Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1283

Pelliot tib├ętain 1283
    This Text All the Texts  

1. Content : 1. A dialogue between two brothers (ll. 1-532). 2. Report of the mission consisting of five Uighur envoys sent to the North Asia (ll. 533-642).

2. Note : scroll. The beginning and the end are missing. Recto, 642 lines. Verso, Chinese Buddhist texts. Cf. Catalogue VI (93-94).

3. References :

Choix II (pls. 526-549, notice 21).

Lalou (1939-1961: III, 1) [P.Translit.],

Transliteration   (Change the Display Format)

(1) $ / / gna' yul gser zhva g.yu '[-] [---]
(2) spun du 'thams pa gnyis shig / / mchin pa na ba'I rtsi / chu s[-] [---]
(3) [-]in [pa?] 'dug 'dug pa las / / nu bo yul gzhan du las bskoste / [---]
(4) [bro?] nyis par gyur nas / / phu bo lo nyi shu rtsa dgu lon pas / / [---]
(5) brgya lon bar 'gro ba la / / btams shing / bstan pa'i mdo / [---]
(6) [lo] nyi shu rtsa dgu lon ba la / / nu bo na re / / bdag gyang [bro (/gro)] [---]
(7) [-]od nga sbyong zhing slob du gtang gtang na / / da ni [---]
(8) / / grogs gyi nang na / / khyod las / / bdag la byam[-] [---]
(9) 'gyes pa yang / / shin du dka'ste / / rtag du dran ba ni / / zhag [g?-] [---]
(10) du / rmyi lam na snango / / yid la chags pa'i tshad ni / / brjod tsha[-] [---]
(11) gyang / / dka' ba tsam du sems shing mchis / / da slan [rgyad?] [---]
(12) gchig la / / las gyis / bskal pas / / mjal myi mja[l] [---]
(13) pag gyang / / shin du dka' na / / bdag 'dri ba'i rnams gya[-] [---]
(14) rigs par / / bshad du gsol / / byams pa'i bka' drin / naM su[-] [---]
(15) bskyud na / / btams shing bka' chi stsal pa'i rnams gyang / / [---]
(16) su bab pa la / / cha nod ching mchis / / phu na re / / bdagi yid '[-] [---]
(17) pa gnyis shig dran te / / gchig du ni / / yang dag par snying gchig [---]
(18) myi dang bral bas / / shin du yang yid la chags / / gnyisu na / / pho[-] [---]
(19) la / / gtan du 'grogs pa yang / dkon te / / myi dga' ba'i m[-] [---]
(20) du ga la rung / / yong gis snying gchig phan chad / / yul nye[-] [---]
(21) rings ste legs pa'i drod gyang / dpag du myi rig / / yid gyis ste[-]
(22) 'drul na / / ngo phrad pa dang yang chi ma mtshungste / / khyod gyis las b[-]
(23) ba thob na / / yul gyis bskal pa'i phyir / / myi dga' ba'i mdor rgyu[-] [---]
(24) du yang ga la rung / / yid la chags pa'i phyir / / khyod 'gro ba'i dus [---]
(25) la ma bab pa tshun chad / / gchig la gchig bsamste / / bral ba'i
(26) skabs myed par bya'o / / yongs ni / deng bye ba dang / da ste / lo brgyan by[-]
(27) ba gnyis / / yid gchig ste / bye brag myedo / / 'dri ba'i rnams gyang /
(28) mdza' ba'i phyir spobs par byas ste / / yid la chi dran pas lan [dan?]
(29) yongsni / / gdams shing bchos pa ni / sla' / / de bzhin du nus shi bur [---]
(30) pa ni dga'o / / dkaste / / chung zad chi dran ba ni / mdo nyi tshe zhig [---]
(31) bstan gyis / / yid la bab pa'I rnams ni / / gzungsu zung shig / [---]
(32) bab na / / slar dris shig / / phu na re / tshig stong pa btams [---]
(33) don ched po yun du yod par 'gyuro / / nor yod pa byin ba ni [---]
(34) zad sheso de lta bas na / bden ba'i tshig byin ba las / che ba myedo / [---]
(35) bzung legsna / / de blangs pa las / nor du che ba yang myedo / / nu na re / / myi[-]
(36) skyes pa la / gang bde na bde ba'i mchog yin / / phu na re / sems bde na bde ba'I
(37) mchog yin / / sems myi bde na / / gzhan chi bde yang bde ba ma yino / / nu na [re]
(38) [s]ems bde ba'i babs chi ltar bya / / phu na re / / bdag la mtshang myed par byasna / mtho
(39) ba'i sa na yang mtho zhing bde'o / / dma' ba'i sa na yang / dma' zhing bde'o / yong[sni]
(40) rgyal po'i khrims la / / srog srid gnyis brtan te / / chi la yang / ran par bya ba'i rigs
(41) so / / de las 'gal dang / / dgrar ni grogs ldog / dpung ni rgyal pos
(42) byasna / / msnyems pa'i yang myi myed la / shags gdab du yang / / yus myed na / /
(43) chi la brtan / / nu na re / / dgos pa la ma stor bar bya ba gang / / phu na re / / yongs ni
(44) dgos pa la stor bar bya ba gchig gyang myede / / de'i nang na mchog bdamsna / / zh[-]
(45) srid nyis ma stor par bya'o / / nu na re / / de ltar na gzhung gang gis gzu[-] [---]
(46) phu na re / / gzhung drang pos zung la / yan lag ma nor bar sgrubo / / nu na re / / [---]
(47) yin / ma nor bas chi ltar bsgrub / / phu na re / / rgyal po'i chos khrims [---]
(48) la / / snyomsna / drang zhes bya'o / / chos khrims las myi 'byung yang / / yus ma yus
(49) yin ma yin / / bye brag phyed par byasna / / de ni yan lag ma nor pas bsgrub che' bya[-]
(50) yongsni / / myi'i dpon po byed na / / nam ka dang mtshungs par snyoms shing
(51) srang dang 'dra bar drang la / / yus gyis ma rangs pa myed / chis gyis mkhyab
(52) pa myed par bya ba'i rigso / / nu na re / / de ltar byas na / gzhan la phan zhing /
(53) legs gyang bden na / / bdag la phan ba chi yod / / phu na re / / yongs ni / gzhan
(54) la phan na yun du / bdag la phan / / gzhan la gnod na / / yun du bdag la gnod
(55) ches bya'o / / myi'i dpon po snyoms par bya na / / 'phral du bdag la phan 'ba' shi[g]
(56) gi mdo gzungsu rung ngaM / / bu dang dgra gnyis gyi legs nyes la yang / / yon po
(57) myi byed na / / de la ma rangs yo zhes zer ba su zhig yod / / nu na re / / dra[-] [---]
(58) snyoms pa 'di lta bu'i gzhung gzung na / yul de na chi btshun bar bya / / phu na re / [---]
(59) phyug po bas ni / drang po dbul po btshun bar brtsi'o / / rkun po bas ni / [---]
(60) bar brtsi'o / / nu na re / de lta bu'i gzhung myed na / chi btshun du brtsi' / phu [na re?] [---]
(61) yul de na / / yon po phyug po la ni stod ching btshun bar brtsi'o / / drang po dbul [---]
(62) ni / 'phya' zhing smod do / / rkun po gcham bu la ni dga' / / sprang po phongs pa la ni
(63) gshe'o / / nu na re / / drang por myi byar myi rung ba zhig yod na / / sran chi tsham du
(64) gzugs / / phu na re / / nyes pa yon po byed byed de / gson be bas / / drang po
(65) snyoms pa byed byed shi yang bla ba tsham du sran gzugs dgoso / / phyi byad bzang
(66) zhing kha drang la snying yo dang khong gsob du 'dug par ma byed chig / / nu na re / chi
(67) mthong na / myi dga' zhing myi zhim du brtsi' / / phu na re / / gstsugi nor mthong na
(68) 'dre mthong ba dang 'dra bar myi dga' bar brtsi'o / / bslu ba'i zas mthong na /
(69) skyug bro ba dang 'dra bar / / myi zhim bar brtsi'o / / nu na re / nor ni sdug / zas
(70) ni zhim na / 'di gnyis ster pa / byams pa 'dra na / chi phyir de ltar brtsi' / / [---]
(71) nor zas gnyis ni / / yon por 'gyur ba'i gnya' nan te / / byams pa ma yin gyi / dgra dang [---]
(72) brtsi dgoso / / nu na re de lta bu ma yin bar / / nor zas ster te byams pa yod taM / [---]
(73) nyes gyis dogste / / ston ching nor sbyin dang / / yos dogste / gshe zhing zan byin ba ni [---]
(74) yang dag ches bya'o / / nu na re / / drang po'i chos byas gyang / / la la 'khyams pa yod na / chi nyes
(75) phu na re / / de lta bu ni dkon ba'i rigste / / 'ga' zhig yod du zin gyang / / bdag gis ma nyes
(76) yang dag pa la / / dbang myed par 'ongsna / / sus gyang myi slon te / / srog chad pa dang / 'dras / 'gyo
(77) pa'i sa myedo / / yongs gyang / nyes bye byed de legs pa ni / / brgya' la gchigo / / legs byed [ke?]
(78) legs pa ni / kun no / / nu na re / 'dzangs pa la rnam pa du / / bya ba la gzhung du / / tshig la /
(79) chud ma zos pa gang / / phu na re / / 'dzangs pa la rnam pa gnyis ste / / mkhas pa dang snyoms
(80) pa gnyis so / / bya ba la gzhung gnyiste / / drang po dang yon po gnyiso / / tshig la chud ma zos
(81) pa ni / / myi dgos pa la myi smra 'o / / yongs ni / / ya rabs gyi tshul bya na / / ha chang gcam
(82) bu / / ma rabs gyi chos chungu dang / byis ba'i tshig phran tshegs / / gyang gtang ba'i rig
(83) phar myi rtog pa / / myi slob par / rtsing chos gyi ra chod gyang ma smra dang legso / / nu na re / [---]
(84) lci ches na / / myi bde zhing pho che ba ma lags sam / / phu na re / / yongs ni / / bya 'o [---]
(85) kyang / / thog du phebs par bya dgoste / / myi bde ba zhig zer gyis dogs pa'i / phyi[r] [---]
(86) ma dris par gar smra / / pho che zhes zer gyis dogs pa'i phyir / yang ba gcham [---]
(87) byar rung ngam / / ye lci ba'i chos ni / / bdag la dga' ba zhig byung ngaM / / bdagis legs [---]
(88) chung zad tsham byas sam / bdag la rung ba dga' ba zhig bdog na / / gzhan gyis myi tshor gyi[s?]
(89) dogs pa bzhin / / ya ya mo / drod myi thub pa 'dra bar / myi byed myi spyom / / myi dga' ba che chung
(90) zhig byung yang / / yi chad pa 'dra bar / / myi byed myi smra / / gzhan gyi phyugs nor dang [---]
(91) mthong na / / bzang ngaM zhes myi smon / / bdagi 'khor dang skal ba mthongs [---]
(92) ngan ches / phral du / don myed par myi smra / / myi gshe / / bdag myi sto[-]
(93) 'phral du dad pa 'aM / / bdag la dgos pa zhig yod la / glags yo[-] [---]
(94) chos khrims las 'gal phan chad / / gzhan gyis ma tshor bla 'o s[-] [---]
(95) bdagi nyid shes phan chad / gzhan gyis ma tshor yang / myi phan ba cha[-] [---]
(96) las / 'gal na / / phral la myi bde ba dang nyon mongs pa byung y[-] [---]
(97) tshul 'di lta bu la stsogs pa / / byed pa ni lci zhes gyang bya'o / / [---]
(98) chos dang sbyar te / / bdagi che bzhi bdagis byam / / gyang ma
(99) lci zhing gzungs thub pa'o / / yongsni / / myir skyeso pha[-] [---] [-]chog gyang / / l[-] [---]
(100) gzhan myi nus na yang / / myi'i chos bzhin chi nusu bya ba'i rigso / / nu na re / myi'i
(101) chos ni gang / / myi chos ma yin ba ni gang / / phu na re / myi'i chos ni / / drang zhing sri
(102) zhu dang / des shing mnyen ba [-]ng / snying rje che zhing / dngan chan myed rjes dang khrel yo[d]
(103) snying chung zhing brtson 'grus che ba yin te / / 'dzangs yid myur myed gyang / / 'di rnams
(104) lus la yod na / / kun gyi snying du 'ong zhing srid brtand no / / myi chos ma yin ba ni
(105) yo zhing gthum / yang zhing khrel dang rjes myed / / snying rje myi shes zhing / ngan chan che
(106) bla khyad byed ching le lo [---] pa yin te / / 'di rnams lus la yod dang / kun gyi yid du
(107) myi 'ong ba yino / / nu [na re] / / sri zhu che ba ni gcham bu ma yin nam / / mnyen ba ni mdzi ma
(108) zham che ba ma yin nam / / snying rji'i nang na / / ngo slog myi phod pa'i shas nyed dam
(109) gthum ba la dpa' ba'i shas myed tam / / phu na re / / chi bya 'o chog la yang / / dmyigsu /
(110) phebs par bya dgoste / / sri zhu yang dmyigsu ma bab na / / gcham bu'o / / smyigsu
(111) bab na sri zhu'o / / bya 'og chog thog du phebs par byasna / / mnyen zhes 'dzi ma zham [---]
(112) myi 'gyuro / / thog du ma bab na / chi ltar gtshabs gyang / ngo slog ma yin / 'chal [---]
(113) yino / / snying rje zhes bya ba ni / / nyams las myi dpog par / / pags myed pa dang / yon
(114) po'i chos byaste / ma nyes par / stams las bchad / / du rung ngam / / dpa' zhes bya
(115) ba ni / / dgra la stsogs pa la / / drag shum dang / gthum po bya dgos pa'i dus
(116) na / / dmyigsu phebs par byas na ni / / dpa' ba yin gyi / / myi dgos par gthum
(117) po la / dpa' zhes sus gyang bstod / / 'di ni dpa' ba ma yin gyi / / ngan pa yino
(118) nu na re / / legs pa cher ma nus na / / chung zad tsham byaste phan ba chi yod / / phu na re khong
(119) na / / 'dzangs gyi rgyu myede / legs pa gzhan ma nus na yang / yul [chos?]
(120) gyis / / nyes par brtsi ba'i rnams / / myi byed par thub na yang / drang po brtan po
(121) zhes bya ba yin te / / de nus gyang phan che'o / / nyes pa ni tshung yang thong shig / legs
(122) pha ni chung yang / byos shig / / nu na re / / bya 'o chog la grosu myi byar myi rung na / / gros
(123) kyi thabs chi ltar bya / / phu na re / / gros gyi mgo rtsings la / bchos pa'i rnams
(124) mangs dang / 'chal ches bya'o / / grosu bya'o chog / thog ma nas gyang / / zhib du g[-]
(125) la / / dmyigsu / phebs par byas dang / / 'phyis bchos myi dgoso / / bgro zhing bs[-]
(126) mo chog / ni / / yid glod de / yangs phar bsams dang / dmyigsu pheb sa pa[-]
(127) 'ong ngo / / ji la yang / / dogs pa dang / sha dang lan glan bar byas dang / ched chu ngu la daM
(128) [du?] sems pas / / don chen po thog du myi phebs par 'ong ngo / / grosu bya ba ni /
(129) bdag gis bdag la lan bthab ste / / rung ngam myi rung gi bye brag phye la / / bya ba gchig
(130) [pa? 'o?] / / [-]ogs dang snying gchig dang / mtshang du myi 'gyur gyi / / dpyas gyis dogs
(131) [---] spobs par byas la / / thel gyis phab / ste / / [tshig? spug?] la / spyis
(132) [---] do / / phal gyis bsdus na / / bdagir g[-] [---]
(133) [---] [-]d du bya ba la yang / de yon ba tsha [---]
(134) [---] ni dagste / / la la [---]
(135) [---]
(136) [---]
(137) [---] skad du [---]
(138) [---] do / / g[-] [---]
(139) [---] rung bar [---]
(140) [---] [-]ng / skyengs b[-] [---]
(141) [---] [-]ng bdagis / bden ba'i tshig [-]m[-] [---]
(142) [---] [-]ng myi rung ba la / rung zhes zer pas[-] [---]
(143) [---] / / 'phyis ma rung bar mngon bzhin du / bd[-] [---]
(144) rung bar mngon bzhin du / log par drangs pa nyes che'o / / gchig du na / / gra[-] [---]
(145) kha nas / / 'phrogste / bdagis sngar dra na ba skad du byas nas / grogs gyi yid du [---]
(146) ste / / thel gyis 'bebsu myi bthubo / / yong yang / gros bya ba ni / / gchigis myi rig
(147) gyis dogste / mang du bsogste / / gang bden ba gzung ba yin na / / bdag zer ba
(148) ltar / myi byar myi rung na lta / / gros byar yang / chi dgos / / bden ba'i tshig su las
(149) 'ong gtol myed gyis / / dus chung byad ngan ches brnyasu myi rungo / / yang dag par /
(150) bden te / ma nor na / / su'i ngag mnyan gyang bla'o / / gzhan gyi tshig rda ma phrad pa
(151) zhig zer na / dgos pa yod srid gyis / / ma skyengs par rjes nas dris shig / / gchig
(152) du sla rnams / yid ches pa ma yin na 'phral du dran no chog gzhan la brjod ching smrar
(153) myi rung ba zhig gyang yod do / / bdag bden na yang / / gzhan la na zhing gnod pa dang / bya dgos
(154) na yang / / thabs dang sbyar zhing bya ba'i rigso / / myi 'phyi zhing kha tshas zer ba'i nang na / la la
(155) phral du dran ba dag yod srid gyis / / snying tshod blang ba'i rigso / / nu na re / / bya 'o
(156) chog la dmyigsu phebs par bya na chi ltar bya / / phu na re / / myi la la gzhung la ni rtsing
(157) tshig la ni zhib pa yodo / / myi la la myi dgos pa'i / yan lag la ni zhob ching
(158) dgos pa'I mdo la ni rtsing ba yang yod do / / yang dag par na ni / / mdo ma shor
(159) na / / yan lag kun gyang zhar la 'duste / de las 'da' ba yang myedo / / gchig du na
(160) mying zhing zhes pa la / / 'dri ba yang ma nor ba'i mchog yino / / nu na re / / las bya'o chog grogs
(161) dang 'grogste bya dgos na / / grogs myi dgra bar yang ma gyur la / las gyang ma nor bar zin par bya na
(162) chi ltar bya / / phu na re / / gzhan gyi tshig bzang ngan chi byung yang / / sun dbyung ba dang / ltag chod
(163) bgab zung myi bya bar / / yangs zhing shong bar byas ste / / mdo gang gis gzung ba nyid ma nor
(164) bar bsdu' / / sun myi dbyung du myi rung ba zhig yod na yang / / kho ma skyengs par / tshig 'jam
(165) pos / / dal nas bzho ste byas na / / gzhan myi dga' bar yang ma gyur la / las gyang ma
(166) nor par zin du rungo / / nu na re / / myi nor dad chen la / / yongs ni 'dzangs pa zhig dang / las
(167) lhan chig du bab na chi ltar bya' / / phu na re / / de ni 'dzangsu zin gyang / / yongs gyis nor
(168) dad che dang / 'dzangs drang po zhes dpyad du myid gyis / / thog ma nas myi 'grogsu rung na
(169) rtsod pa'I yu ba chado / / de ltar ma rung na / / phugs 'jam du bgyis la / bdag la mtshang gis
(170) ma 'gos pa dang drang po'i / gzhung ma shor par gyis shig / / nu na re / / gzhung ma shor
(171) par byas dang / / kho'i yid dang 'gal te / / myi dga' bar 'gyur na chi ltar bya / / phu na
(172) myi dga' ba'I rim 'gro / 'jam pos bya bar zad de / / yong ni / / myi dgos pa la ma byas /
(173) smra myi dgos pa la / / ma smras na / / yon po'i yid dang 'thun bar ma byas pa ni / / yon po
(174) ma yin gyi legs gyi ra ba 'o / / ye ni / las gyi ngo shes par byos shig / / ma rtos shig
(175) nu na re / / blon gdab na chI ltar gdab / / phu na re / / blon gdab du chud do chog la / / nyes pa
(176) yod na / / ngor blon thob shig / / ngor blon ma thebs na / / dkog dpyas ma byed chig / / ye ni
(177) pha rol po la / blon gdab du rung yang dag 'aM / / nyes yang dag par rtogs na / / gdab bo /
(178) gzhan la 'phya' ba la ni / / mkhas / / bdag la ni myi rig pa mang ngo / / pha log la dpyas bya
(179) ba 'dra bar / / bdag la yang chi yod pa bsal te / / yod dang phyi 'chad myi bya bar bchad na [/ /]
(180) bdag gis bdag bchos zhes bya'o / / de ltar bdag gis myi bus na / / gzhan la / dko[g]
(181) dpyas byar rung ngam / / nu na re / / blon gdab pa'i tshad chis gzung / / bdag la
(182) bdag gis bchos pa ni dka' na / / mdza' bo la la dang / gchig gi g.yo gchigis
(183) gzung bar bya na rung ngam myi rung / / phu na re / blon gdab du rung ba'i tshad ni / / blon bta[b?]
(184) kyang / / myi dga' ba'I mdud par myi 'dzin / / g.yo gtong bar 'gyur na / blon gdab du rungo /
(185) g.yo 'dzin pa'i zla ni / / yang dag pa'i / / snying gchig pa yod dang legs gyis / /
(186) 'dzi ma zham ma byed chig / / myi mang po'i nang na / ma smra shig / / nu na re / / 'khor bde [bar]
(187) bya na chis bsdu' / / phu na re / / chu gang dang gzungs yod par byasla sems 'thun
(188) bar byas dang / 'khor bde bar ma zad gyi / / gar song yang bde bar 'ong gis / / bu zhig na
(189) pha'i sems dang 'thun bar byos shig / / nu bo zhig na / / phu bo'i sems dang 'thun bar
(190) byos shig / / bran zhig na rjo bo'i sems dang 'thun bar byos shig / / chung ma zhig
(191) na / / khyo'i sems dang 'thun bar byos shig / / g.yog chig na / dpon po'i sems
(192) dang 'thun bar byos shig / / de lta ste / / gzhung ma nor par bzung la / / sems
(193) 'thun bas / bsdus na / / kun kyang bde bar rungo / / sems myi 'thun ba
(194) las / / nad che ba myedo / / nu na re / de ltar rung na / bde bar ni 'gyur na / sems /
(195) 'thun ba thabs chi ltar bya' / / phu na re / / de ni bla ma rnams gyis gyang / 'os
(196) shing ran pa dang / thog du phebs shing / myi ma rnyas par byaste / / legs pa drang po'i /
(197) chos gyis brkol lo / / 'og ma rnams gyis gyang / / lta rgyab gnyis rgyun myi 'chad
(198) pa dang / phrugs bde bar dgongs pa las bltas na / / las gyang rgyun myi gchad
(199) par bsam mod / / gchig du na / bla ma btshun zhing phangs par brtsi ste / / chi la
(200) yang / gus shing rim pa yod par byas na / / legs bde bar 'thuno / / yongs dga'
(201) na ni / / skyid pa yin / / myi dga' na ni sdug pa yin gyis / / khyim na 'dug
(202) na / ha chang ma 'chur / / myi dgos pa'i yo lang 'og ma la ma bskyed / /
(203) ring por myi thogs pa la / / 'og ma myi dga' bar ma gyur la / las zin du
(204) rungo / / gchig du / rgan gzhon dang / dpon g.yog dang rje gol gyi tshul
(205) yod par byas la / / yul chos gyi nyes pa byed du myi gzhugs par / nan thur gyis
(206) khugs par bya'o / / nu na re / tshul yod pa chi lta bu / / phu na re / / gzhon ba dang / g.yog bran
(207) zhes / / sa rdo dang mchungs rje da nga ba dang / myi myi phangs pa dang / rgyud dang rten myed par myi bya' / / bdagi nyams las
(208) blangste / / bkol zhing spyad pa yang / / ran bar bya'o / / bu tsha dang gzhi rten yod par byas na / / bdag la yang phan
(209) khong yang dga' zhing snying nye'o / / 'di ltar na / tshul yod ches bya'o / / tshul yod na / / yul chos
(210) gyi nyes pa byed du myi gzhug sar / / nan thur byas pa la / myi dga' bar byed pa su zhig yod / / de ltar
(211) ma gyur na / / drang po legs pa'i chos yin te / / rje gol gnyis / dpon g.yog gnyis rgan gzhon
(212) gnyisu / drang po legs pa'i chos byed na / / de la myi smon myi 'du' ba'I myi su zhig yod / / nu na re
(213) bran du pha gol po las lhag pa yod taM / / phu na re / yang dag par snying nye ba las / lhag pa myedo /
(214) snying nye la pha gol po yin na / de las lhag pa yang / ga la yod / / snying ring na / pha gol po yang
(215) myi phano / / snying nye na btshon yang bla'o / / nu na re / / bran g.yog rgod bag chan dang / blun po ngan pa /
(216) bkol na / chi ltar bya / / phu na re / / yong ni / / ya rabs ni / drin gyis bkold / ma rabs ni / /
(217) nan thur gyis bkol zhes bya mod gyi / / 'jengs ngan kun la yang / drin dang nan thur myed du
(218) myi rungo / / rgod bag chan ni / / nan thur gyis drag du bkug la / myi byed par thub na / 'or che
(219) zhes / tshigis bstod ching myig drango / / ngan pa ni / chi ltar bya ba'i thabs bstan ching /
(220) nug chig ches / yid bsring ste gzhin gdabo / / bar bar legs pa 'ga' zhig byung na yang /
(221) 'or che zhes tshigis bstod de / / sems gso' zhing / yi mchad ma gram par bya'o / /
(222) nus pa tsham la / / byed du myi bthub 'am / / nyes byed na / / nan thur skyed chig / / nu na re / /
(223) g.yog bran gnyis legs nyes gnyis zhig byas na / / chad pa dang bya dga' bya ba ched che 'am chung
(224) spyo ba yang mtshangs ma brus na ni snying myi tshim / / bru drags na ni / / yi chad na chi ltar bya' / / phu na re
(225) chad pa ni / / nyes pa byed du myi gzhug pa'i sdigs [so (/mo)] / / bya dga' ni / legs pa'i zho sha / khong na ma lus
(226) pa'i / / myig 'dren pa ste / / 'di ni / thog du phebs pa dang / mdong stsol cher bya ba'i rigso / / spyo ba'i
(227) gyod tsham la ni / / kho na nyid gyis / chi nyes pa'I phyir / spyos pas / chog gis / / pha myes la
(228) stsogs pa smos shing spyos pa ni / yi chad par 'ong gis / / mtshang bru ba'i myi rigso
(229) legs pa byas gyang ngo so myed / / nyes pa byas gyang / gyod myi rma ba ni / / chis 'jam zhing legs pa
(230) ma yin gyi / 'khrug ba yin no / / nu na re / / sri zhu bya na chi bzang / / phu na re / / bu tshas ni pha ma dang
(231) gnyen bshes myi 'gyod par nus na / / sri / / zhu'i mchogo / / g.yog bran gyis ni
(232) rjo bo dang dpon po myi gshe bar nus na / / sri zhu'i mchogo / / de ltar nus na / bdagis
(233) chi bya 'o chog la / / bde zhing yangs par 'ong ngo / / non snying ma tshang ba / / myi /
(234) gzhan gyi ngag nyan pa dang / bsam ba nor pas / / rjo bo dang dpon po dang pha ma man
(235) chad / / gnyen grogs dang / bran yan chad bsad pa dang / / 'bye 'thab pa yod do /
(236) 'di lta bu'i myi ni / / mthong ngo chog gis / / 'dre dang mtshungs par bya ba'i rigso
(237) 'di lta bu myi rigs / ma nyes pa yang / / gsod na / / des myi ma bsad pa gag
(238) yin / / de la bltas na / / myi ma yin te 'bye bar mngono / / myi la la / / sha rus gyis
(239) gnyen ba bas / / chung ma gnyen bar brtsi ba yod do / / chung ma chi ltar sdug gyang
(240) nyor rnyed gyis / / pha ma dang phu nu bo chi ltar myi sdug gyang / / gud nas btshal du myi
(241) rnyed do / / de lta bas na / / bu dang chung ma bas ni / / pha ma dang phu nu bo / phangs par
(242) brtsi dgoso / / bu tsha phams gsos te / / phangs pa'i rim 'gro myig dang mtshungs
(243) par byas pa yang / / rgas pa'i bsel dang lan glon bar dgosu zad de / / skyes na
(244) slar lan glan zhing chi nus gyis bya ba'i rigso / / dper na / gchan zan /
(245) mtsha' dang bya rgod gyi bu yang / / pha ma'i drin gyi lan glon na / myi'i bu lta chi smos
(246) ma rabs gyis phan gzhan du gdagsu myed gyang / / pha ma'i ngag mnyan te / yid dang ma gal pe'i
(247) rim 'gro cher bya ba'i rigso / / pha ma yod gyi bar du / / bu pho smos / / shes gyang / blon gdab
(248) pa'i rigs gyi / / so nam gyi dbang bya ba'i myi rigso / / bu'ang thugs thub myi byed na / mna'
(249) ma lta chi smos / / pha ma dang bla ma la / sri zhu myed na / / de ni phyugs dang mtshungs gyis / / myi zhes
(250) mying ma gdags shig / / nu na re / / byams pa zhig yod na chi ltar bya / / phu na re / / legs pa la
(251) de'i snying dang mtshungs par / / rjo bo dang dpon po zhig byamsna / / gag na yang / drod myi thub pa dang /
(252) gzhan la nam zhig na / / bu tsha'i gnod pa'i tshul du ma bye chig / / bdag shi ba'i phyi na yang /
(253) phangs pa'i mye ngan gzhagi / / myi phangs pa'I / shir dga' ba myi gzhago / / yong yang myi 'o chog
(254) yid 'jog par byos shig / / nu na re / / yid 'jog pa chi ltar bya' / / phu na re / / chi yang myi brdzun
(255) na kun yid cheso / / yid ches na / / kun yod 'jog pa de nas 'byungo / / nu na re / / byams
(256) pas chi byin na che / / phu na re / / rjo bo byamsna / srid byin ba las / byin ba che ba myedo / / dpon po byamsna
(257) 'dzangs lo ba par byas na / byin ba che'o / / nu na re / bdag la g.yog mkho' ba zhig yod la /
(258) nor byin du ni / / bdag gyang dbul bas / / chen po byin du myi bdog na / / lan chis glan / / phu na re
(259) de ni srid myi stor pa'I / / chos shes par byas na / / de las lan du che ba myedo / / nor yang de'i nang na chog par
(260) yod do / / chi la yang byams pa dang / sdang ba gnyis / / bye brag phyed par byos shig / / byams pa yin
(261) ba las / / ma rig ste / sdang bar bsams na yang nyeso / / sdang ba yin ba las / / ma rig ste /byams
(262) par byas na yang nyeso / / la la snying nas sdang ba ma yin ba las / / kho'i chos dang 'thun bar byas na
(263) legs pa ma yin / / nyes ste / / byed do chog / / ma nor nas / / sdang ba dang mtshungs par 'gyur
(264) ba yodo / / nu na re / / de gsum chi lta bu / / phu na re / / bdagis nyes gyis dogste / / bchos shing
(265) gshe ba dang / bdagi skyon drang por smra zhing / ston pa ni / / byams pa yin na / / bdagi yid dang
(266) myi 'thun bas sdang ba yodo / / bdagis nyes pa kun la yang / rung zhes bstod ching / bsten pa
(267) la 'ang / / la la kho bdagis / / nyes pa sngar rngul ba'i grogsu dgos pa'i phyir / / nor dang man
(268) ngag 'dra ba'i tshig gis / / bzlu zhing / legs shes zer ba yode / / 'di ni sdang ba yin na /
(269) bdagi yid dang 'thun pa'i phyir / / byams pa 'dra bar brtsi ba yodo / / ma tshor bar sdang
(270) ni / / dper na / / khro ba dang / bsar la sred pa lta bu la / / de legs zhing bzang zhes zer
(271) zhing / bstod pas / / bdag dang gnyis kas / ma tshor nas / ma legs pa la / legs
(272) par 'dzin pas / / yid la bab pa bzhin / / drang por bstan pas / / legs pa ma yin te / sdang
(273) ba dang mtshungs par / gyur to / / nu na re / / bdag la bla ma gshe na chi ltar bya / / phu na re / / bdag
(274) dgis nyes na / / khas long shig / / mnyes na / / byang bar 'jam du shod chig / / ma nyes pa
(275) gshe zhes / / chu tshad dang log pa nang tshig byeste bkyed na / / bdag la gnodo / / bdag la g.yo
(276) yod na / bor te / slar bskor zhing yid ches par bya ba'I rigso / / nu na re / / myi chigis nyes
(277) byas na / / bye brag dbyer yod taM myed / / phu na re / / bye brag dbyer yod de / / gzho nu'i tshe la ni
(278) nyos so chog byasu zin gyang / / mkhon du myi rungo / / blo rdzogste / / nyes na ni / nyes yang
(279) dgis / / mkhon du rungo / / rje gol gnyis pha bu gnyis dpon g.yog gnyisu 'ang / mkhon bab la
(280) du gzung ngaM myi gzung de las bya ba'I rigso / / nu na re mkhon byung na / sha gnyer
(281) taM myi gnyer / / phu na re / / sha khrims gyis gnyer pas chogo / / nu na re / / myi la la kho'i snying
(282) du ni 'ong / / bdagi yid du ni myi 'ong / / ba yod / / myi la la kho'i yid du myi 'ong / bdagi
(283) yid du ni 'ong ba yod na / / de chi ltar bya / / phu na re / / myi chos gyis / / bdag la gang legsu byed ching
(284) 'khor ba sdug du rtsi ba yin gyis / / bdagi yid du myi 'ong yang / / ma skyengs par mgu bar gyis shig
(285) bdagi yid du 'ong la / / kho'i yid du myi 'ong ba ni / / ran par ma bzhag na / / ma sten / / skyengs par
(286) 'ong ngo / / nu na re / / ran par gzhag pa chI lta bu / / phu na re / / kho la legs shing sdug du bya bya na / /
(287) brtaste / / 'thun bar ma rung zhes / / log pa myi bya bar / / sngun yong yang ma phrad pa'i tshul bzhin du
(288) yong ran par gzhag na rung zhes bya'o / / yong ni / chang ma legs pa la ni / dngan byamsu ma
(289) byams shig / / ma nyes pa la ni / / dngan sdang du'ang ma sdang shig / / myi pha logs po /
(290) bdagi yid la / myi sdug pa zhig yod na yang / / yid du myi 'ong myi sdug ches / / kha nas smra ba'i
(291) myi rigso / / de skad byas pa dang / / bdag la ni phan ba myed la / / pha logs po ni / myi dga'
(292) zhing skyengs par 'ong ngo / / nu na re / / mdza' bos nyes shig byung na / / grogs dang chu gang
(293) chi tsham du bya' / / phu na re / / ngon 'thon gyi thabs gyis byar rung na / byos shig / / srid dang
(294) nor gyis bshugsu rung ste / / bdag la myi 'khri na byos shig / / yong ni / legs pa la
(295) mdza' bor nus na / / mdza' ba yin gyi / / myi phan bar mngon bzhin du / / nyes pa la lus
(296) gyis / / bshugs pa ni / / mdza' ba ngan pa yino / / nu na re / / chi la yang phrag yangs na bzang
(297) na / / phrag dogs pa la bzang ba chi yod / / phu na re / / rung myi rung la / dogs par ma byasna / srid
(298) gyi dkrugs mar 'gyuro / / zas la dog par ma byasna / / dugis srog yal to
(299) chung ma la dog par ma byas na / / rogs gyuro / / gtshang smye la dog par ma byasna / myi ngan
(300) par skye'o / / grang dro la dog par ma byas na / / myi nad du gyuro / / nu na re / / sten du chi bzang chi ngan
(301) phu na re / / nyin par gyi sten du / rjo bo dang dpon po dang 'dzangs shing drang ba dang / mkhas shing dpa'
(302) ba dang / bzo zhing rtsal che ba dang / / stan ngag dang bka' grims / bzango / / nub mo'i sten du
(303) ni chung ma bzango / / nyin par gyi sten du / rkun ma gtsham bu dang rgyun ma g.yengs pa dang / smyon
(304) ba dang 'chal ba dang / sdal ma zhan pa ngan to / / mtshan mo'i sten du / na chung ngan to / /
(305) nu na re / / rjo bo dang dpon po la gnyen ba / phan du re ba zhig yod na / myur du bya ba'i rigsaM myi rigs
(306) phu na re / / 'di yang yang dag par / rig na ni / / myur du bya ba'I rigso / / ma rtogs par gzhan
(307) gyi gsung la ma rgyug shig / / ma rtogs pa mangs na / / bdag gyang sun / byams ba
(308) pa yang yid byung la 'chal ches / gyang zero / / gchig du na / / phra mar yang 'gyuro / / nu na re /
(309) phra ma mnyan taM myi mnyan / / phu na re / mdo che na / gsang ste rje gchad gyi / / bye brag ma phyed par mnyan du
(310) myi rungo / / nu na re / / grogs po mdza' bo mangsna / 'ga' dang mjug du / mkhon gyis gyang dogs
(311) thog ma nas / myi mdza' bar gzhag du ni / / yid 'thun na chi ltar bya' / / phu na re / / yongsni jis /
(312) mdza' ba la yang snang ste / / yon po yang ba'i chos la / yid 'thun te / / mdza' ba ni / / mthar yang myi
(313) mkhon myi sride / / de ltu bu dang ni / / chi ltar yid 'thun gyang / mdza' bar bya ba'I myi rigs so
(314) drang po lci ba'I chos la / yid 'thun te / mdza' na ni / rtsod par yang myi 'gyur gyis / / mdza' ba mang na
(315) legso / / yong ni / / mdza' bo yang / / tshul dang sbyor te gyis shig / / ji tsham dang ni / thog ma
(316) nas gyang ma mdza' la / / tha mar yang ma 'thab na nyen myedo / / ma mdza' na legs shes ste /
(317) myi mched par byar yang myi rungo / / mdza' zin nang / chi nas gyang ma rtsod pa dang gzungs yod par
(318) gyis shig / / nyes pa rngul gyang / / bzod par gyis shig / / bzod par ma byas dang / nyes khos nyes / / brjod
(319) dang bdag gyang smos par 'ong ngo / / myi zhig legsu re ste / gros 'debs sam / legsu re ste bya ba
(320) las / / bdag myed par gyur taM / / gdon zoste / / nyes sam / / kho ni legsu re ste / zer na / / bdagi yid la
(321) ma bab pa la stsogste / / 'di lta bu'i bag chig na / / nyes par gyur gyang / / lan legs pas / glan no / / nu na re
(322) bdag la phan ba myed par / / lan legs par jir glan / / phu na re / / myi 'di yong gis / bdag la legsu
(323) dga' zhing sems pas na / / phal bas nye'o / / gtam rnying pa dag la yang / / nyes pa'i lan legs
(324) pas / / glon ba yod gyi / / legs pa'i lan nyes pas glon ba ni / / yongs gyis / myi srid do / / gchig tu
(325) na / / legs par byas pa / / spro ba dang / yid bsdu bar yang dgoso / / sus drin gtags gyang / brjed
(326) gyang / byar myi rungo / / drin myed par brjed na / / byas pa dang / ma byas pa 'dra zhes ngan du zer zhing
(327) snying nas / phan bab byed pa myedo / / su dang 'thabs gyang / rung / / rung ba'i mdo la 'thabs dang / de lam
(328) ma bsgyur de las gles la ma chig / / bcol pa yod dang / myi rung myi nus na ni / thog ma nas / cha
(329) brdulo / / khas blangsna / / sgo'i dang 'dra bar bya'o / / lus las phangs myed de / dgra' dang gdon
(330) gang nas 'ong gtol myed gyis / / lam nye ring gar 'gro yang / bdog dang g.yog khrid chig / /
(331) rung brnams la / gnon lta ma byed chig / / bdagi lus la yang / le lo bya na / / brtson grus bya ba
(332) gang yod / / de lta bas na / / bdagi lus la yang / / bdagis sri zhu bya ba las 'da' ba yang myed do /
(333) don yod de / srog ri ba tsham gyi tshod na / / gdod lus myi phangso / / nu na re / / brel ba'i nang
(334) na chis brel na / nang na myi bde / / phu na re / / srog dang sems gyi bre ma na / myi bde ba'i mchog yino
(335) nu na re / / srid gyis brel na tshabs myi che 'am / / phu na re / / sems gyi nang na / srid gyang / 'dus te
(336) sems myi brel na / / srid gyang bde bar 'gyuro / / nu na re / / bu phos mos shig bdog na chi ltar bya /
(337) nor du chi byin na / che / / phu na re / / thabs ni tshil yang legs par bya ba'i rigso / / nor du ni / drang zhing
(338) ma nor ba'i gzhung byin na / / de che ste / / srog srid gnyis gyang / der 'duso / / nu na re / / shes pa
(339) chi ltar bya / / phu na re / / yongs ni / / ma bstan par shes pa dang / ma bslabs par lobs pa myedo
(340) 'dzangs pa chi yang shes pa yang / / bslab pa la ni 'grus / / bstan pa la ni nyan / / legs pa la ni /
(341) dgra la yod gyang len / / nyes pa la ni / / bdag la yod gyang 'dor / / drang po ston pa la ni gshi yang
(342) dga'o / / log par ston pa ni / / byams gyang spang ngo / / de lta bas na / pha ma dang / phu nu rgan /
(343) rabs gyis gyang / / bu tsha gzho nu ni / / shes pa'i zho sha khong na ma lus / bslab ching sbyang ba lab /
(344) ched che ba myedo / / de lta bas na / / ngan pa yang 'bring por 'ong na / / 'dzangs pa lta smos gya chi /
(345) dgos / / snying rgyu khong na yod gyang / ma bstan ma bslabs / / ching ma sbyangsna / 'dzangs
(346) pa lta 'bring por 'ong na / / ngan pa lta smos gyang chi dgos / / de lta bas na / / slab pa ched che bra
(347) mngon no / / bus ba gzho ru / rtse ba'i gong / yig rtsis la stsogs pa / / 'dzangs gyi snon
(348) du 'gro ba dang / phong rtsal la stsogs pa / / dpa' ba'I snon du 'gro ba / lob par bslabs pa'i
(349) rigso / / yun du phan ba ni / dka' yang bslab / / yun du gnod pa ni / / dad gyang gtang na
(350) phral gyi lta chi smos / / bdagi bu tsha bslab ba yang / / dang po ni / su bdag la byams pa'i /
(351) shing 'dzangs pa'i gan du gzhag ste bslab ching dbyang ngo / / de nas blon po che zhing
(352) dbul ba'I gan du gzhag ching bslab ste dbyango / / de nas / rung yang dag na / grags
(353) pa'I sa gar che bar gzhogo / / gzhung myed na / / che zhing mtho yang / / de'i gan du myi gzhago /
(354) gzhon skyes sten las / / rdzu ba mang gis / / myi log pa la sred pa rnams dang / sten ching mdzar
(355) myi gzhugo / / nu na re / / bslab pa dang po byams pa'I gan du gzhags pa / dang / phyis blon po
(356) che zhing dbul ba'I gan du gzhag pa / ched chi ltar che / / phu na re / / bslab pa dang po byams pa'I
(357) gan du gzhag pa ni / / bdagi bu gzhon bas / / legs nyes gnyis bye brag myi phyed la / / bya myi bya
(358) drod myi zin pas / / bdag la byams pa nyid ma yin na / / 'khyams shing khrin la thogs par yang 'ong
(359) gchig du na / gzho nur gram na / / snying rtsal gnod pa skad gyang bya / / byams la 'ba' shig
(360) gis gyang myi chog ste / / 'dzangs pa dang lobs pa'i sa ma yin na bslab ching / / bstan do chog thog du
(361) myi phebs myi lob so / / 'dzangs pas ni / / ji byas gyang / / thog du phebs la / bu nyid gyang
(362) de'i tshul bslab pa'i phyir ro / thang / gzhon zhing shed ma bye' ba'i tshe / / der bslabste / / lobs
(363) nas / / blon po che zhing dbul ba'I gan du gzhag pa ni / / blon po de che ba las na / myi 'dzangs
(364) myi srid / / dbul bas na / / drang dkan dang gzhung che ba dang / 'dod chung ba / ma yin myi
(365) sride / / bdagi bu yang de'i lugs bslab pa'I phyir / der gzhago / / gchig du na / dbul ba'I
(366) g.yog byed dang / ji la yang / gron chung zhing / nyung ngus chog par shes na / / bla 'og gnyisu
(367) / chi bya'ang bde bar 'ong ngo / / stan ngag la stsags pa / yi ge bzang po 'chang zhing /
(368) glog du bchug na / 'dzangs gyi snon du rungo / / tsha bo dang bu bdagi phyi na 'dug na / nam
(369) zhig mkhon ma lus par / / mtshungs par bya ba'I rigso / / nu na re / bran kol yang mtshungs
(370) par / bya'am / / phu na re / / kho na nyid gyi skal ba gud na yod pas / / yong gis de la / myi re
(371) ste / / shas ma byin yang / / mkhon myedo / / bu tsha zhig pha khu'I phyi na 'dug na / / nam du'ang
(372) ngan du dogs pa'I phyir / bdams shing bchos pa dang / spyos shing gzhus pa mkhon du byar
(373) myi rungo / / pha khu dang pha ma las ma bsamste / / nyes pa zhig rngul na / / gzhan la brjod
(374) pa'I myi rigso / / brjod dang gnyis ka khrel bar 'ongo / / nu na re / / phu nu bo la / btams gyang
(375) myi nyan / bchos gyang myi 'gyur na / chi ltar bya' / / phu na re / / 'di ni / / ma nyes par stams las
(376) chad pa dang / srog srid gyi dgra yang 'di lta bu las 'byung gis / / ngo slog phod par / byas la myur
(377) du / 'gong thod du / dbyung ba'I rigso / / nu na re / / gnyen bya na chi ltar bya / / phu na re / / mna' ma blangs
(378) na / / mnad dang 'dzangs bdamo / / der yang myi ldan na / / mnad dom shig / / mag pa bdam du yod
(379) na / / 'dzangs phyug gnyis dom shig / / nu na re / / chung ma'I kha bzhin ched che 'aM chung / / phu na re
(380) ma 'os pa ma yin na / / bzang ba ni / / phral du dgar zado / / chung ma sdugu ni btsal du rnyed
(381) gyi / / bu tsha / / ngan pa ni / brjer myedo / / nu na re / / pha la chen chung gnyis zhig yod na / /
(382) bdagis pha ltar byas na ni / ma'i yid dang 'gal / / ma'I yid ltar byas na ni / pha 'i yid dang
(383) 'gal na / / thabs chi ltar bya / / phu na re / / yid gchig pas / / bsdum dgos ste
(384) bdagis gyang / / ma dang ma yar mo gnyis sdug du go mnyam bar bya dgoste / / yus ma yu[s]
(385) la [lang (/lnga)] drang por byas la / / chen chung ni / / chos gyis / / rigste / / ngo mnyam ba las lhag
(386) par / myi dgos par / bsams la / / smad gyis gyang / / chu tshad myed pa'i / / gsag byas ste
(387) myi dga' bar / / ma gyur ba'I nad bsal la / / so so nas / / dang bskyed de / / yid dang
(388) 'thun bar byas na / / gang gi yid dang yang myi 'gal te / / kun la bde'o / / nu na re / /
(389) de ltar rung na / / rab du'ang legs / / de ltar ma rung na / gang gi yid dang 'thun bar bya
(390) phu na re / / bu la pha dbang ches / / pha'i yid dang 'thun bar byos shig / / 'on tang dum ba
(391) zhar gyis 'byungo / / nu na re / / mna' ma sgyug mo dang rtsod pa ji lta bur bya / / phu na re /
(392) 'di lta bu mang ste / / chos gyis srid pa'I phyir / / gnyen bya ste / / mna' ma blangs pa la
(393) gyos sgyug gis / / gyang / / bsgran ['ing?] brgyad pa'I myi rigso / / gyi / / btams shing /
(394) bstan pa'I rigso / / mna' mas gyang / / gyos sgyug / pha ma'I go la / / bsgran ching 'khyal
(395) ba'I myi rigs gyi / / btshan zhing rim pa yod par bsamste / / rim 'gro cher bya 'Ib rigso / /
(396) 'di ltar byasna / / rtsod pa chi las 'byung / / bu khyor dgos pa ni / / sdug par byas la / / kho la
(397) myed du myi rung ba'I / / pha ma dgrar blangsna / ma nor tam / / gchig gis gchig thub gyang /
(398) legs pa ma yin / / nyes par mngono / / yongsni / / gzhon ba'I tshe / mna' ma byas / / rgas pa'I tshe
(399) sgyug mo ste / / myi chigi tshe la / / rnam pa gnyis byas myong bas / / bdagi nyams las bsams
(400) gyang / / mngon ba'I rigso / / pha bu gnyis gyis / / drang po rigs pa / / so sor / chud par /
(401) byas na / / rtsod pa chado / / gtang ba dang yul gyis bkal ba'i thabs shig ni / yod mod gyi /
(402) de ni / / drang por ma nor par / / nus pa ma yino / / nu na re / / chung ma dang ha chang mdza' ches
(403) na ni / / gzhan gyis gyang / / khreld / / sdang bar byar ni / / mo 'ang yid du 'ong dgu byed
(404) na / chi ltar bya / / phu na re / / chi ltar yid du 'ong ba la snang ste / / legs pa'I yid du 'ong ba byed na /
(405) mdza' zhes / gzhan gyis myi khrel gyis / / mos ma nyes par / / dpyas gyis dogs pa'I phyir
(406) spang ba'I / ga la rigso / / gzhung gis legs pa ma yin na / / yid du chi ltar 'ong yang /
(407) 'thun bar ma byed chig / / mos ma nyes dang / sna 'ga' / bdagi sems dang ma 'thun pa'I phyir /
(408) bdag la dbang yod ches / dngan sdang du ma sdang shig / / nu na re / / nor gyi drod chis gzung /
(409) phu na re / / chog shes pas drod gzungo / / nu na re / / chi tsham na chog / / phu na re / / lto ma bkres
(410) rgyab ma grang / / chu shing la ma bab / / rkang ma chad na chog shes ste / / 'di rnams 'byor na /
(411) phyug la bde ba yino / / 'di las lhag pa'I nor btog pa ni / / bde zhing phyug pa ma yino /
(412) nor gyis / / bdag 'khol te / / nor dgrar ldango / / nu na re / / des chog na / / gos zas
(413) gyang ngan ches la / / bran dang phyugs gyang nyung ma ches sam / / phu na re / / yong dpag pa yang
(414) 'og ma la bltas dang / bdag bas dbul bas gyang nus na / / bdag jis myi chog / / ltag ma
(415) las / / bltas na ni / / chog pa'I mtha' yang myede / / rgyal po yang chog myi mkhyen na / ha chang
(416) de lta bur / / 'dod cheste / / dpag pa'I drod chig ma rigs dang / srog srid gnyis la dma' 'o / /
(417) gos zas ni / / dros pa dang 'drangs pa gnyisu dgos par zade / / tha mal pas / / dros /
(418) shing 'drangs pas chis ma chog / / bran dang phyugs gyang / ngan las la ma bab / rkang
(419) gis ma song bas chogo / / gyi na / / yul / dang khyu na rgas pa lta / / bdag la myed du myi rung ba
(420) chi yod / / myi'i dpon po bya na / / 'di lta bu 'dod pa'I grangs mangsna / / 'dod pa'I mu skye'o
(421) 'dod pa'I mu skyes dang / / yon po myi snyoms pa yang / 'dI las 'ong ngo / / rje blon gyis
(422) bdagi zho sha dang sbyar te / nor ma byin bar / nor ste / pa ni / / sgyu dang thabs gyis / brgal te / 'og
(423) ma las ma phrogsna / / nor rang myi 'ong ba la / bltas na / / dpon po byed ching / dbul ba ni
(424) legs pa'I mgo che'o / / nu na re / / ha chang dbul ches na / / res 'ga' bzhag gya dgosna chis
(425) bya / / phu na re / / yongsni / / 'dzangs pa drang pos bzhag na / / gzhagi ra ba'o / / dpa' bo /
(426) thabs mkhas pas bzhag na / / bzhagi rab 'og 'o / / brtan po gzung thub pas
(427) bzhag na / / bzhagi 'bring ba 'o / / rnon ma nor dang gos gyis / bzhag pa ni / / bzhagi
(428) mtha' ma 'o / / nu na re / / chung zad myed na / / gson po'i yo byad dang / shi ba'I bdur
(429) skyibs dang / / bu tsha la dbog pa yang myed na / / yon por myi 'gyur bar / nor btshal
(430) du rung ba chi mchis / / phu na re / / de rnam pa lnga yod de / / gchig ni / / ngon thon gyi /
(431) ngo 'phral tshol pa'o / / gnyis ni / ngon thon gyi phyugs spel pa'o / / gsuM ni
(432) ngon thon gyi bran btshem ba'o / / bzhir ni / / ngon thon gyi / tshong byed pa'o / lngar ni
(433) ngo thon gyi zhing rmo ba 'o / / nu na re / / ngo thon gyi thabs 'di rnams byaste rus na
(434) phyug por bya 'aM myi bya / / phu na re / / tsho chis de 'dra bar byaste / phyug por nus na / nyes
(435) myed pa 'dra mod gyi / / de yang ran pas chogo / / myed du rung ba'I rnams gches par
(436) ma byed chig / / myi dgos par chud zos par ma byed chig / / nu na re / / nang na chi
(437) mang na phyug / / phu na re / / nang na bu mang na phyug / / nu na re / / bu mangs na / / ngan pa
(438) kha chig rkang 'dren du myi 'gyur ram / / phu na re / ye ni / / ngan pa btang na / / 'dzangs pa
(439) byung zhes bya'o / / mang po la ngan du byung ngam / / gchig pu de / ngan du drod
(440) myi rig ste / ngan pa byung gis dogs pasna / / mang du dgoso / / 'dzangs pa
(441) gchig yod na / / ngan pa brgya'I srid zindo / / ye ni / / gtam rnying pa dag las
(442) bu gchig bdog na / gchigi nor gyis phyugs / / gnyis bdog na gnyis gyi nor
(443) gyis phyug ches bya'o / / nu na re / / bdagis / nus la / / gzhan la myi gnod
(444) na / nyes pa yod taM myed / / phu na re / / lugs dang ma gal na / / skyid par byas gyang
(445) bla'o / / nu na re / / chos lugs bya ba gang yin / / nus pa'I tshad chis gzung / / phu na
(446) re / / chos lugs dang ma gal na / dpyas myed pa'I rigs / / bdag la dpyasu ma gyur
(447) na / / skyid par byas gyang bla'o / / nus pa'I tshad ni / / gzhan la myi smon par nus
(448) na / / gzod nus pa yino / / nu na re / yongsni ji bya 'o chog la / / phyug po dang dbang chen
(449) pos bya ba ni sla / / dbul po dang dbang chu ngus bya ba ni dka' ba 'dra na / / de ltar lags
(450) sam ma lags / / phu na re / / 'di la yang drang po ma nor ba'I chos myed na / / bya 'og sla ba
(451) ma yin gyi / / che ba ni bdud dang nye'o / / phyug po ni dgra dang nye'o / / yong ni phyug
(452) ching che 'dod na / / srid gyi yu ba nas gzung dgoso / / srid gyi yu ba zhes bya ba
(453) ni / / drang zhing bag yod la chog shes pa'o / / dbul zhing chung bas gyang / / 'di ltar nusna
(454) 'dzangs shing mkhas shes bya'o / / yong ni / phyug po ni / nor gyis phung ba yodo / / 'dzangs pa ni
(455) tshig gis brlag pa yod do / / nor spyad nyes na ni / / dgra'o / 'dzangs smra nyes na ni / gzhan gyi
(456) zher 'dobso / / de las bltas na / / nor yang ran par spyad / / 'dzangs gyang / / gzhams shing smra ba'I
(457) rigso / / 'dzangs smra legsna / / srid gyi mchogo / / nor spyad legs na ni / / so nam gyi mchogo
(458) gtam rnying pa dag las / / yid la dran ba las gyang / legs par smras na / / kha ni / dpal gyi sgo
(459) mo'o / / lce ni phrul gyi lde myig ches bya'o / / nyes par smras na / / kha ni byur gyi sgo mo / / lce ni
(460) bdud gyi ste re zhes bya zhes gyang grago / / de las bltas na / / kha tshas dang mrnyas mo shindang /
(461) mthon pa'I zla gnyer zhing myi bde ba / 'gran nga ba'I chos / nyan rna dang phyi ma nang bya ba'I myi rigs
(462) par mngon no / / bdagi tshod gyang myi rig na / / gzhan gyi tshod lta ga la rig / / su che su
(463) brtsan / gtol myed gyis / / kun gyang btshun bar byas ste / / ma rangs shing yi gchad pa myed par
(464) bya' ba'I rigso / / / nu na re / / brtson 'grusu bya ba gag / / phu na re / / ye ni / legs
(465) so chog la / / brtson 'grusu myi bya ba gchig gyang myede / / ma rabs gyis / / gzhan myi nus na
(466) rje blas la / brtson 'grusu gyi sa shig / / zhud do chog dang bu med gyi bgi gan du ma bgro shig /
(467) myi 'gror myi rung / / ba myed na / thong shig / / nu na re / / ji ltar legs / / phu na re / / zhud do
(468) chog gi gan du phyin pa ni / / nyes dang bdag 'dren chan zhes mying thogs par 'ong ngo / / bud
(469) med gyi gan du rtags ches na / rgyo zhes mying 'togso / / bud med dang myi mdza'r myi rung na
(470) rgyang ma nas / / than phrin gyis / / 'drul ching / res 'ga' phrad pa'I tshe yang / / zhag du ma lon ba
(471) dang / / che bzhi yod bar byas ste / / song dang / myi dpyode legso / / nu na re / / dus che zhes
(472) bya ba chi lta bu / / phu na re / / mtshungs pa la / bdagi ltar myi byar myi rung zhes zer ba dang / bdagi
(473) kha nas / / byung phan chad / legs nyes myi rtog ching / / blon myi tshugs pa dang / / yang dag /
(474) par / ma nongs pa'I thabs yod na / / sla ba 'dam zhing / rung du re ba 'I phyir / / gdon lto stson ba
(475) lta bu yino / / nyes pa yin par / rigste / / gzhan gyis / chi ltar bya zhes blon btab gyang / myi bthub pa
(476) ni / / dus che ba ma yin gyi / / legs pa la myi 'gyur ba yino / / nu na re / / phas btams
(477) pa ni / / rgang nyon chig / / mas btams pa ni / / gzhar som zhig ches byung na / / pha ma la myi
(478) mtshungste / / la la rkun ma yon po'i chos byed pa yang yod na / 'di lta bu'i tshig / btams na /
(479) mnyan ching bsamsu rung ngam / / phu na re / / pha ma gnyis las nye ba myede / bus nyes gyis dos
(480) pas na / / log par myi ston te / / snying gi tshig drang po legsu re ba'i chos ston
(481) pa'i rigste / / de'i phyir de skad bshad mod / / pha mas yon po log pa'I tshig btamsu
(482) brin na / / pha ma'i tshig ches ste / log par tshor bzhin du / ma btang na / ru ba ga la yin
(483) nyes pa zhig sngar bdag las byung ba'I lan / / gzhan la 'daste / phyi chad
(484) chod par / bya'o / / yong yang / bdag che zhing btshun zheste / tshig du myi rung ba dang / srubsu ma
(485) bab pa'I / / brnyas thabs ma zer chig / / ma 'os shing / myi rigs pa ni / bdagi bu dang
(486) chung ma la yang myi bzodo / / g.yog dang bran la yang byar myi rung na / gzhan lta chi smos / /
(487) 'di ni gang na yang / sa myedo / / ya rabs shes bya ba ni / / chi yang thogsu 'bab pa yin gyi / / myi
(488) shes shing thog du myi 'bab par byed na / / ma rabs gyang / / de las chi thu' / / grogs
(489) la / ngas bgamsna / / 'di skad zer zhes / ma snyod chig / / gzhan gyi man ngag
(490) bdag la smrasna / / bdag dang mdza' ba shig yod na yang / / ma snyod chig / / bsnyad gyang bla ba
(491) zhig na yang / / bdag nyid gyi tshig pa skad du bya ba'I rigso / / pha log ngan ches ma snyod
(492) chig / / 'di rnams bsnyad na / / grogs bag tsha zhing / / yid myi 'jog par 'ong ngo /
(493) sus chi nyes gyang / / de ltar byasu myi gtang zhes ma smra / / mna' ma 'dor chig / / khroM pa'i
(494) snying ma rtogs pas / / thog du bab pa nyungo / / nyes dang ma yin na / / ni / / bdag la gnod / ma yin
(495) na ni / / mna' zos shing sun par 'ong ngo / / myi byar myi rung na / / mna' ma bor bar / / byar
(496) myi rung ba chi yod / / la la pha logs gyis ma bzod na / dgrar ldang ba yodo / / chi la
(497) yang / bdag las mkhas skyen zhes myi brjod do / / sngar pha rol bstode bdar dang /
(498) pha rol mo yang / / dga' / / bdag de bas thu na yang myi dpyas / / lhag na yang phyis
(499) byas pas / / mngon te / / ma 'phyiso / / ngan myi nus yang / bar mngon dang / / ran pa tsham
(500) du bya'I / ma 'dar ma stod chig / / phar bsting zhing / bdag bstod pa 'dra bar / gyuro
(501) zogs la / 'phya'o chog ni / pha logs gyi phyas rig pas na / / bdag 'dzangs pa
(502) 'dra bar / spyom shing bsgrags pa'I phyir / / gzhan gyi / tshig sun 'byin ba yodo
(503) 'di su bden yang / phan ba myedo / / su brdzun yang / gnod pa myede / ched myi ches / yangs
(504) par glod de gzhag na legso / / gya tshom tu / yengs ma gtam ma zer chig
(505) gtam la la / / bdagi bzhad gad la / gzhan gyi zher 'debs pa yod do /
(506) mngagsna / / thos slos ma bya ste / / slar ma ldog par / bdagis phyin ching rig par
(507) byos shig / / nor la ha chang yang ma dam zhig / / dam ches na / / mdza' shing
(508) bshes pa la dgos gyang / / myi ster te / / bdog gyang chi rung / mkhon du 'ongo /
(509) ha chang lhod ches na / / drin yang myed pa'I steng du / / ji tsham na / / bdagis myi bzode
(510) ma sbyin na / mkhon du 'ong ngo / / sbyin ba zhig na yang / / thog ma nas / bsam dmyig
(511) ste / / sbyin bar / byas phan chad / brdzun ma byed chig / / myi bdog pa tsham na yang /
(512) brdzun bar kha ma yang shig / / sbyin bar snyad btags la / brdzun bya bya bas / / ni /
(513) thog ma nas ma smos dang legso / / yong yang chi bya'o la / / kha lag 'thun bar
(514) bya ba'I rigso / / smra 'o chog la / / dogs pa'I tshig gron ma gzhug shig /
(515) dogs so chog la rim 'gro skyed chig / / sus gtam dris gyang / lon
(516) chig / / shags ma rgod chig / / ra ron rta ma brgyug shig / / lce mchin myi dgo'
(517) pa'I / / bzhad gad khas brgya' ba thong shig / / 'di gsum ni / / bdagi mtshang du
(518) gyur ching / srog dang srid la dma'o / / nu na re / / gzhan bgyi ba'I thabs chi
(519) dag mchis / / phu na re / / 'di'i tshul las / / ji yang ma nor bar gyis shig / / mdo
(520) dang / gzhung shes na / / bya'o chogi nang du / myi nor bar btang du rungo / / bya'o chog /
(521) dmyigste / bshad na / / myi ma shi bar du / / zin pa'I mtha' myedo / / ye ni /
(522) chi bya 'o chog la / ma nor bar rtogs shing gyis shig / / shes bzhin ba la
(523) nor ba byung ba yodo / / bdagis bshad pa 'di yang / / kha chig / tshig gi zur
(524) tsham la / / ched che zhing / gzhung du rung ba yodo / / nu na re / / 'og ma la yid brtan taM
(525) myi brtan / / phu na re / / brtan du rung ba rnams la rton chig / / myi rung ba rnams la
(526) ma brtan chig / / ngan pa yod na / 'dzangs pa yodo / / chung ngu yod na /chen po
(527) rnyedo / / dbul po rnyed na / phyug po yodo / / blun po yod na / bzo bo rnyedo / kun
(528) yang de lta ste / / phral yun gnyis rig dang legso / / nu bo shin du yid la bab
(529) ste / / yang dag pa'I tshig bdog pa ni / / snying 'ba' shig la / btams pa /
(530) lags gyis / / gzhan la ma bsnyad chig / / 'di ltar gchig gis
(531) gchig la / / btams shing / bstan nas / / 'dzangs pa po / spun
(532) nyis / de nas so sor gyes ste mchis so /:/:
(533) $ / byang phyogs na rgyal po du bzhugs pa'i
(534) rabs gyi yi geo
(535) {$ / / gzha}
(536) $ / / / gna' / hor gyi rgyal pos / / bka' stsal te / / byang phyogs na /
(537) rgyal po du mchis par / / hor myi lnga rtog tu btang ba'I bka' mchid
(538) gyi yi ge / phyag sbyal na mchis pa las dpe blangs pa'o / /
(539) $ / / yul gyi mying rgya skad du ji 'ur / / drug skad du / / ba ker pa leg ches
(540) bgyi / / yan chad gyi phyogsna / / drugu 'bug chor sde bchu gnyis mchis te / /
(541) rgyal po zha ma mo ngan sde chig / / hali sde chig / a sha ste'i sde chig / shar du li'i
(542) sde chig / lo lad gyi sde chig / par mil sde chig / rngi ke'i sde chig / so ni sde chig
(543) jol to sde chig / yan ti sde chig / he ba dal sde chig / gar rga pur sde chig / 'di rgams
(544) la rgyal po ni ma mchis / / 'di rnams la dmag drug stong mchis / / de'i shar [phyogs?]
(545) ltar / bod gyis ni he zhes bgyi / / rgya'i ni he tshe / dru gu [ni?] dad pyi zhes bgyi ba sde dpon
(546) cong bong ya / / dad pyi 'dI'i pha myes rung ba'I mgo bo / / gser dngul gyis brgyan ching
(547) chang 'phor du bgyid / / de nas shar phyogs ltar / / dru gus ni / mug lig / rgya ni ke'u li
(548) zhes bgyi ba / / shan tong phyogs gyi dbang blon / chang chung chi'i khams / ke'u li 'di phyogsna
(549) myi sko sko brang la 'byar ching / / myi sha 'tshal te / / pha ma rgan rgon dang myi rgan rgon rnams
(550) skyin por gtong zhing gsodo / / de nas shar phyogs ltar / / mon ba beg rtse zhes gcher
(551) bur mchi ba mchis / / de nas lho phyogs ltar / / myi chu'i nang du nya bzhin tu 'dug
(552) pa mchis / / de nas lho phyogs ltar / mon ba nag po myig dkar po / skra chu rta bzhin
(553) du 'khyil ba / mchiste / / nya bzhin du rkyal skyeno / / dad pyi'i byang phyogs ltar / / da sreste
(554) chig mchiste / gur shing yang nya'i rtsib mas bgyid / gur g.yogs gyang / ya rabs
(555) ni / nya lpags la bgyid / ma rabs ni / gro ba la bgyid / / 'bug chor nas nub phyogs
(556) ltar / / bod gyis ni / dru gu rus dgu zhes bgyi / sde dgu mchis pa'I sde dpon chen po
(557) 'u yi kor do tog las / / rgyas babs stsal pa / kha gan thob ste / / rus ni / yag le
(558) ker zhes bgyi / / sgor ni tog dgu 'dzugste / / rho yo 'or sde chig dmag drug stong
(559) mchis / / 'di'i byang phyogs ltar / ge tang zhes bgyi ba mchiste / rgyal po ge tan gyi kha gan
(560) zas dang chos gyang / 'a zha dang 'dra ste / phyugsu yang / be'u lug dang rta phal che / skad gyang 'a zha
(561) dang phal cher 'thun / / ho yo hor dang ched ni 'thab / ched ni gnyen / / de nas shar phyogs ltar
(562) dad pyi mchis / de nas / byang phyogs na / / ga ra byi gir sde chig mchiste yul rong phyogs
(563) phyugsu phag 'ba' shig mchis / / do le man sde chig mchis yul nas byi tse
(564) pad bzang po de nas byung / / gur gro bas g.yog pa sde lnga mchis / / de nas byang phyogs
(565) na / mcho mtha' myed pa'I 'gram na / / myi khyim dang gzugs 'a zha dang 'dra / / phyugs sna
(566) tshogs par mchis / / gosu spu lpags gyon / dgun thang chen po la / sa gas ste /
(567) myi phan tshur myi thard / / pa / sde che la skyid pa zhig mchis / / de nas bya smad
(568) ltar / khe rged sde chig mchiste / / gur gro bas g.yog / / rgor la / byi ba sngon po'i pags
(569) pa 'bul / / de nas byang phyogs na / ye dre sde bdun mchiste rgyal po ni ma mchis / / hor
(570) dang rtag du 'thab / / gur gro bas g.yog / stag pa'I shing / / shing ma zho ltar 'jo zhing
(571) chang du bgyid / / yul rong phyogste brtsan / / de 'i nub ltar / gud sde chu ngu zhig mchiste
(572) khyim yang ri la / pyva'i skyab mo / sha ba la / khal 'gel zhing sbyod / / gosu dbyar
(573) dgun 'dra bar / ri dags gyi pags pa / sol ba nag pos / bsku zhing gyon
(574) zasu / ri dags gyi / sha dang / gro ma dang / mon bu / byi bas byi brun bstsag bstsag
(575) pa dang / byi mangs dang / bye'u shing sta mos / / shing sbom po rul ba 'I nang du / /
(576) bstsag bstsag pa 'tshald / / hor la gchan zan gyi pags pa 'bul / / de nas
(577) byang stod ltar / ku chu 'ur sde chig mchiste / / yul brtsan te / / hor gyi ngag myi
(578) nyan nas rtag du 'bab / / de'i ltag na / rhir dis sde chu ngu gnyis mchis te
(579) hor dang ched ni / 'thab ched ni gnyin / / de nas byang phyogsna / / gir tis sde chig
(580) mchis pa / / myig shel myig / skra mar po / / yul na / phyugs sna tshogs / mchis / rta bo
(581) che skye / / de nas byang phyogsna / / rkye ngam bye ri rgyud chen po zhigis chode / zha ma
(582) kha gan gyis / / dmag drangsna / / dmag ni ma thar / / de'i pha rol / byang phyogsna
(583) myi lus ring po chen po zhig / mchiste / / kho'i lus 'dom gsuM tsham / mda' zhi
(584) cha ngar dang zam / rgyal po gzhan dang 'dra / / dgra bgyid ching myi gyod la 'dogs
(585) zhing / 'gums pa'I chos ma mchis / / myi gum na / shid myi bgyid / mchad pa myi
(586) rtsig / / byis ba rda phrad pa yan chad / / lha la phyag 'tshal / / phyugsu be'u lug
(587) sna tshogs mchis / / hir kis / / pho nya gtang gtang na / / 'di lta bu byis ba 'dra ba
(588) khyis brkus par 'ong zhes / / mchis nas / / khong ta'i rna zhu nang du stsal te
(589) dpyang la 'dogs / / pho nya la 'dri ba / / nged gyi be'u lug rdzi / ga ra gang lig
(590) zhes bya ba yod pa'I rigsna / ga la 'khod 'dri zhes mchi / / myi ring phan
(591) chad ni / myi mchis pa skad ma thos / / de'i byang phyogsna ba sme sde lnga mchis /
(592) de / / hor dang / gar log dang gsuM bsdongste / 'bug chor gyi rgyal po / kha gan
(593) gyi srid brlagste / / ba [mel?] gyi sde / dpon / kha gan gyis thob pa las / / hor
(594) dang / gar log gis / ba mel kha gan bsad nas / / ba smel sde 'thor te / sde bran
(595) du mchis pa las / / ba smel gyi khams / ges dum sde chig / ba smel gyi khams
(596) ba yang bgo sde chig / / sde dpon yed myis / hir kin / / hi dog kas sde chig
(597) sde dpon hi kil rkor hir kin / yul brtsan te / / gar logs gis / ma khugs
(598) de nas byang phyogsna / go kog sde chig su dang yang myi 'thab myi rtsod / / de'i nub phyogs
(599) na / / sde bchu tsham yod / / la la ni yul brtsan la la ni rong che la la ni yul bzang
(600) zhing 'brog che / / 'di rnams gyi gyab phyogsna / mye ngam bye ri rgyud ched po / pha rol na
(601) gnam gyi rgyal po sde gnyis mchiste / / 'bug chor gyi rgyal po / zha ma kha
(602) gan gyi srid bde ba'I tshe / / 'di phyogs na / dmag drang na / dmag gis / ma thar te
(603) myi nyis 'khyamste / mchi mchi ba / / rnga mo'i rjes zhig dang mjal nas / / rjes
(604) chu dag du mchi mchi na / / rnga mo phal mo che zhig mchis pa'i gan na / bud med /
(605) mchis pa dag chig dang mjal nas / / drugu skad du rda mjal nas / / bud med
(606) des bkri bkri ste / / sbas na / / phyi 'bred / khyi phal mo che zhig / / ri dags
(607) shor du mchi mchi / ba slar mchis pas / / khyis snas tshor te / khyi la phyag 'tshal
(608) du bchugo / / de nas / / khyis / rnga mo bchu dang / chi 'dod dgu / / dang / / mye ngam bye ri rgal
(609) ba'I chu bkal te / slar btang nas / drugu yul du phyino / / khyi dang po gnam las bab khyi
(610) dmar po gchig dang nag po gchi dang gnyis / / la bab ste / / chung mar / / spyang mo zhig
(611) gchig dang phrade 'tshos na / bur ma rungo / / de nas / dru gu'i khyim 'dab nas /
(612) bu mo gchig brkuste / bu mo de dang 'tshos nas / / bu pho rnamsni / khyir byungo / mo rnams
(613) ni / myir byung nas / bud med dag chig du redo / / khyi dmar po'i sde ni / ge zir
(614) gu shu zhes bgyi'o / / khyi nag po 'i sde ni / / ga ra [gu?] shu zhes bgyiste / / khyi dang bud
(615) med drugu skad du rda mjal nas / / phyugs la stsogs pa / / nor zas ni bud med
(616) gyis / sbyor zhing spyodo / / de'i phan chad na / myi mchis pa skad ma thoso / / 'di'i nub
(617) pyogs ltar / gar log sde gsum zhig mchiste / / dmag brgyad stong mchis / du rgyus
(618) dang ta zhig dang 'thabo / / de'i shar phyogs ltar / / og rag sde gsuM mchiste / / ho yo
(619) ho[r?] ce phyogs ltar / / ne shag chos gyi mkhan po tshol zhing 'chug pa'I rten
(620) byed ching / ho yo hor dang 'thabo / / de'i byang smad na / / drugu gu log gol chor gyi
(621) 'phro / ^i byil kor / sde chig mchiste / / dmag stong mchis / / de'i byang ston na / be
(622) [ca (/rca)] nag sde chig mchiste / / dmag lnga stong mchis / / hor dang 'thabo / / de'i nub phyogs
(623) na / / drugu ha la yun log sde chig mchiste / / sde che la / skyid pa zhig mchis / drugu rta
(624) bkra de nas mchi'o / / de'I byang phyogsna / / mye ngam bye ri rgyud gyi pha rol na / myi ^ud
(625) ha dag leg zhes bgyi ba / / rkang pa / ba lang gi rmyig pa chan la / / lus la spu
(626) shol shol po zhig mchis / myi sha la 'tshal / / 'di phyogs nas par / / drugu'i
(627) myi rgod dag chig mchi mchi na / / myi rgod gchigi rkang pa chagste / 'gro ma phod
(628) nas / / rogs po dag gis / / rkang pa chag pa'I drung du / rta chig bsad nas / shing
(629) mang du bsduste / mye cha lag du byin te / / der bor nas / / re shig na / / stag gchig
(630) sngangs zin te / / rkang chag gan du phyin na / / stagi phyi bzhin du / / lus byi la chen
(631) po tsham / / spu lcagi thur ma bzhin du sra / / lkog ma dang / mchan 'og
(632) g.ya' g.yon / / mtheb bo sa tsham re re dkar / / nas / myi rkang chagis
(633) mchan 'og dkar ba der mda' chigis 'phangste bsad na / / lus ni phag
(634) bzhin sgur / / spu ni lcagi 'thur ma bzhin du sra la rno / / sna'i thog ma nas
(635) mjugi thog [ma?] bar du / / ral gyi bzhin du rno / / drugu skad du / kog nyo yog
(636) ches [---] [-]s bya / / ste / stag dang lgang 'thab pa der mthongo / /
(637) [---] [-]s sos gyi bar du / / stagis ri dgas bsad ching
(638) [---] / / myi byad gzugs gzhan dang 'dra / / gos chung
(639) [---] [-]g / sgrog rus g.yas g.yos na mchis / de'i
(640) [---] zhigi nang na / / ri bog ri / nya be ba'I [---]
(641) [---] [-]ng rtsi span spun yang mchiste / / ri [-]e[-] [---]
(642) [---] [-]i mtsho'i [---]