Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1089

Pelliot tib├ętain 1089
    This Text All the Texts  

1. Content : Official dispatch regarding the conflict between the Tibetan officials and the Chinese local officials in Dunhuang.

2. Note : sheet. Text is missing at the top right. Recto, 84 lines with a square vermilion seal at the right bottom corner and oblique lines to fill the blank space. Verso, 1 line with the same seals as recto affixed twice on the paper joints.

3. References :

Choix II (notice 17).

Lalou (1939-1961: II, 57) [P.Translit.],

Transliteration   (Change the Display Format)

(r1) $ /:/ khyI'i lo'i dgun sla tha cungs la / gdun sa zha nas / rtsIs gyI phyag rgya phogste / / cu[-] [-o] [---]
(r2) thabs la mchId myI mjal pa' / / sha cu'I khri dpon khrI spyan gIs snga slad du zhu[s] [---]
(r3) [---] / snga slad du blar gsol nas / / dbyangste mchId kyis bcad pa'I gral [thabs?] [---]
(r4) gsol na' / / d[er] phyag rgyas btabste 'chang du stsal pa' / / gral thabs [mchid? kyis? b?]cad pa'[i] dka[r? chag?] [---]
(r5) $ /:/ sha cu'I rtse rje blon man cad dpon sna phra mo yan [ca]d / / gral thabs la mchId myI mjal pa' / / slan cad gral thabs 'dI bzhin mchis par /
(r6) dkar cag du brIs pa nI / / khyI'i lo'i dgun pho brang ### na bzhugs / / bde blon gyI 'dun sa / / zhang btsan bzang dang / blon rgyal sgra dang /
(r7) spyan blon byang bzher dang blon g.yu [sgrar zha?]r bsdus ste / / lug ngan sde gnyis dang dkor pa dang / slungs rma grom pa thang la brgal ba'i lan la / /
(r8) sha cu'I khri dpon dang khrI spyan gyI zhu[s] [---] / / sha cu na yang sngon nI bod las stong dpon gong tsar bskos pa' / gtsang cen pa zhig mchis pa yang bas /
(r9) na nIng slad kyIs rgya sha cu pa rgod du bton nas / / stong pon stong cung yang sde bcad nas / / stong pon nI thabs ra gan chungu stsald / / stong cung nI thabs /
(r10) zangs ched po stsal / pa' / / rgya'I to dog dang stong pon du yang gral thabs la mchId myI mjald / / stong cung bod las bskos [pa] dang rgya'I to dog 'og
(r11) pon dang rgya'I stong zla ra gan pa dag cIg mchis pa yang gral thabs [la] mchid myI mjal par gyur pa / / da ltar rtse rje 'og pon gyI gral nI / / to dog /
(r12) ched po'i ni 'og / / to dog 'og pon ^an bung yig dang rgya las spyan du b[sk]o[s pa] / / cang stag legs gyI ni gong na mchIs / / na ning mkhar tsan khrom gyI
(r13) dpon sna gral thabs la mchId myI mjal pa' / / dmag pon gyIs dbyangste / / zhang lon ched po blon rgyal tsan dang blon legs sgra la zhus te / /
(r14) mchId kyIs bcad pa las nI / / bod sum gyI stong pon gyI 'og du mthong kyab dang 'a zha'I stong pon / / de'i 'og du rtse rje zangs / / de'i 'og du bod /
(r15) sum gyI stong cung dang mthong kyab dang 'a zha'I stong cung / / de'i 'og du zangs pa sug stong dang stag gi zar can pa 'byung ba'i / / lags / / rtse rje dang /
(r16) to dog gI gral thabs nI / / sngon rim pa cI ltar mchis snga lugs tsam du bas ba yang 'duste / / bod las stong pon stong cung gnyug mar gsar
(r17) du bskos pa'I rim pa gral thabs cI ltar mchIs pa nI / / bdag cag gIs mchId kyis gcad du myI gda'ste / / bla nas bka's ma /
(r18) bcad na / dpon sna thog ma mchis ma thag du / / 'phran tshegs 'dI tsam gyI slad nas / / mchid myI mjal cing rtsod par gyur na / / rje blas 'tshal ba /
(r19) dag la yang myI bde zhing blar yang myI dpen par 'gyur zhing mchis na / / stong pon rnams gyI gral / / to dog gnyIs dang rtse rje 'og pon dag dang /
(r20) rIm pa jI ltar mchIs pa dang / rgya'I stong zla dang bod kyi stong cung yang gang gong du mchis pa / lung stsal pa tsam du gsol zhes 'byung / /
(r21) rgya sha cu pa'I dpon sna gsol ba las nI / / sha cu'I to dog dang bdag cag stong pon stong cung gI gong du mchIs par gsol ba / / lho bal gyI to dog /
(r22) dang stong zlar bskos pa'I rnams / / dpon sna gnyug ma'i gong du mchis pa'i lugs dang zla dpe ma mchiste / / dper gsol na / / li rje lta bu /
(r23) zho sha dang sbyar nas / / bla nas thugs pags mdzad de / rgyal mtshan stsal nas /:/ rgyal chos gnang ba yang / / lI'i blon dngul pa'i 'og na /
(r24) mchIs pa lags / / lI'i ^a ma ca la stsogs pa / thabs gser dang [g.yu] stsal pa la stsogs pa yang / rtse rje zangs pa'i 'og na mchis / / lho /
(r25) bal stong 'dul pa'I khri dpon dang stong pon stong cung thabs g.yu dang gs[e]r mchis pa yang / / dmag pon ched po gtsang chen pa lta smos kyang myI /
(r26) 'tshal / / dmag pon chungu sgo gtsang pa'I 'og na mchIste / / 'dI ltar dbung mtha' gnyIs kyI gral thabs gna' nas chad de / / lug su chud par
(r27) nI / thugs tshod bla na mnga' ba lags / / sha cu pa'I to dog dang stong zlar bskos pa'I rnams lho bal sde chen gong nas gsol pa gzhan bas / / zho /
(r28) sha myI che zhIng thabs myI mtho na / gral thabs sngar chad pa dang zla dpe bzhIn / bdag cag gong du mchis par ji gnang / / zhes gsol / / sha cu'I to /
(r29) dog dang stong zla rnams gyI gsol ba las nI / / bdag cag to dog ched po / rtse rje'i zlar bskoste / thabs phra men stsal nas / / rtse rje zangs pa gong na /
(r30) mchIs pa'I gong du / rgod kyi stong pon gyIs myI chud par gda' ba las / / da ltar mkhar tsan khrom nas / dmag pon gyIs zhus pa las / stong pon gyI /
(r31) rnams / rtse rje zangs pa'i gong du mchis par chad pa la brten nas / / stong pon gI rnams / to dog ched po 'i gong du mchis par gsol ba dang /
(r32) to dog 'og pon dngul pa dang / stong zla thabs ra gan mchis pa'i gong du / stong cung zangs pas myi chud par gda' ba lags na / / bdag cag /
(r33) to dog tsam zhIg stong pon stong cung bod las bskos pa'i gong du mchIs par jI gnang gIs gsol / / khar tsan khrom gyI dpon sna'i gral /
(r34) thabs / / zhang lon chen po la zhuste / mchid kyIs bcad pa'I dpe' / rgya'I dpon sna bod las bskos pa'i sug pa na dpe phyag rgya can 'chang ba /
(r35) las 'byung ba / / mkhar tsan khrom gyi dpon sna gral thabs la mchid myi mjal pa' / sngar bcad pa'i lugs dang rje blas gyi gnyer dag du /
(r36) sbyar nas / / zhang lon chen po la zhuste mchId kyIs bcad pa / / gral thabs la / / ru dpon / khrI dpon / / dgra blon chen po / / rtse rje
(r37) ra gan pa / / zhing pon chen po / / mkhar dpon chen po / / stod smad gyI phyug ma'I gzhIs pon chen po / / ru spyan nang kor las bskos pa
(r38) rnams / / dgra blon 'bring po / / ru theb / dgra blon chungu / / khral po chen po /:/ gsang gI yige pa ched po / / rtsis pa ched po / / zhal ce pa ched /
(r39) po / / bod sum gyI stong pon / / mthog kyab dang 'a zha'i stong pon / / rtse rje zangs pa' / / gsang gI pho nya / / gsang gI yige pa 'bring po / /
(r40) gsang gI yige pa chungu / / spyI gcod / / bod sum gyI stong cung / / rgya drugI lo tsa pa / lung dor gyI dmag pon / zangs pa sna la gtogs pa / rtsIs /
(r41) spyan / / mthong kyab dang 'a zha'I stong cung / / stagI zar can pa sna la ma gtogs pa / / gsang gI rub ma pa dang 'gyed ma pa' / / gzhIs pon spyan /
(r42) byung 'tsho ched po / / stagI zar cung pa / gzhIs pon 'og pon /:/ gsang gI yige pa phra mo / lho bal gyI dmag pon chungu / byung 'tsho chungu / chos gyi
(r43) rtsIs pa / khram pa / sam mkhan zhes 'byung / / sha cu rtse rje'i phrin byang pho nya tshe'u shun tse las / khyi'i lo'i dpyid sla tha tsungs tshes /
(r44) bdun la mchis pa' / rtse rje man cad / rgya'I dpon sna'i rnams gral thabs la mchid myi mjalte / rtag du rtsod nas / gral thabs /
(r45) kva cu'i dmag pon gyIs mchid kyIs bcad pa'I dpe' gsol pa lags na / / slan cad 'dI bzhin du 'tshal na nongs sam ma nongs /
(r46) shes 'byung / / sha cu'I rtse rje blon man cad / rgya'I dpon sna'i gral thabs / re shig 'dI bzhin mchIs par 'tshol cig ces / / kva cu'i /
(r47) dmag pon dang spyan gyI mchId kyis bcad ces / / sha cu'I rtse rjes brdzangs pa'I gral thabs las 'byung ba' / / rtse rje blon rgya'I khri dpon /
(r48) rgya'I khri spyan / to dog ched po / rtse rje 'og pon / to dog chungu / rgya'I spyan / stong pon bod las bskos pa'I rnams / / stong pon gyI zla rgya las bskos pa'I /
(r49) rnams / / rtse rje chungu dang mngan go cu rub / sha cu spyI'i dgra blon bod las bskos pa' / rgya'I stong cung bod las bskos pa'I rnams / / stong cung gI zla rgya las /
(r50) bskos pa'I rnams / / dgra blon rgya las bskos pa / rgya spyI'i khral dpon ched po / / khrI dpon gyI yi ge pa zhes 'byung / / rgya sha cu pa'I dpon sna / / zhang lon ched pos /
(r51) bskos pa'I gzhi dang gthugs na / / phrin blon blon stag bzher rgod khyung la stsogs pa'I phrin byang / cog ro legs 'dus las / / byI ba lo'i dpyid sla tha cungs /
(r52) tshes bzhI la mchIspa las 'byung ba' / / byI ba lo'i dbyar / zhang lon ched po so la mchis pa'I 'dun tsa long cur btab pa'I lan la / / rgya sha cu pa sde gnyis
(r53) su bcad nas / las sgo dang / dpon snar bskos pa dang / lung stsal pa' / / bod las sha cu pa'I dpon snar bskos pa' / rongspo g.yu gong rtse rje blon / khyung po /
(r54) klu rma rtse rje spyan / 'bro g.yu gong rtse rje 'bring po / 'bal du ma legs rtse rje chu ngu dang dgra blon go cu rub / / tshar lo spa sho stong cung du bskos nas / zangs gyI /
(r55) yI ge stsal / ser lha rma stong cung du bskoste thabs zangs chungu byin no / / rgya las dpon sna bskos pa' / do stag skyes rgya'I to dog dang bod kyi rtse rje'i /
(r56) zlar bskos te / 'phra men gyI yIge chungu snga na yod pa las / thugs pags mdzad de / na cig gis bstod nas / phra men gyI yi ge ched po stsal / / ^an bung yIg
(r57) to dog 'og pon du bskos te / thabs ra gan gyi yige yod pa las / ngo'i tshe thugs pags mdzad nas / ra gan gyI yi ge ched po byin no / / ### sde /
(r58) gcig gI dpon snar bskos pa' / / yem pheng stong zlar bskoste / thabs ra gan gyI yI ge chu ngu dbang ba / snga na ra gan gyI yi ge chungu mchis pa las / thugs /
(r59) pags mdzad de / ngo'i tshe na cig bstod de / ra gan gyI yi ge ched po byin no / / cang mdo tse sde gcIg gi khral pon dang gzhi rdzongsu bskos so / / sag pho sngon to dog /
(r60) gI rgyud lags pas / rjesu thugs pags mdzad de / / spyI'i khral pon ched por bskoste / gtsang chen rkyen gyI bya dga' zhig byin no / / tshe'u cang zhI sde'i chu mngan /
(r61) du bskoso / / lI pu hvar spyI'i zhing pon ched por bskoste / thabs gtsang chen mchis pa / thugs pags mdzad de / gtsang chen rkyen gyi bya dga' zhig stsal /
(r62) to /:/ chang stag legs chu mngan du bskos so / / ### sde gcig gI dpon snar bskos pa' / khang se'u tam stong zlar bskos te / thabs ra gan gyI yi ge chungu
(r63) dbang ba las / ngo'i tshe thugs pags mdzad / nas / na cig gis bstod de / ra gan gyI yi ge ched po byin no / / lI'u hvang khral pon dang gzhI rdzongsu bskos so /
(r64) ^an hIng tse sde'i zhIng pon du bskoso / / lI phyin spyi'i chu mngan du bskos so / / cang de'u 'do stong cung du bskoste / thabs zangs chungu dbang ba las /
(r65) sug pa na ra gan chungu mchIs pas / thugs pags mdzad de / zangs chungu'i rkyen rdungs dang 'drubs stsalto / / bam stag zigs mngan du bskos so /
(r66) jeng lha rton mngan du bskos so / / yang klu legs chu mngan du bskos so / / wang ^an sde'i chu mngan du bskos so / dza ^an sde'i zhing pon du bskos so /
(r67) zhes 'byung / / 'brIng yas btsan kong bro stsal te rmas na / lnga lugs gyIs bod las bskos pa'I dmag pon chungu'i rnams / lho bal nang gI khri dpon dang /
(r68) stong pon gyi gong du mchis pa las / tse nge pong bra skyes pu yog pa'I stong zlar bskos pas / lho bal gyI stong cung bod las bskos pa'I gong du / stong /
(r69) zla mchis par gnang zhes gral thabs gyI bla spring gcIg mchis nas / / lho bal gyI stong pon rnams gyIs de'i zla dpes blar gsol nas / dmag pon /
(r70) chu ngu rnams gyI gong du mchis par bcad de / / phyag rgya stsal pa las / / spre'u lo'i dbyar dmag pon chungu rnams gyIs gsol nas / rtsis pa dang /
(r71) gsang la gtogs pas / dbyangs dkyIgste zhus pa las / slad cad lho bal gyi nang nas bskos pa' / khrI dpon la stsogs pa / g.yu pa gser pa'i /
(r72) gong du dmag pon chungu mchIs par / zhang btsan bzang dang / zhang khrI brtsan dang zhang rgyal tsan dang / zhang khri dog rjes mchid kyIs bcade / khri sde re re /
(r73) phyag rgya re re stsal ces gsol / / spre'u'i lo la lho bal stong 'dul pa'I dpon sna bod dang lho bal las bskos pa'i rnams / gral thabs la mchid /
(r74) myI mjal nas / / bde blon dang spyan gyis mchid kyIs bcad pa bla nas nI ma mchIs par gyur / stong sde re re yang phyag rgya re re stsal pa yang / 'phraldu /
(r75) 'dun tsar gthug du ma mchis / / 'dI ltar mchid kyis bcad par nI / g[sang] la gtogs pa / blon legs bzher khyi ma 'dod la stsogs pa la g.yar
(r76) tshod mchis shes gsol nas / / dbyangs dkyigste zhus pa las / / sha cu'I dpon sna'I gral thabs slan cad 'dI bzhin mchi' shig par
(r77) rtse rje blon dang spyan gyI steng du spring shig ces / / zhang btsan bzang dang blon rgyal sgra dang spyan blon byang bzher dang blon g.yu sgras mchid /
(r78) kyIs bcad / / nas / blon leg bzher khyi ma 'dod dang blon klu bzher sngo brtsan gyI sug rgya 'og nas gtad nas / / sha cu'I rtse rje dang / /
(r79) dpon sna'i gral thabs slan cad 'dI bzhin du mchis par dkar cag 'og dpe' brIs pa' / / sha cu'I dpon sna'I gral thabs mchid /
(r80) kyIs bcad de / / slan cad 'dI bzhin mchIs pa la / / rtse rje blon dang khrI dpon go cu rub / / khrI spyan / / to dog ched po / stong pon bod las
(r81) bskos pa'I rnams / / rtse rje 'og pon / / to dog chungu / / rgya'I spyan / / stong zla rgya las bskos pa'i rnams / / stong cung bod las /
(r82) bskos pa'I rnams / / rtse rje chungu dang mngan go cu rub / / sha cu spyI'i dgra blon bod las bskos pa' / / stong cung gI zla rgya las /
(r83) bskos pa'I rnams / / dgra blon rgya las bskos pa / rgya spyI'i khral pon ched po / / khri dpon yIge pa zhes 'byung / / zhang klu sgra dang /
(r84) blon zla bzang dang / blon g.yu bzher dang blon mang rje la zhus / / lha lung zigs gyIs gdugste spad / / (a square vermilion seal<) bde blon gyi rtsis gyi phyag rgya (>a square vermilion seal)
(v1) gra[l] thabs gy[i?] phyag rgya