Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1075

Pelliot tib├ętain 1075
    This Text All the Texts  

1. Content : Law of theft.

2. Note : scroll. The beginning and the end are missing. Recto, 41 lines. Verso, a Chinese Buddhist text. Cf. Catalogue VI (70).

3. References :

Choix II (pls. 416-417).

Lalou (1939-1961: II, 53) [P.Translit.],

Transliteration   (Change the Display Format)

(1) [-]u [---] [rkun?] [---] mch[-]g gc[i]g / [-]u [-]rang [---] phyu[g] [-]na[-]
(2) du mchIs pa chald 'jalo / srang bzhi man cad srang gsum yan cad gyi khra
(3) zhig rkusna / rkun po du mchIspa'I ra mgo gcig dgumo de'i 'og na ra mgo
(4) pa gcig shul nye par spyugo de'i 'og du rkun po du mchIs pas / chald 'jalo /
(5) srang gnyis zho bdun nam gnyis man cad srang gnyis yan chad khra zhig myi
(6) cIg gyIs rkus na kho na dgumo myI gnyis gyi rkus na chal 'jalo / srang gcig /
(7) zho bdun nam gnyis man cad / nam cig yan cad gyi khra zhig rkus na rkun
(8) po du mchIs pa kun chal 'jalo / phyag rgya'
(9) $:/ btsan mo lcam sru dang / jo mo dang / zhang lon man cad dmangs yan cad gyi khang
(10) pa dang sa ma dang spra dang bang pa dang / dong du rkun po zhig zhug pa la lag du ma thog
(11) zan pa'I khrims la
/ / btsan mo lcam sru dang jo mo dang zhang lon man cad dmangs yan cad
(12) gyI khang pa dang sa ma dang spra dang bang ba dang dong dang / 'dron po'i phyes 'brang dang / 'di rnams
(13) las stsogs pa'I nang du rkun po zhig zhugste dkor lag du ma thob par zind na
(14) srang gnyis mchIs pa yan cad gyI nang zhugspa las zind / na rkun po ra mgo
(15) pa gcig phu ring du shul ring por spyugo / slad na du mchIs pa la srang gnyis /
(16) rkus pa'I thang du rkud phob shig / / srang nyis su ma 'tsald pa man chad gyi nang
(17) du zhugs te / dkor nor lag du ma thob par zin na rkun po du mchIs gyang
(18) rung srang phyed rkuste / zin pa'I thang rkud phob cig / zin zind pa'I pya dga' nI rkun
(19) po spyugs pa'I nor phyug / dang chald phab pa la bka' grims ji dpang ba' /
(20) dang bzhindu stsaldo / / phyag rgya /
(21) $:/ btsan mo lcam sru dang jo mo'i stsang dang zhang lon man chad dmangs yan chad gyI nas
(22) rkus pa'I khrims la
btsan mo lcams sru dang jo mo'i / stsang dang zhang lon man chad dmangs
(23) yan chad gyI nas zhig / rkus te zin na khal grang dang bre / grangs las srang dang zhor
(24) brtsIs / la nor / rkus / pa'i khrims dang thang gcig go phyag rgya
(25) $ :/ khrom gyi brang ma lags pa' brang gzhan nas rkus pa'I khrims / khrom gyi brang ma lags pa'I
(26) slad na 'dron po tshong pa zhig / gi / brang nas / rkus / na / spra zhig / gi / nang nas / rkus / kyang rung khyi / brang zhig
(27) gi nang nas rkus / kyang rung rtse'u brang nga zhig nas rkus / kyang rung de rnams shig / la / rkus na / khyim phugs
(28) / ma / lagso de rnams lta zhig / las rkus / su / lags na lod srang / du / brtsis / te / lod / gyi
(29) rta grangs su brtsiste / rta grang gyis dgum pa'i khrims la bab na'ang / dgumo / spyugs
(30) pa'I khrims la bab na 'ang spyugs yul nye ring gyi bka' grims gyi thang bzhin
(31) du spyugo / chal 'jal pa'I khrims la bab nang chal 'jalo phyag rgya
(32) $ zhang lon man chad dmangs yan chad gyI lha rkus pa'I khrims la / zhang lon man chad
(33) dmangs yan chad gyIs lha zhig rkus te nor du 'tshal pa las zin na lha blas ji rkus
(34) pa zho grangs dang srang grangsu rtsis la khyim phugs btab pa'i / khrims dang thang gcig go
(35) phyag rgya
(36) $ :/ btsan mo / lcams / sru / dang jo / mo'i / dkor dang / zhang lon man chad dmangs yan chad
(37) gyI nor rkus pa'I / rkun chad gyI khrims la
/ btsan mo lcams / sru / dang jo mo'i / dkor
(38) dang / zhang lon man chad dmangs / yan chad gyI / nor brkuste / rkun po rkud phab pa'i
(39) rnams / 'gul du lang srid kho'u / chung gang sbom mtho / gang gyis / 'khor / pa / gcig zhal ce pa'i
(40) rgyas / thobste / thogs shig / nya tsha / sum rgyas / gzhugs / la mkhar / lan sla / ba / re / re gcado /
(41) [---] ma khor bar gum na / thu pho'i mgul du lang