Old Tibetan
Documents Online
Google
Find on this site

Valid HTML 4.01 Transitional

Text Archives > insc_Zhva_W

West inscription at Zhva'i lha khang
    This Text All the Texts  

1. Content : Stele inscriptions - West inscription at Zhva'i lha khang

2. Note : Complete text. 62 lines. The text is based on the reading of the original inscription by Tsuguhito Takeuchi.
[location] Zhva'i lha khang, 80 kilometers northeast of Lhasa.
[date] 800-810.
[condition] extant.
[images] Pitt Rivers Museum and the British Museum (Web: plate 2001.59.17.43.1): lines 1-26(27-29), (plate 2001.59.17.44.1): lines 1-26(27-29), (plate 2001.59.17.46.1): lines 1-18(19-25), (plate 2001.59.17.47.1): lines 44-55(56).

3. References :

Richardson (1952-53) [I.Translit., I.Trans.], Wang (1982: 107-118) [I.Translit., I.Trans.], Ngag dbang (1983) [I.Translit.], Bsod nams skyid (1984: 84-88, 90-94, 97-98) [I.Translit., I.Trans.], Richardson (1985: 43-61) [I.Translit., I.Trans.], Li and Coblin (1987: 261-299), Klu (1992) [I.Translit., I.Trans.], Chen and Wang (2003: 73-77, 79-83, 87-90) [I.Translit., I.Trans.].

Transliteration   (Change the Display Format)

(1) $ / / gnam lhab kyI rgyal po / 'phrul gyi lha btsan po khrI
(2) lde srong brtsan gyi / bkas / ### / ban de myang
(3) ting nge 'dzIn / dbu snyung gtsigs g.yung drung du gnang ba /
(4) ban de thing ge 'dzIn lta zhig / gdod nas mthar snyIng nye ste / / nga /
(5) sku chu ngu nas chab srId ma bzhes pa'i bar du yab yuM gyI go byaste /
(6) legs pa la zhen par byas / zhang drung po'i go byas te sku btsas /
(7) yab sras gcen gcung yuM sras / bla 'og dgyes shing 'thun bar
(8) sbyard / spyIr legs pa'I bka gros gsol cing / las su byas pa
(9) las stsogs te / dpen pa byed byed / snyIng nye nye'o / / phyis yab dang
(10) gcen thugs nongs brtud par byung ba'I rjes / / nga chab srId
(11) ma bzhes pa'I skabsu kha cig phan phun dang / gdon stson pa dag
(12) yod pa yang / ban de ting nge 'dzIn kyis nyaM drod zin nas / dpend
(13) pa'I bka gros gsold / khrag khrug myed par byas / legs pa bya'o chog
(14) gi gzhi bzung nas / nga'I chab srid las stsogste / spyIr legs pa'I
(15) las chen po byas te / nga'i zha sngar / chab srId 'don 'dond / snying
(16) nye nye / bla 'og kun kyi gzungs byas te / phyogs su 'khrug pa myed cIng
(17) bde bar byed byed do / / chab srId kyI blon po chen poe las byas kyis
(18) kyang / 'phral yun gnyIs su spyir legs shIng dpen pa 'ba' shig
(19) byed byed do / / 'dI ltar snga phyI gnyis su gang bas kyang lhag par snyIng
(20) nye zhIng / zho sha chen po 'bul 'bul ba / / sngon gyi zla dpe dang sbyar zhIng / bka'
(21) drin 'os par sbyIn bar dgongs pa las / / ban de nyid rjes 'bangs kyi
(22) lugs dang / dge slong gi tshul 'dzIn cing / bka drIn myI nod par gsol gyis
(23) kyang / zho sha'i lan / bka drIn sbyin pa'I chos yin pas / / nga'I / bkas /
(24) ban de ting nge 'dzIn / gtsigs brtsan ba byIn te / / srid g.yung drung
(25) du gnang ba / yun tu brtan zhIng bde bar bya ba dang / kun kyis shes par bya
(26) ba'I byir / / dkon mchog gI rten / gtsug lag khang ['dIr / gtsigs]
(27) kyi mkhar du brtsIgs / rdo rings btsugs nas / / [gtsIgs kyi mdo /]
(28) rdo la mngon par brIs te mtha' phyag rgyas btab nas b[zhag pa yIn gyis]
(29) sras dbon phyi ma mnga' mdzad pa rnaMs dang / chab srId kyI blon po phyi ma dbang
(30) byed pa las stsogs pas kyang / naM naM zha zhar gtsIgs kyI yi ge las 'byu[ng]
(31) ba dang / rdo rings la brIs pa las myI dbrI myI bcos myi bsgyur bar gyIs shIg / /
(32) naM naM zha zhar / btsan po gdung rabs rgyud kyIs / / ban de tIng nge 'dzInd kyI
(33) myes po / blon snang bzang 'dus kong gI bu tsha 'phel rgyud / / spyan ras kyis
(34) btsa' zhIng 'os pa zham 'bring du gzhag pa dang / jI tsam du nus par bku[r]
(35) bstod pa dang / gzhan gyIs mnar taM / staMs las chad na / bka non bla nas mdzad
(36) pa dang / nyes yang dag pa ma yIn na / 'phra ma myi gstsan / staMs las myI gcad
(37) pa dang / snang bzang 'dus kong gi bu tsha 'phel rgyud / la la zhIg gis sku dang chab
(38) srid la snyIng rings sam / nyes pa gzhan zhIg byas na yang / gang gIs nyes pa la rma /
(39) phu nu bu tsha ma nyes pa / gzhan la khrIn myI rma / gyod la myi gdags / bka nard myI
(40) mdzad / cI nyes kyang gyod na gcIg gis / bskyung ba dang / yI ge g.yung drung
(41) mying myi rlag par byIn pa dang / las sna chen po bde ba yun tu chang kyur byIn ba
(42) dang / sde'i dpon po rgyud du gnang ba dang / snang bzang 'dus kong gi bu tsha 'phel
(43) rgyud kyI bran zhing / 'brog sog tshal las stsogs pa / naM zhar rabs cad daM / bka
(44) gyod la thogs na yang / phyag tu myI bzhes / gzhan myI sbyin / mas ma phul phan
(45) cad / cI'i thabs kyIs kyang myI dprog myi bzhes par gnang ba las stsogste
(46) naM naM zha zhar / blon snang bzang 'dus kong gi bu tsha 'phel rgyud / srId bde zhing brtan
(47) ba'I gtsigs gnang ba 'dI / / naM naM zha zhar gnang zhIng myi bsgyur myi bcos par
(48) nga'i zha snga nas kyang dbu snyung gnang / / gcen mu rug brtsan dang / jo mo mched dang
(49) rgyal phran rnams dang / chab srid kyi blon po man cad / zhang lon che phra kun kyang
(50) mnas bsgagste / gtsIgs g.yung drung du gnang ngo / / ban de ting nge 'dzIn
(51) snying nye zhing zho sha jI ltar phul ba dang / dpen pa ci byas pa dang / gtsIgs ci gnang ba /
(52) zhib mo ni / gtsIgs kyI yi ge la bris te / phyag sbal du bzhag / dpe gcig
(53) phyag rgyas btab ste / gtsIgs kyi mkhar bu 'dIr bzhag / dpe gcig ni
(54) phyag rgyas btab ste / 'og dper 'chang du bcug go / / $ / / ban de ting nge
(55) 'dzind kyI myes khu po / dbyI gong gi rgyud kyang / dbu snyung gtsIgs gnang ngo / /
(56) sngon myang dba's snyIng nye zhing zho sha phul bar 'dra ba las / / dba's kyI zla dang sbyar na /
(57) myang bka' drIn chungs pa 'dra nas / / nga'I / bkas / / myang gI gtsigs kyang zur
(58) phyung brnan bskyed de gnang ngo / / $ / / gtsIgs kyi mkhar bu 'dI / nam zhig
(59) dbye dgos na yang / / sras dbon chab srId kyi mnga' gang mdzad pas rIng lugs
(60) thugs ches pa gtsIgs bdag 'drang ba gsuM yan cad
(61) bskoste / lag sbrel la dbyung zhIng / phyir yang 'dI bzhin phyag rgya
(62) dang / ring lugs kyI rgyas btab ste / gzhag par gnang ngo / /