Old Tibetan
Documents Online
Google
Find on this site

Valid HTML 4.01 Transitional

Text Archives > insc_Skar

The Skar cung inscription
    This Text All the Texts  

1. Content : Stele inscriptions - The Skar cung inscription

2. Note : The complete text consited of 57 lines before the inscription was broken. Now only parts of lines 13-16, 22-27 and 36-41 can be confirmed from the extant three pieces. The text is mainly based on the reading of the original by Tsuguhito Takeuchi and published photographs. For illegible portions we follow the readings of Li and Coblin (1987).
[location] Ra ma sgang, 3.2 kilometers southwest of Lhasa.
[date] reign of Khri lde srong brtsan (ca 799-815).
[condition] broken into several pieces. Three pieces are extant in an undeveloped lot behind the park of the Nor bu gling ka (Takeuchi 1999: 233).
[images] Richardson (1949: plate X): lines 32-41(42), Richardson (1963: plate 17): lines 38-41 (partial), Snellgrove and Richardson (1968: 38): lines 24-36, Richardson (1985: plate 10): lines 24-35(36), Richardson (1998: plate 13): base, (plate 17): lines (37)38-41 (partial), Pitt Rivers Museum and the British Museum (Web: plate 2001.59.2.6.1): lines 47-57 (illegible, partial), (plate 2001.59.17.31.1): lines 1-13(14), (plate 2001.59.17.33.2): lines (9)-(13)14-21(22), (plate 2001.59.17.34.1): lines (42)43-50 (partial), (plate 2001.59.17.36.1): lines 37-53, (plate 2001.59.17.37.1): lines (31)32-41(42), (plate 2001.59.17.38.1): lines 42-50 (partial), (plate 2001.59.17.39.1): lines 44-56 (47-56 partial), (plate 2001.59.17.40.1 same as Richardson [1998: plate 17]): lines (37)38-41 (partial), (plate 2001.59.17.48.1): lines (15)16-26.

3. References :

Richardson (1949) [I.Translit., I.Trans.], Tucci (1950: 14, 51-54, 104-108) [I.Translit., P.Trans.], Richardson (1973) [I.Translit., I.Trans.], Wang (1982: 151-163) [I.Translit., I.Trans.], Bsod nams skyid (1984: 106-113) [I.Translit., I.Trans.], Richardson (1985: 72-81) [I.Translit., I.Trans.], Li and Coblin (1987: 316-331) [I.Translit., I.Trans.], Bsod nams (1991) [I.Trans.], Hor khang (2003) [I.Translit., I.Trans.].

Transliteration   (Change the Display Format)

(1) $ / / 'phrul gyI lha btsan po khri lde srong brtsan gyi ring
(2) la / / dam pa'I chos yun du brtan bar gtsigs
(3) brnan pa / /
(4) $ / / 'phrul gyI lha btsan po / myes / khrI srong brtsan gyi
(5) ring la / / sangs rgyas kyI chos mdzad de / / ra sa'i gtsug
(6) lag khang las stsogs pa brtsIgs shing / / dkon mchog
(7) gsum gyI rten btsugs pa dang / / myes / khri 'dus srong gI
(8) rIng la / / gling gI khri rtse las stsogs par / gtsugs lag
(9) [kha]ng brtsIgs ste / / dkon mchog gsum gyI rten btsugs
(10) pa dang / / myes / khrI lde gtsug brtsan gyI ring la / / brag mar gyI
(11) kva cu dang mchIng phur gtsug lag khang brtsIgs ste / / dkon
(12) mchog gsum gyI rten btsugs pa dang / / yab / khrI srong lde
(13) brtsan gyI ring la / / brag mar gyI bsam yas las stsogs
(14) pa / dbung mthar gtsug lag khang brtsIgs ste / / dkon
(15) mchog gsum gyI rten btsugs pa dang / / lha btsan po / khri /
(16) lde srong brtsan gyI ring la yang / / skar cung gtsug lag khang
(17) las stsogs pa brtsIgs ste / / dkon mchog gsum gyI rten
(18) btsugs pa las stsogs pa / / gdung rabs rgyud kyIs /
(19) 'dI ltar sangs rgyas kyI chos mdzad pa 'di / / nam du yang ma
(20) zhIg / ma btang na / / legs pa dpag du myed par 'gyur / /
(21) btang ste / zhIg gam / myed par gyur na / / sdig pa grangs myed
(22) par 'ong bas / / da phyIn chad nam nam zha zhar / / 'phrul gyI lha
(23) btsan po / yab / khrI srong lde brtsan gyI ring la / / dkon mchog
(24) gsum gyI rten btsugs pa dang / sangs rgyas kyI chos mdzad pa
(25) myI gtang ma zhig par / / gdung rabs rgyud kyIs yi dam bca'o
(26) zhes 'byung ba las stsogs pa / / btsan po yab sras / / rje
(27) blon / kun kyIs dbu snyung dang bro bor te / / gtsigs kyI yi ge dang /
(28) rdo rIngs la bris pa bzhIn du yang mdzad do / / 'dI ltar / / yab
(29) myes / gdung rabs rgyud kyIs / / dkon mchog gsum gyI rten
(30) btsugs shIng / sangs rgyas kyI chos mdzad pa 'di / / gces spras cI
(31) la yang / sdIg go zhe'am / ma legs so zhes / / mo dang rmyi ltas las
(32) stsogs ste / cI'i phyir yang rung ste / myI gzhig go / myI spang ngo / / de skad
(33) ces / che chung sus gsold kyIs kyang / de ltar myi mdzad do / / btsan
(34) po dbon sras / / sku chu ngur bzhugs pa yan cad / / chab srId kyi
(35) mnga' bdag mdzad pa man chad kyang / / dge slong las / dge ba'I
(36) bshes nyen bskos ste / chos thugs su cI chud chud du bslab cing / / bod
(37) yongs kyIs kyang chos slob cing spyad pa'I sgo myi gcad / nam du yang bod ya
(38) rabs man cad / bod 'bangs las thar par gzud pa'I sgo myi bgag
(39) par / dad pa'I rnams las thar par btsud de / / de'i nang nas
(40) nus pa las / / bcom ldan 'das kyI ring lugs rtag du bsko
(41) zhIng / / bcom ldan 'das kyI ring lugs byed pa'I rnams chos 'khor
(42) nas bya'o cog gI bka' la yang btags ste / / chos 'khor gyI las dang
(43) dbang byed cIng / dge ba'I bshes nyen byed par bsko'o / / rab du byung ba'I
(44) rnams / / nged yab sras kyIs / mchod gnas su gnang ba bzhIn du byas
(45) ste / / btsan po'i / pho brang na dkon mchog gsum gyI rten btsugs shIng /
(46) mchod pa yang / / gu du myI spang myi bskar zhIng mchod gnas su bgyI'o / /
(47) mdor na / / btsan po'I / pho brang dang / bod khams na / dkon mchog gsum myed
(48) pa dang / spang ba'I thabs cI yang myI mdzad do / / yab myes dbon sras
(49) gang gI ring la yang rung ste / dkon mchog gsum gyI rkyen bcad pa'i rnams
(50) kyang ma dma's ma zhIg pa'I chos su / / lha rIs kyi khyIm yIg gI mgo nan las
(51) 'byung ba bzhIn du chis mdzad do / / da phyIn chad gdung rabs re re zhing yang /
(52) btsan po yab sras kyIs / 'dI bzhin du yI dam bca'o / / de las mna' kha
(53) dbud pa dag myI bgyI myi bsgyur bar / / 'jIg rten las 'das pa dang / 'jIg
(54) rten gyI lha dang myI ma yIn pa thams cad kyang / dpang du gsol te / / btsan po /
(55) rje blon kun kyIs kyang / dbu snyung dang / bro bor ro / / gtsigs brnand pa'I
(56) yI ge zhib mo ni / yab kyI ring la gtsIgs kyI yi ge brIs pa'i [z]la [la]
(57) bzhag go / /