson yan cad g.yung ngo 'tshal dang 'dI rnams gchIg la / / gtsang chen man cad rgod do /
(20) 'tshal dang stong mnyam ba zhIg gis / rI dags las stsogs pa la / / mda' rngul bas / phog dang gum yang /
(21) rung ma gum kyang rung khon mchIs te chad kar 'phangs re zhes gtsang dkar bcung nyIs / kho na dang bcu
(22) gsum bro stsalto / / bro stsal pa la dkar chag na / thong myI dang bka' grIms gchIg go / / dkar gyis tshangs
(23) te mda's phog pa nI gum dang / / myI stong du srang brgya phab te / / yus bdag dang 'dam pho phyed mar
(24) dbango / / 'dam po ma mcIs / na srang brgya kun yus / bdag dbango / / mda's / phog pa ma gum / na
(25) rma zan du srang nyI shu phab te yus bdag dang 'dam po phyed mar dbango / 'dam po ma mchIs / na / srang
(26) nyI shu kun yus bdag dbango / / gum ba'I stong yang rung / / ma gum ba'i rma zan kyang rung srang grangs
(27) 'chal / ba srang gchIg ma khor na su yang rung dgumo / / mda's pog te nga 'I mda' ma yIn ces /
(28) snyon snyon ma tshangs / na mda's / pog pa gum yang rung ma guM yang rung thong myI dang khrIms gchIg du
(29) dgumo / snyon snyon tshangs dang skur pa zan thong myi'I skur pa zan dang khrIms gchIg du dbango / /
(30) :: / rgyal 'bangs g.yung ngo 'tshal / dang zhang lon dang dmangs gyI bran rkya la ma gtogs pa g.yung
(31) dang lho bal gyI btson man chad 'dI rnams / rI dags / la mda' rngul bas / pog pa la / / stong /
(32) mnyamo / / stong mnyam / ba 'di rnams / nang rI dags la mda' rngul ba las / stsogs pas phog dang /
(33) gum kyang rung ma gum gyang rung / khon mchIs te chad kar 'phangs re zhes / gtsang dkar bcu /
(34) gnyIs / kho na bdag tang bcu gsum / bro / stsalto / bro stsal pa la / dkar cag na thong myi dang /
(35) khrIms gchIgo / / dkar gyIs tshangs / / te mda's / phog pa nI gum dang myI stong du srang lnga bcu / /
(36) phab te / yus bdag dang 'dam po / phyed mar du dbango / 'dam po ma mchIs / na srang lnga bcu
(37) kun yus bdag dbango / mda's phog pa / ma gum dang rma zan du srang bcu phab te yus bdag /
(38) dang 'dam po phyed mar du dbango / / 'dam po ma mchIs / tang srang bcu kun yus / bdag dbango / /
(39) gum ba'I stong yang rung ma gum ba'I rma zan kyang rung / srang gchIg ma khor na dgumo / / mda's /
(40) phog te nga'I mda' ma yIn ces / snyon snyon ma tshangs na / mda's / phog pa gum kyang rung / / ma /
(41) gum kyang rung / thong myi dang khrims gchIg du dgumo / / snyon snyon tshangs na skur pa zan kyang /
(42) thong myI'i skur pa zan dang khrIms gchIg du dbango / phyag rgya
(43) ri dags la mda's / rngul bas / rogs gyI g.yar la / phogs te / gum ba dang / ma gum pa'i khrims la /
(44) ri 'dags la mda's 'phangs pas / gcig gi g.yar phogs te / mgum na' / g.yar 'i bdag pos / g.yar
(45) 'di la / srang grangs / di snyed chig / / myi ri re zhes / 'bro gthald dang / srang du ri ba 'i / skyin ba gcig /
(46) gcold chig / / g.yar mda's phog pas ma gum dang / g.yar gyI rma' zan du lug sha bzan
(47) gcig stsold cig / phyag rgya
(48) $ gnyen ba nang mda' rngul / bas phog na / dmer brtsi ba dang / myI brtsi' ba'I khrims la / / / zhang lon chen
(49) po man chad / dmangs tha ma yan chad / ri 'dags las stsogs pa la / mda' rngul te / phu nu po nang gcig gis / gcig
(50) mgum na / dmer brtsi ba dang / myi brtsi ba ni / thong myi'i khrims gyI nang na' / / phu nu po nang gcig gIs gcig
(51) mgum ste / dmer brtsi ba dang / myI brtsi ba 'i / khrIms gyi yi ge / bzhin 'du / gcod to / phyag rgya /
(52) zhang lon man chad / dmangs yan chad g.yag dang / 'bri'i 'og du chud pa las / / phyung na' / phya dga' stsald
(53) / pa / dang / ma phyungs na / chad pa gcad pa'i khrims la /

(54) / zhang lon chen po dang / stong mnyam pa man chad / phra myen gyi / yi ge pa / dang stong mnyam ba yan chad / g.yag
(55) / gI 'og du / chud pa las gchIg gIs / gcIg phyung pa dang ma phyung ba'I / khrims la
/ blon che las stsogs te /
(56) zhang lon chen po bzhI man cad phre men gyI yI ge yan cad / zhang lon khong ta ngo bo dang / / zhang lon 'dI rnams gyI
(57) myes po dang pha dang phyI mo dang ma dang bu po spad phan chad pha spun spad tshun cad / yI ge ma mchIs pa'I rnams
(58) dang / ma yar mo dang mna' ma dang sdum pa khyo mo dang bu srIng khyo ma mchIs pa dang 'dI rnams / g.yag gi
(59) 'og du chud pa la / / stong mnyamo / stong mnyam 'dI rnams / gcIg g.yag gI 'og du chud pa la / gcIg gam
(60) na mcIs mchIs te ma phyung nas / g.yag gIs / bkum na ma phyung ba'I chad par / srang lnga brgya phab te / bkum
(61) ba stsalto / ma gum na ma phyung ba'i chad par srang nyIs brgya lnga bcu phab te g.yag gI 'og nas /
(62) thar pa stsalto / g.yag gyI 'og nas / phyung na phyung ba'i bya dgar bu mo stsalto / bu mo ma mchIs na
(63) srIng mo dbango / bu mo 'am srIng mo ma mchIs sam / stsalte ma 'tsal na srang nyIs brgya stsol /
(64) chIg / / phyag rgya
(65) $ / zhang lon chen po dang chen po dang stong mnyam pa man cad / phra men yI ge pa stong mnyam pa yan
(66) cad cIg g.yag gyI 'og du chud pa la / dngul gyi yI ge pa man cad / zangs gyI yi ge pa yan cad
(67) gyIs / phyung ba dang ma phyung ba'i khrims la / / /
zhang lon chen po bzhI dang stong mnyam ba man cad
(68) pra men gyI yI ge pa dang stong mnyam ba yang cad g.yag gyI 'og du chud pa la / dngul gyI yi
(69) ge pa dang stong mnyam ba man cad / zangs gyI / yI ge pa stong mnyam ba yan chad / gcIg gis /
(70) ma phyung te g.yag gyIs bkum / na ma phyung ba'I chad pa srang lnga brgya / phab te gum ba stsalto /
(71) srang lnga brgya phab pa'I slad na sdar gyIs 'o dom kyang gdagso / / g.yagi 'og du chud pa /
(72) ma gum na ma phyung ba'I chad par sdar ma 'o dom / gdagsu baso / / g.yag gyI 'og
(73) nas phyung na bya dgar bu mo 'am / srIng mo gchIg stsal kyang rung / srang brgya lnga bcu
(74) stsal kyang rung / / de'i gchIg stsol chIg / phyag rgya
(75) $ / zhang lon dngul gyi yI ge pa dang / stong mnyam ba man chad / zangs gyi yi ge pa / dang / stongs mnyam ba
(76) yan chad / cig / g.yag 'i / 'og du chud pa / la / khong ta' gcig gi gcig phyung ba dang / ma phyungs pa'i
(77) khrims la /
zhang lon dngul gyi yIge pa man chad zangs gyi yIge pa yan chad zhang lon khong rta ngo
(78) po dang / zhang lon 'dI rnams gyi myes po dang pha dang phyi mo dang ma dang pu po spad phan chad pha spun
(79) spad tshun chad yI ge ma mchis pa'I rnams dang ma yar mo dang sdu pa khyo mo dang mna' ma dang bu /
(80) sring khyo ma mchis pa dang 'di rnams la g.yagi 'og du chud pa la stong mnyamo / stong mnyam / ba
(81) 'dI rnams gcig / g.yagi / 'og du / chud pa la gcig gam na mchis mchis te ma phyung nas /
(82) g.yagis bkum na ma phyung pa'i chad par / srang sum rgya' phabste / bkum ba stsald do / ma gum
(83) na ma phyung pa'i chad par / srang brgya' lnga bcu phabste g.yag gi 'og nas 'thar pa stsald do /
(84) g.yag gi 'og nas phyung na / phyung ba'i bya dgar bu mo dbango / bu mo ma mchis na sring mo
(85) dbango / bu mo 'am sring mo ma mchis sam / stsalde kho myi 'tshald na / srang brgya' stsold shig
(86) phyag rgya
(87) $ / zhang lon ched po man chad zangs gyi yI ge pa yan chad khong ta ngo bo dang khong dang stong mnyam
(88) ba g.yag gi 'og du chud pa la gtsang chen man chad cIg gis / phyung ba dang ma phyung ba'i / khrims la

(89) zangs gyI yIge pa / yan chad / khong ta ngo bo dang / khong ta dang stong mnyam ba zhig g.yag gi 'og du chud pa la / gtsang
(90) cen man chad dmangs tha ma yan chad / gyis ma phyung ste / g.yag gis / bkum na ma phyung pa'i chad par
(91) sdar ma wa dom btags te dgum du baso / bu smad ni / bang za phyugs nor dang khol yul dang mal na dgod do
(92) bu pho ma mchis / na bu mo smad dang bang za phyug nor khol yul pha stsalto / pha ma mchis na bu mo smad
(93) dang bang za phyug nor phu nu po / gag mdur ba stsaldo / khol yul ni phu nu bo drung mchis kyang myi stsaldo
(94) sdar ma bkum pa su 'i 'bangs / / su'i bran khol yul so sor bzhes 'tshol shig / / zhang lon
(95) g.yag gI 'og du chud pa ma gum na sdar ma'I chad par / wa dom bdagste bang za phyug nor
(96) stsal te bu sdum pa ma phub pa dang spyugs go spyugs pa'i / khol yul nI pu stum pa phub pa mchis na /
(97) bu stsaldo / bu sdum pa phub pa ma mchis na pha stsalto / pha ma mchis na phu nu bo drung mchis
(98) kyang khol yul nI myi stsald do / spyugs pa su'i 'bangs sI'i bran khol yul so sor bzhes /
(99) 'tshol shig / g.yag gI 'og nas phyung na phyung ba'i bya' dgar srang lnga' bcu stsal do /
(100) phyag rgya
(101) / gtsang cen man chad dang dmangs pa yan chad cIg g.yag gi 'og du chud pa las zhang long yI ge
(102) pa 'o 'tshal zhig gis phyung pa dang ma phyung pa'i khrims la /
gtsang cen man chad dmangs tha ma yan /
(103) chad cIg / g.yag gi 'og du chud pa las zhang lon / zangs gyI yI ge pa yan chad khong ta ngo po dang khong ta dang stong
(104) mnyam pa' yan chad jig / gam na mchis mchis te g.yag gi 'og du chud pa las ma phyungs
(105) te / gum na ma phyung pa'i chad par srang brgya' phabste gum ba stsaldo / ma gum na ma phyung pa'i
(106) chad par srang lnga' bcus phabste g.yag gi 'og nas 'thar pa stsalto / g.yag gi 'og nas /
(107) phyung na phyung ba'I bya dgar bu mo dbango / bu mo ma mchis na sring mo dbango / sring ma mchis sam
(108) stsal te ma 'tshal na srang nyis cu stsol shig / / / / /:: gtsang chen man chad dmangs yan chad myi dge ba /
(109) zhig / g.yag gi 'og du chud pa la myi ngan pas ma phyungste / g.yag gi bkum na ma phyung pa'i /
(110) chad par sdar ma 'o dom btagste bang za phyug nor stsaldo / bu pho khyim ma phub pa dang spyugo / khol
(111) yul nI spyug pa'i slad na bu pho sdum pa phub pa mchis na bu stsaldo / bu sdum pa phub pa ma mchis
(112) na / pha stsal do pha ma mchis na spyug pa si'i 'bangs sI'i bran khol yul so sor bzhes 'tshol cig /
(113) ma gum na ma phyung pa'i chad par sdar ma 'o dom btagste 'og rta g.yag gi 'og nas phyung ba stsaldo
(114) g.yag gyI 'og nas phyung na phyung pa'I phya dgar bu mo 'am sring mo cig stsal kyang rung srang bco lnga
(115) 'jal kyang rung / te gcig stsol cig / ::/ myi mnyam ba gnyisla gcIg g.yag gi 'og /
(116) du chud pa la gcIg gis ma phyung ste / g.yag gis bkum / na ma phyung pa'i chad par sdar ma 'o dom
(117) btagste 'og rta bkum ba stsalto / / / ma gum na ma phyung pa'i chad par 'o dom btagsu baso /
(118) g.yag gI 'og nas phyung na phyung ba'I pya dgar bu mo 'am srang mo zhig dbango / bu sring ma mchi
(119) sa sa ma stsalde kho ma 'tshal na 'og rta stsol cIg / ::/ myi ngan pa zhig g.yag gyI 'og du chud
(120) pa la myI dge' zhig gis ma phyungste / g.yag gis bkum na ma phyung pa'i chad par 'o /
(121) dom btagste 'og rta bkum pa stsal do / ma gum na ma phyung pa'i chad par 'og rtas bcade
(122) g.yag gI 'og nas 'thar pa stsaldo / g.yag gi 'og nas phyung na / / phyung pa'i pya dgar
(123) bu mo stsal do / bu mo ma mchis na / sring mo dbango / bu mo 'am / sring mo ma mchis sam
(124) stsal de kho na myi 'tshal na srang bcu stsol cIg / phyag rgya'o
(125) phyag rgya
(126) / / myi g.yagI 'og du chud pa / 'byIn te g.yag gyI 'og du chud pa dang 'byin ma myi gnyi / /
(127) ga gum / pa / dang / ma gum / pa'i / khrims la /
/ / g.yag gyI 'og du chud pa 'ang g.yag gyis bkum 'pyin
(128) 'byIn pa'ang g.yag gis bkum ste gnyis ga bkum na sngar g.yag gyi 'og du chud pa'i lan
(129) gyIs 'byIn pa'i ro rdzangsu g.yar cig stsol shig / 'byin ma myi g.yag gyis / bkum g.yag
(130) gI 'og du chud pa ni 'byin ma myI yon te ma gum dang 'byin ma myi ro rdzangs su g.yag gyi 'og
(131) nas phyung ba'i srang grangsu stsal du baso / 'byin ma 'i g.yar bkum na g.yar gyi skyin pa
(132) rngan pa'i srang grangs la ma gtogs par stsol cIg / phyag rgya'o
(133) phyag rgya

(134) $ / myig g.yag gyI 'og du chud pa la gcIg gis g.yag drangste g.yag drang du ma rung na / myi
(135) bgum pa'i khrims la /
g.yag gyI 'og du zhang lon zhig chud kyang rung rmang pa zhig g.yag gyi 'og
(136) du chud pa la gcigs g.yag drangste / phying pas drangs kyang rung thag pas drangs kyang rung gzhus
(137) drangs kyang rung / jIs drangs kyang rung g.yag la reg par snyogste g.yag ma rung ste g.yag gIs /
(138) myi bkum na / bkum du baso / ma phyin pa la chad pa ma mchiso / / / / / / phyag rgya
(139) phyag rgya
(140) $ / myi g.yag gyi 'og du chud pa myi mang po zhig gis phyung pa'i khrims la
(141) g.yag gyi 'og nas phyung ba'i 'byin ma mang po zhig gis phyung yang rung / khrims
(142) gyI srang grang la / 'godu baso / phyag rgya /
(143) phyag rgya
(144) $ / zhang lon man chad / dmangs yan chad bri'i 'og du chud pa la phyung pa dang ma phyung
(145) pa'I khrims la /
brI'i 'og du chud pa la ma phyungste / 'bri myi bkum dang zhang lon
(146) bkum kyang rung / rmang zhig bkum kyang rung g.yag gis bkum dang chad pa khrims
(147) gcIgo / 'bri'i 'og du chude ma gum zhang lon zangs gyi yIge pa yan chad cIg gis /
(148) gcIg nang ma phyung na ma phyung ba'i chad par / 'og rtas bcade 'bri'i 'og nas 'thar pa stsal
(149) to / 'bri'I 'og nas phyung na phyung ba'i bya dgar 'og rta stsol shig / 'bri'i 'og du chude
(150) ma gum ba gtsang cen man chad dmangs tha ma yan chad cIg ste gcig gis / cig /
(151) ma phyung na ma phyung ba'i chad par 'og rtas bcade 'bri'i 'og nas 'thar pas stsol /
(152) shig / phyung na phyung ba'i bya dgar rta gzhi cIg stsol cig / / / / ma gum ba zangs gyi yIge pa
(153) yan chad cIg ste gtsang chen man chad cIg gis ma phyung na / ma phyung pa'i chad par /
(154) 'o dom btag ste ring res res cig gis bcado / 'bri'i 'og nas phyung ba'i bya
(155) dgar / gnag grus cig stsol shig / 'bri'i 'og du chud ma gum pa gtsang cen
(156) man chad jig ste / zhang lon zangs gyi yIge pa yan chad jig gis ma phyung na ma phyung pa'I
(157) chad par 'og rtas bcade 'brI'i 'og nas 'thar pa stsol shig / 'bri'I 'og nas / phyung
(158) na phyung pa'I bya dgar 'og rta dbango / phyag rgya
(159) phyag rgya
(160) $ / g.yag dang 'bri'I 'og du chud pa las gam na mchis pas ma phyung na gang sdar ma gcig
(161) 'o dom gdags pa'I khrims la /
zhang lon man chad dmangs tha ma yan chad g.yag dang 'brI'i
(162) 'og du chud pa la grogs po'am g.yog bran zhig gan na mchis mchis te / g.yag
(163) dang 'brI'i 'og du chud pa / ma phyung ngam / grogs ma bgyis na gam na su nye bar mchis pa'I
(164) rnams / gyI nang nas zha lcer spyangste / gang star ma gcig 'o dom gdags pa'I khrims la bab
(165) na 'o dom gdagso / gzhan nI 'o dom myi gdags par stong ji bab pa 'jalo phyag rgya
(166) phyag rgya
(167) $ / zhang lon zangs gyi yi ge pa yan chad gyi bu tsha dang ya lag la yI ge mchis na mda' rngul
(168) ba dang g.yag dang 'brI'i 'og du chud na yI ges dphye / pa'i khrims la /
zhang lon ched po man /
(169) chad zangs gyI yige pa yan chad gyi bu po spad phan chad pha spun spad tshun chad yIge mchis ste mda' rngul
(170) pa dang g.yag dang 'brI'i 'og du chud pa la gtogs na kho na yIge ji la gtog pa'I khrims
(171) bzhin du bgyi'o / yiges byas bu 'ang rung pha la ma gtog so / phu po nu bo yang rung gcig la /
(172) gcIg ma gdogso / phyag rgya
(173) phyag rgya
(174) $ / ri dags gyI dom thang dang sang mda' phyi mda'I thang dang / ri dags la / mda' grangs brtsi'/
(175) ba dang ri dags / khongs nas shor pa dang phyi sha myi gnang pa'i khrims la /

(176) / ri dags khums na / don dbang ba'i la thang la / ri dags bkum ste don
(177) dbang ba nI g.yag cig la mda' drug du rtsi'i snga' mda' dbang pa ni thur thur
(178) g.yon logsu mtho gang yon por bcade g.yas log gyi 'kho ba rtsib ma logs dbango
(179) rnga ma dang snying dang brang dang lce dang khrag phyed dang / rtsa rgyus dang de rnams snga mda' dbango / phyi mda'
(180) dbang pa nI g.yon lbags gyi rtsib ma'I lgo pa dang khrag phyed dang nang rol chu spyug dang
(181) gshul rgyus dang de rnams phyi mda' dbango / yang mda' ni rtsIb ma g.yas pa dbango
(182) bzhi mda' rtsib ma g.yon logs dbango / lnga mda' rkang sla dbango / drug mda' lag
(183) sla dbango / 'bri gcIg la mda' gsum du brtsi'o / snga mda' dbang pa ni thur thur
(184) g.yon logsu mtho gang yon por bcade g.yas lbags lgo ba dang rnga ma dang brang snying
(185) lce khrag phyed dang gshang dang rtsa rgyus dang de rnams snga mda' dbango / phyi mda' dbang ba ni
(186) rtsIb ma g.yon logs gyI kho pI dang khrag phyed dang nang rol chu spyug dang bog bog dang gshul rgyus
(187) dang de rnams phyI mda' dbango / yang mda' dbang ba ni mjig pa'i lgo ba dang sla bzhi / dbango
(188) / / sha ba dang rkyang man chad dgo ba yan chad mda' gnyis / su brtsi'o / snga' mda' ni phag spa dang snying
(189) dang brang dang lce dang khrag phyed dang rtsa rgyus dang de rnams snga mda' dbango / phyi mda' dbang pa ni mjing shun no